Norðurslóð - 27.01.2005, Blaðsíða 3
Norðurslóð - 3
UUiVIU L /\lJul>l/\DLlI\
Þær eru orðnar býsna margar ljósmyndirnar frá Jóni Baldvins-
syni sem birst hafa hér í Norðurlóð undir heitinu „Gömul augn-
ablik“. Eitt safn mynda hefur hann aldrei hleypt okkur í þar til
nú. Jón var á sínum tíma fyrsti ljósmyndari Bæjarpóstsins og á þeim
árum tók hann margar myndir sem í safni hans eru merktar Bæjar-
póstinum. Nú þegar Rimar ehf útgáfufélag Norðurslóðar er farið að
gefa líka út Bæjarpóstinn bauð Jón okkur aðgang að þessum mynd-
um. Hér á síðunni eru myndir frá útgáfu fyrsta Bæjarpóstsblaðsins og
nokkrar myndir sem teknar vorur árin 1985 og 1986:
•í'
Mynd tekin í setustofunni á Dalbœ. Hér eru aö spjalla saman talið
frá vinstri Aöalbjörg Jóhannsdóttir (Alla í Sogni), Steinunn Siguröar,
Rannveig Stefánsdóttir sem á sínum tíma átti heima í Haukafelli, Frið-
rikka Jónsdóttir í Víkurhóli og Bára Elíasdóttir.
Hér bíða aöstandendur fyrsta
tölublaðs Bœjarpóstsins eftir aö
lokið verði við prentun blaðs-
ins. Frá hœgri Kristján Róbert
Kristjánson sem var blaðamaður
í upphafi, Jón Baldvinsson Ijós-
myndari, Kristján Þór Júlíusson
ritstjórinn, Hjalti Haraldsson var
blaðamaður og sömuleiðis Jón
Helgi Þórarinsson. Nœst á mynd-
ini til vinstri eru síðan þáverandi
eigendur Víkurprents og þeir sem
sáu um prentunina Sigmar Sœ-
valdsson og Guðmundur Ingi
Jónatansson.
Slegið upp balli á þinghúsinu á Grund líklega eftir að framsóknarvist hafði verið spiluð. Hafliði Ólafs þenur
nikkuna upp á senu. Þarna á myndinni má þekkja Vilhelm Þórarins, Hrein á Klaufabrekkum, Árna Óskars-
son, Gunnstein á Sökku og Júlla Steingríms.
Hér erfyrsta blaðið komið úr prentun. Frá vinstri Jón Helgi Þórarins-
son nú prestur Langholtssafnaðar, Hjalti lieitinn Haraldsson, Kristj-
án Þór Júlíusson núverandi bœjarstjóri á Akureyri, Kristján Róbert
Kristjánsson nú fréttamaður á Ríkisútvarpinu og yfir þeim stendur
Guðmundur Ingi Jónatansson sem sér um prentun Bœjarpóstsins enn
þann dag í dag þótt hann hafi nú hœtt öðrum afskiptum af útgáfunni.
Skemmtileg mynd sem tekin er framan við Ungó. Þarna má sjá bíóút-
stillingar í kössunum sitt hvoru megin við dyrnar. Ekki treystum við
okkur að nafngreina krakkana
sem þarna eru eit gjarnan mœtti
einhver glíma við þá þraut og
senda okkur lausnina. Einhver
hlýtur að þekkja þetta flotta
hjól.
Ljósmyndarinn var líka niður
við liöfn. Hér klofast Stefán
Stefánsson eða Stebbi Gren yfir
rekkverkið á bátnum sínum með
tvo flatta stórþoska. Margar
myndir eru til af Stebba við sjó-
inn. Frœgust er mynd afhonum
sem Sœplast notaði á auglýs-
ingaspjaldi sem meðal annars
gnœfði hátt á sjávarútvegssýn-
ingum víða um heim.
Hópmynd af starfsmönnum Tréverks hf sumarið 1986 Lengst til vinstir eru þeir brœður Ingólfur og Júlíus
Magnússynir síðan Birkir Bragason, Óskar Pálmason, Ingvar Engilbertsson, Arna Hafsteinsdóttir, Sigurpáll
Gestsson, Björn Björnsson, Óntar Arnbjömsson, Svanfríður Jónsdóttir, Bragi Jónsson, Björn Friðþjófson,
Guðmundur Ingvason og Arnar Snorrason.
Hér er Kristinn Jónsson í Nesi eða Kiddi Rommel að brasa við grá-
sleppunetin líklega vorið 1986. Kiddi gat lífgað upp á umhverfið sitt
með athugasemdum og sögum. Eins liafa menn sagt ýmsar góðar sögur
af honum sem vert vœri að rifja upp síðar í góðu tómi.