Norðurslóð - 27.01.2005, Blaðsíða 1
JJÆJARPOSTURINN
sœplast
W
Bxjar-
pósturínn
birtíst á ný
Síðustu sýningar á Kvenfélaginu
Arnar Símonarson formaður Leikfélagsins
Nú um helgina verða síðustu sýningar hjá Lcikfélagi Dalvíkur á
Kvenfélaginu. Að sögn Arnars Súnonarsonar, formanns LD verð-
ur skólasýning fimmtudagskvöldið 27. janúar kl. 20:00. Föstudags-
kvöldið 28. janúar verður almenn sýning kl. 21:00 og sunnudags-
kvöldið 30. janúar verður sýning kl. 20:00. Miðapantanir eru hjá
Sólveigu í síma 868 9706.
A aðlfundi Leikfélagsins sem haldinn var fyrir skömmu gengu
Dana Jóna Sveinsdóttir og Eyrún Rafnsdóttir úr stjórn, en nýja
stjórn skipa; Arnar Símonarson, formaður, Hólmfríður Margrét
Sigurðardóttir, Sólveig Rögnvaldsdóttir, Olga Albertsdóttir og
Lárus Heiðar Sveinsson.
Aðspurður um frekari verkefni félagsins sagði Arnar að það
væri ekkert frágengið enn. - Nýja stjórnin er búin að ræða aðeins
saman og við ætlum að ljúka þessum sýningum á Kvenfélaginu
áður en ákvarðanir verða teknar um hvort og þá hvaða verkefni
verður tekið fyrir í vetur.
Fuglafréttir
Hin venjubundna fuglatalning
fór fram þann 8. janúar sl. um allt
land. Hér um slóðir töldu þeir
Þórarinn Hjartarson í miðsveit
Svarfaðardals og Júlíus Kristj-
ánsson á Dalvík og nágrenni.
Vegna flensu verður skýrsla Júlí-
usar að bíða næsta blaðs en hér
skýrsla Þórarins er stutt og lag-
góð.
Talningarsvæði: Gullbringa-
Laugarsteinsvolgrur-trjáreitur
við Laugahlíð-Húsabakki-
Hánefsstaðaskógur-Tjörn.
Auðnutittlingur 4
Snjótittlingur 2
Hrossagaukur 1
Rjúpa 19
Hrafn 2
Brandugla 1
Branduglan og hrossagauk-
urinn sæta hér mestum tíðindum.
Hrossagaukur þessi hefur haft
hér fasta vetursetu til margra
ára og heldur sig mest til í
volgrunum umhverfis Sundskála
Svarfdæla. Branduglan er einnig
góðkunningi fuglatalningar-
manna.
Norðurslóð og Bæjar-
pósturinn í eina sæng
Samrmwt > nwrftléf I Ey/éfMU:
Bæjarstjóm vill
heildarsaniciningu
Svarfdælsk byggð & bær
29. ÁRGANGUR
Fimmtudagur 27. janúar 2005
1. TÖLUBLAÐ
Fjölmenni var á skíöum í BöggvisstaðafjalJi um síðustu helgi
enela veður og skíðafœri eins og best verður á kosið: Eitt
óhapp varð þegar piltur á snjóbretti viðbeinsbrotnaði þegar
hann renndi sér ofan í slóð eftir vélsleða. Vildu starfsmenn í
fjallinu koma því á framfœri við vélsleðamenn að þeir héldu
fararskjótum sínum í hœfilegri fjarlœgð frá skíðasvœðinu.
Nóg er plássiðfyrir alla.
S
Utgáfufélagið Rimar ehf.
sem gefur út Norðurslóð
hefur tekið yfir útgáfu
á Bæjarpóstinum á Dalvík. Bæj-
arpósturinn hætti sem kunnugt
er að koma út í desember sl. og
kvaddi lesendur sína með virkt-
um. Þótti mörgum hér um slóðir
súrt að horfa á eftir vikulegum
frétta- og auglýsingamiðli. Eftir
nokkra skoðun var ákveðið að
taka við útgáfunni með þeim
hætti að Bæjarpósturinn kemur
út þrisvar í mánuði en síðustu
viku hvers mánaðar fá áskrifend-
ur hans Norðurslóð í stað Bæj-
arpósts. Áskrifendur Norðurslóð-
ar verða ekki svo ýkja mikið varir
við breytingar og halda áfram að
fá sína mánaðarlegu Norðurslóð
nema þeir óski eftir að fá Bæjar-
póstinn að auki.
Mánaðaráskrift að Bæjarpóst-
inum + Norðurslóð kostar 1200
kr. sé borgað með vísa eða ann-
arri greiðsluþjónustu en kr 1400
með gíró.
Halldór Ingi Ásgeirsson hef-
ur verið ráðinn blaðamaður og
mun skrifa jöfnum höndun í
bæði blöðin. Við bjóðum hann
velkominn til starfa. Þess má og
geta að útgáfufélagið Rimar ehf.
hefur opnað skrifstofu á annarri
hæð Ráðhúss Dalvíkur og síminn
þar er 466 1300.
Ætlun okkar sem að útgáf-
unni stöndum er fyrst og fremst
Halldór Ingi verður áfram blaða-
maður Bœjarpóstsins og bœtir
við sig skrifum fyrir Norðurslóð.
að bæta úr brýnni þörf en löng
hefð er orðin fyrir útgáfu vikulegs
frétta- og auglýsingamiðils í Dal-
víkurbyggð. I framhaldinu er svo
ætlun okkar að styðja enn frekar
undir útgáfuna með netmiðli,
rimar.is og mun hann væntanlega
líta dagsins ljós innan tíðar.
Það er hins vegar ljóst að
áskrifendum þarf verulega að
fjölga og auglýsendum einnig ef
reksturinn á að bera sig svo við-
unandi sé. Á næstunni verður
farið í áskriftarátak og vonumst
við til að það skili þeim árangri
að framhald verði á útgáfunni
um ókomna tíð. hjhj
Fyrirlestrar um Hallgrím
Pétursson og Passíusálmana
í samvinnu við Eyjafjarðarprófastsdænii mun
Húsabakkaskóli bjóða uppá þrjá fyrirlestra um
Hallgrím Pétursson og Passíusálmana í fcbrúar.
Enginn aðgangseyrir er að fyrirlestrunum og getur
fólk mætt á þá alla eða einungis þá sem þeir velja
úr. Áhugasamir eru beðnir um að skrá sig í síma
466-1551 eða á netfanginu husabakki@dalvik.is í
síðasta lagi mánudaginn 31. janúar. Eftirtaldir fyr-
irlestrar verða í boði:
Sigríður Munda Jónsdóttir sóknarprestur í Ólafs-
firði fjallar um ævi og starf Hallgríms Péturssonar
fimmtudaginn 3. febrúar kl. 20:30 að Rimum.
Guðmundur Guðmundsson héraðsprestur Eyja-
fjarðarprófastsdæmis fjallar á myndrænan hátt um
Passíusálmana og píslarsöguna fimmtudaginn 10.
febrúar kl. 20:30 að Rimum.
Steinunn Jóhannesdóttir rithöfundur sem m.a.
hefur skrifað Reisubók Guðríðar Símonardóttur,
fjallar um skáldið Hallgrím Pétursson fimmtudag-
inn 17. febrúar kl. 20:30 að Rimum.
I framhaldi af þessum fyrirlestrum er hugmynd-
in að koma saman hópi fólks sem er tilbúið að lesa
Passíusálmana í kirkjunum í Svarfaðardal og á
Dalvík á föstudaginn langa.
Óskar Óskarsson ráðinn
framkvæmdastjóri innan-
landssviðs Samskipa
Dalvíkingurinn Óskar Óskars-
son hefur verið ráðinn fram-
kvæmdstjóri innanlandssviðs
hjá Samskipum. I fréttatilkynn-
ingu frá fyrirtækinu segir að í
kjölfar vaxandi starfsemi inn-
anlandssviðs Samskipa hafi ver-
ið gerðar skipulagsbreytingar
hjá félaginu og fjölgað í fram-
kvæmdastjórn þess. Ný staða,
framkvæmdastjóri innanlands-
sviðs Samskipa, hefur verið sett
á laggirnar til að styrkja starf-
semi innanlandssviðs enn frekar
og gera stjórnun þjónustunnar
við viðskiptavini enn markviss-
ari.
Innanlandssvið Samskipa
sér um rekstur landflutninga-
kerfis undir vörumerkinu Land-
flutningar - Samskip. Land-
flutningar - Samskip sjá um
áætlunarakstur til 75 áfanga-
staða á landsbyggðinni. Undir
starfsemina heyrir allur akstur
innanlands, rekstur afgreiðslu-
staða á landsbyggðinni svo
og afgreiðslur fyrir farþega-
ferjurnar Herjólf og Sæfara.
Starfsmenn innanlandssviðs
eru um 200 talsins.
Óskar hef ur starfað við flutn-
inga frá unga aldri og má segja
að hann hafi fæðst inn í greinina
því faðir hans, Óskar Jónsson,
rak um árabil flutningafyrirtæki
á Dalvík. Óskar hefur starfað
hjá Samskipum frá árinu 1995,
fyrst sem framkvæmdastjóri
Flutningamiðstöðvar Norður-
lands, síðar á aðalskrifstofu fé-
lagsins og á skrifstofu félagsins
í Bandaríkjunum.
Undanfarin fjögur ár hefur
Óskar gegnt stöðu deildarstjóra
innanlandsdeildar félagsins,
Landflutninga-Samskipa.
Opnunartími:
Mán,-fös. 10-19.30
laug. 10-18
sun. 13-17
Matvöruverslun - rétt hjá þér
Hafnartorg - Dalvík - s: 466 1202
STÓRMARKAÐUR