Norðurslóð - 24.02.2005, Blaðsíða 3

Norðurslóð - 24.02.2005, Blaðsíða 3
NORÐURSLÓÐ - 3 GÖMUL AUGNABLIK Ijanúarblaði Norðurslóðar vorum við með myndir sem Jón Baldvinsson tók fyrir Bæjarpóstinn á árunum 1985 og 1986. Við höldum áfram að birta úr þessu myndasafni. Jón fór með myndavélina víða. Til dæm- is eru hér myndir sem hann tók í veiðiferð með togaranum Björg- vin EA 317. Myndasafn Jóns er mikið af vöxtum og hefur að geyma ómetanlegar heimildir um fólk og atburði hér í byggðar- laginu. Sigurður Jónsson, eða Siggi á Sigurhœðum, hefur verið slökkvi- liðsstjóri í Dalvíkurbyggð í rúma þrjá áratugi. Hann tók við slökkviliðsstjórastarfinu 1974 og er nú sá sem lengst hefur stjórnað slökkviliði hér á landi afþeim sem nú gegna því starfi. Hér er hann ífullum skrúða slökkvi- liðsmanns og stendur við einn af bílunum sem slökkviliðið réði yfirfyrir 20 árum. Þœr systurfrá Sigurhœðum Kristín Jóna og María Jónsdœt- ur, eða Jóna Stína og Maja, ráku keramikverkstœði í bílskúrnum við Sigurhœðir. Það er oftast ekki langt í húmorinn hjá þeim systrum ogþœr eru brosmildar á þessari mynd Hér hefur Ólafur Níelsson, eða Óli í Bergþórshvoli, orðið að prýðilegu myndefni hjá Jóni. Það er enginn asi á þeim Gunnari Magnússyni í Sœbakka og Páli Guð- laugssyni í Miðkoti á þessari mynd. Þeir Gunnar og Palli settu á þess- um tíma sinn svip á lífið við höfnina, ekki síst kringum litlubryggjuna og verbúðirnar. •?siS 11 »fW BJ \ 4 \ s á M Sigmundur Sigmundsson í Framnesi hnyklar vöðvana áður en hann hjálpar Reimari Þorleifs við að sjósetja Berg gamla vorið 1986. Það gekk oft mikið á þegar trillur voru sjósettar, ekki síst ef þeir Efsta- kotsbrœður Hjalti og Skafti voru með í hópnum. Hér er Leifur Björnsson að ísa fisk í lestinni á Björvin EA 311. Á þessum árum voru fiskikassar allsráðandi í lestum togara. Sœ- plast var um þetta leyti að hefja starfsemi hér á Dalvík og kera- vœðing rétt á nœsta leiti. I brúnni á togaranum Björgvin EA 317. Vigfús Jóhannesson skipstjóri situr hér í skipstjóra- stólnum í einni veiðiferðinni sem Jón hafði myndavélina með. Gunnar Þorsteinsson í Mói, eða Gunni í Mói, var frœgur fyrir hve slyngur hann var við reykingu matvœla. Heimareykta hangikjötið hans þótti gott en silungurinn og laxinn þóttu eftil vill enn betri hjá honum. A þessari skemmtilegu mynd er Gunni í reykingakofanum sínum.

x

Norðurslóð

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Norðurslóð
https://timarit.is/publication/1253

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.