Dagblaðið Vísir - DV - 30.12.2016, Blaðsíða 48

Áramótablað 30. desember 2016 3Völvuspáin 2017
GlerborG
Mörkinni 4, reykjavík | SíMi 565 0000 | www.GlerborG.iS
Vigdís hjá
Bændasam-
tökunum
Vigdís Hauksdóttir mun tengj-
ast Bændasamtökum Íslands með
sterkum hætti og koma ítrekað fram
sem talsmaður þeirra. Völvan sér þó
ekki hvort Vigdís taki það upp hjá
sjálfri sér að gerast boðberi bænda
eða hvort hún hreinlega verði ráð-
in inn á gafl hjá samtökunum. Hún
mun verða ákafur talsmaður þeirra
og fara mikinn í samskiptum við
fjölmiðla, ekki síst RÚV. Bændur
landsins verða mjög klofnir í afstöðu
sinni til afskipta Vigdísar af þeirra
högum. Þar mun hún eiga eitilharða
stuðningsmenn og svo aðra sem
verða mjög gagnrýnir á störf hennar.
Væringar
hjá Pírötum
Væringar verða hjá Pírötum og það
hitnar undir Birgittu Jónsdóttur.
Hún hefur aldrei verið óumdeild
innan flokksins en hefur haft þannig
tangarhald á flokksmönnum að þeir
hafa ekki risið upp í neinum mæli
til að mótmæla ofríki hennar. Það
verður ekki fyrr en nú sem flokks-
menn rísa upp og saka hana opin-
berlega um einræðistilburði. Hún
mun svara fullum hálsi.
Samskiptavandi inn-
an Pírata mun ganga
svo langt að vík
verður milli vina
í þingflokkn-
um. Í kjölfarið
verður róið að
því öllum árum
að bera klæði
á vopnin. Á yf-
irborðinu mun
líta út fyrir að tekist
hafi að ná sæmileg-
um sáttum en grunnt er á
hinu góða.
Helgi Hrafn
Gunnarsson, sem
áður þótti líklegur til
afreka, mun fara með
veggjum en í tvígang
mun þó kastast harka-
lega í kekki milli hans
og Birgittu Jónsdóttur.
Ásta Guðrún Helgadótt-
ir mun taka sér meira pláss
sem einn af leiðtogum flokksins en
mæta miklum andróðri ákveðinna
afla innan flokks. Hún mun þó
standa þann andróður af sér og
standa sterkari eftir.
Fylgi Pírata í skoðanakönnunum
mun reynast svipað og í síðustu al-
þingiskosningum. Flokkurinn mun
alls ekki ná neinu viðlíka flugi og
hann mældist í á síðasta ári.
Bjarkey
Varafor-
maður Vg
Átök verða um varaformannsstól
VG á árinu. Birni Vali Gíslasyni
verður bolað þaðan í burtu óviljug-
um, en hann mun eiga
sér fáa fylgismenn.
Þingmenn flokks-
menn munu tak-
ast á um stólinn
og sér völvan
fyrir sér að nýju
þingmennirn-
ir Andrés Ingi
Jónsson og Kol-
beinn Óttars-
son Proppé muni
sækja stólinn fast.
Hins vegar muni Bjarkey
Olsen Gunnarsdóttir stíga fram
seint í kapphlaupinu og skjóta þeim
báðum ref fyrir rass. Katrín Jakobs-
dóttir mun enn enn sem fyrr standa
styrkum fótum innan flokks en
mæta mikilli gagnrýni úti í þjóðfé-
laginu, mun meiri en hún hefur átt
að venjast. Steingrímur J. Sigfús-
son mun koma flestum á óvart sem
maður mikilla sátta í pólitík ársins.
samf ylking
í Biðstöðu
Samfylkingin mun eignast nýjan
varaformann, Heiðu B. Hilm-
isdóttur. Það mun engu
breyta um stöðu flokksins
sem nær sér engan
veginn á strik á ár-
inu.
Fyrrverandi
forystufólk í
Samfylkingunni
mun verða áber-
andi á samfélags-
miðlum en alls ekki
með jákvæðum
formerkjum.
Greina má þar
mikla biturð
og væringar.
Alvöru til-
raun
verður
gerð
til að
endur-
vekja Al-
þýðuflokk-
inn á árinu og mun
hún misheppnast
hrapalega enda
engin eftirspurn
eftir kröftum þeirra sem þar verða í
forsvari.
Árni Páll Árnason verður ráðinn í
stöðu sérfræðings í einhverju ráðu-
neytanna og mun það skapa umtal
og úlfúð meðal fyrrverandi sam-
herja hans.
Formaður Samfylkingarinn-
ar, Logi Már Einarsson, á ekki góða
daga á árinu og mun ekki takast að
auka fylgi flokksins. Í kúlunni er
dimmt yfir flokknum, segir völv-
an en tekur um leið fram að flokk-
urinn muni ekki leysast upp heldur
sé hann í biðstöðu. Logi muni ekki
verma sæti formanns lengi. Hann sé
á útleið.
Völvan réttir skyndilega úr sér og
segir ákveðin: Á allra næstu misser-
um mun koma fram tiltölulega
ungur maður sem á stuttum
tíma mun festa Samfylk-
inguna í sessi. Þetta er
vel menntaður maður
sem hefur starfað er-
lendis og getið sér gott
orð. Hann mun taka
til innan Samfylkingar
og kalla til nýtt fólk, þar
á meðal konu sem mun
njóta mikils trausts meðal
þjóðarinnar og verður fram-
tíðarleiðtogi flokksins. Sem sterkt
tvíeyki munu þau mjög auka fylgi
flokksins og verða til þess að hann
kemst á ný til valda.
össur
móðgar í
æVisögu
Össur Skarphéðinsson mun fá gott
embætti á vegum utanríkisþjón-
ustunnar og vera á miklum ferða-
lögum. Hann mun nýta frístund-
ir til að skrifa ævisögu sína þar sem
hann segir hispurslausar sögur af
æsilegu skemmtanalífi
valdamikilla
félaga sinna í stjórnmálum. Þeir
verða margir æfir, enda er margt sem
þarna kemur fram þeim ekki til mik-
ils sóma. Sumir þeirra sem þarna er
fjallað um munu stinga niður penna
og saka Össur um ósannindi og ýkjur
en málsvörn þeirra mun ekki verða
sannfærandi. Bók Össurar verður ein
af metsölubókum ársins. Völva segist
sjá bókina í stöðugri endurprentun.
ölVaður
þingmaður
Veldur
ónæði
Ölvaður þingmað-
ur ónáðar farþega
í millilanda-
flugi og verður
myndefni dreift
víða af þeim at-
burði og fram-
kalla almenna
fordæmingu.
Þingmaðurinn
biðst auðmjúk-
lega afsökun-
ar, fer í áfengis-
meðferð og snýr
hvítþveginn og
reynslunni ríkari
aftur á þing.
dagur nær
VoPnum sínum
Í borginni munu Dagur B. Eggerts-
son og Samfylkingin undir hans
stjórn verða í vandræðum fram eftir
ári, gjaldskrárhækkanir og erfið-
ur rekstur borgarinnar mun kalla á
gagnrýni bæði pólitískra sam-
herja og andstæðinga.
Hins vegar sér völvan
Dag ná vopnum sín-
um að nokkru leyti
þegar líður á ár og er
það ekki síst sökum
þess að hann situr
í miklum friði fyr-
ir minnihlutanum.
Minnihlutinn mun
fá á sig harkalega
gagnrýni frá áhrifa-
fólki af hægri vængn-
um sem sakar hann um
skort á ákveðni og festu
í samskiptum við
meirihlutann.