Dagblaðið Vísir - DV - 30.12.2016, Blaðsíða 11
Áramótablað 30. desember 201612 Fréttir Innlendur fréttaannáll
JANÚAR
1. janúar
Ólafur hættir
Ólafur Ragnar Grímsson tilkynnir í
nýársávarpi sínu að hann muni ekki
bjóða sig fram til forseta Íslands að
nýju. Helsta ástæðan er að sú óvissa
sem var ríkjandi fyrir fjórum árum,
sem varð til þess að hann ákvað að
bjóða sig fram að nýju, er ekki leng-
ur fyrir hendi. Síðar á árinu ákvað
Ólafur Ragnar engu að síður að gefa
kost á sér eins og frægt varð. Svo
hætti hann við.
1. janúar
Handtekin með 4 kíló
af kókaíni
Íslenskt par, 26 ára karlmaður og
tvítug kona, er handtekið í borginni
Fortaleza í Brasilíu með um fjögur
kíló af kókaíni. Í yfirheyrslum nefndi
parið Guðmund Spartakus Ómars-
son, sem fullyrt er að sé valda-
mikill í fíkniefnaheiminum
í Paragvæ og Brasilíu.
Á sama tíma var Guð-
mundur í fréttum í
tengslum við hvarf
Friðriks Kristjánsson-
ar sem ekkert hefur
spurst til síðan árið
2013. Sú saga heldur
áfram út árið.
4. janúar
Fitufordómar í garð
Sigmundar Davíðs
Stundin okkar er harðlega gagn-
rýnd fyrir þátt sinn Stundarskaup.
Þar er Stjörnustríð stælt og er
Sigmundur Davíð settur í
hlutverk hinnar sílspik-
uðu grænu geim-
veru, Jabba the Hutt.
Kollegi hans, Bjarni
Benediktsson, er
sýndur sem aðmírál-
linn Icehot1 í hinum
illa keisaraveldisher.
Félagarnir sprengja upp
Landspítalann og Ríkisút-
varpið. Gagnrýnendur segja að Sig-
mundur Davíð hafi orðið fyrir fitu-
fordómum. Sitt sýnist hverjum en
dagskrárstjóri Sjónvarps steig síðar
fram og baðst afsökunar.
5. janúar
Lögreglumaður hand-
tekinn fyrir óeðlileg
samskipti við brota-
menn
Fjölmiðlar greina frá því að Jens
Gunnarsson, starfsmaður í fíkni-
efnadeild lögreglunnar á höfuð-
borgarsvæðinu hafi verið úrskurð-
aður í gæsluvarðhald skömmu fyrir
áramót vegna gruns um alvarlegt
brot í starfi. Degi síðar var maður á
fertugsaldri, sem hlotið hefur dóm
fyrir fíkniefnalagabrot, handtekinn
í tengslum við sama mál. Jens er
grunaður um að hafa þegið fé fyrir
að veita upplýsingar um gang mála
innan lögreglunnar.
7. janúar
Stærsta einstaklings-
gjaldþrot Íslands-
sögunnar
Skiptum er lokið í
þrotabúi Sigurð-
ar Einarsson, fyrr-
verandi stjórn-
arformanns
Kaupþings. Lýstar
kröfur í búið
námu rúmlega 254
milljörðum króna
og því er um að ræða
langstærsta gjaldþrot
einstaklings hér á landi frá
upphafi. Aðeins fengust 38,3 millj-
ónir króna upp í veðkröfur. Sigurð-
ur heldur því fram að kröfurnar séu
bull og ekki raunverulegar skuldir.
15. janúar
Ein bók á tíu árum
Fjölmiðlar greina frá því að Andri
Snær Magnason hafi sent frá sér
eina bók á tæpum tíu árum. Um-
ræður um listamannalaun springa
út en á meðan liggur Andri Snær
undir feldi og íhugar forsetafram-
boð.
18. janúar
Atli fær uppreist æru
Atli Helgason, sem myrti Einar Örn
Birgisson í nóvember árið 2000, fær
uppreist æru og telst nú með óflekk-
að mannorð í skilningi laganna. Atli
var dæmdur í sextán ára fangelsi
fyrir verknaðinn en sat af sér helm-
ing dómsins. Faðir Einars Arnar
er ósáttur og segir Atla aldrei
hafa sýnt neina iðrun.
20. janúar
Landsbankinn
verður af millj-
örðum við sölu
á Borgun
Greint er frá því að hópur fjár-
festa sem keypti 31,2% hlut í
greiðslukortafyrirtækinu Borgun
af Landsbankanum í árslok 2014
muni hagnast um á annan tug millj-
arða við yfirtöku Visa International
Service Association (Visa Inc.) á
Visa Europe. Landsbankinn sá
söluna ekki fyrir og gerði enga fyr-
irvara um viðbótagreiðslu vegna
hennar. Afsagnar Steinþórs Pálsson-
ar er krafist.
Árið hans Guðna
n Tvennar kosningar, pólitískur glundroði og EM-ævintýrið standa upp úr á árinu
Mynd Sigtryggur Ari
Mynd Sigtryggur Ari