Norðurslóð - 28.04.2005, Blaðsíða 1
29. ÁRGANGUR
Fimmtudagur 28. apríl 2005
4. TÖLUBLAÐ
KreQast endurnýjaðs sjálfstæðis
Svarfaðardalshrepps
Undirskriftasöfnun með kröfu um endurnýjað
sjálfstæði hins gamla Svarfaðardalshrepps er nú
í gangi í Svarfaðardal. Það er Þorkell Jóhannsson
flugstjóri í Hofsárkoti sem hefur haft forgöngu um
söfnunina og farið með listann bæ af bæ. Sagðist
hann í samtali við Norðurslóð sl. mánudagskvöld
hafa komið á fjölmarga bæi og nánast undantekn-
ingalaust hefði fólks skrifað á listann.
Einungis er safnað undirskriftum rneðal íbúa
hins forna Svarfaðardalshrepps en einnig er í
gangi annar listi þar sem fólk getur lýst yfir stuðn-
ingi við þessa kröfugerð að sögn Þorkels. Ætlunin
er að senda síðan listann suður í félagsmálaráðu-
neyti til að freista þess að afturkalla sameining-
Framhald á bls. 7
Tréverk byggir vid Dvalar-
heimilið Hlíð á Akureyri
- Langstærsta verkefni fyrirtækisins til þessa
í dag, fimmtudaginn 28. aprfl
munu forsvarsmenn Tréverks hf.
á Dalvík undirrita samning um
byggingu nýrrar álmu og tengi-
byggingar við Dvalarheimilið
Hlíð á Akureyri. Verkkaupendur
eru Akureyrar bær og ríkið.
Kostnaðaráætlun hönnuða
hljóðar upp á 675 milljónir króna.
Tvö tilboð bárust í verkið, hið
lægra frá Tréverk og hljóðaði það
upp á 92% af kostnaðaráætlun og
hið hærra frá P. Alfreðssyni og var
það um 102% af kostnaðaráætl-
un. Það er því ljóst að verkefna-
staða fyrirtækisins er mjög góð
um þessar mundir og næsta eina
og hálfa árið hið minnsta.
Samkvæmt upplýsingum Bjöms
Friðþjófssonar framkvæmdastjóra
Tréverks er þetta langstærsta verk-
efni sem fyrirtækið hefur tekið að
sér til þessa. Framkvæmdir hefjast
nú í vikulokin og eru verklok áætl-
uð 15. september 2006.
Björn segir að fyrst og fremst
verði reynt að keyra á þeim
mannskap sem þegar starfar hjá
fyrirtækinu, einhverjum hugsan-
lega bætt við, þó reyndar sé ekki
auðvelt að fá smiði til starfa um
þessar mundir, þar sem alls stað-
ar er næg verkefni að hafa. Þá
eru ýmis minni verkefni í gangi
eða bíða úrlausnar, og verður
reynt að sinna þeim samhliða
stórverkefninu á Akureyri.
Frá því um síðustu áramót
hafa nokkrir starfsmenn Tré-
verks sótt atvinnu til Reyðarf-
jarðar, þ.e. við uppbyggingu
vinnubúða þar, en því verkefni
lýkur um næstu mánaðamót. Þá
hefur Tréverk annast byggingu
rafstöðvar fyrir Norðurorku í
Glerárgili, rétt hjá Glerárskóla á
Akureyri og er gert ráð fyrir að
því verki ljúki um miðjan maí. Þá
hefur fyrirtækið verið með par-
húsaíbúðir í byggingu við Lyng-
hóla. Tvær íbúðir þar eru þegar
seldar, en Björn segir að hinum
sé ekki lokið enn. „Við höfum
haft þetta sem nokkurs konar
uppfyllingarvinnu með öðru, en
stefnum þó að því að ljúka bygg-
ingu þeirra í vor.“
Landsbyggðin lifi
gefur út ársrit
- Nýtt verkefni miðar að því að efla vitund
barna og unglinga um heimabyggðina
Samsöngur
blandaðra kóra
Samkór svarfdæla og Kirkju-
kór Möðruvallakirkju héldu
sameiginlega tónleika í Dal-
víkurkirkju sl. þriðjudagskvöld.
Er þetta í fyrsta sinn sem þessir
kórar stilla saman strengi sína.
Aðrir tónleikar kóranna verða í
Möðruvallakirkju nú á fimmtu-
dagskvöldið kl 20:30. Stjórnend-
ur kóranna eru þær Petra Björk
Pálsdóttir og Helga Bryndís
Magnúsdóttir. Samkórinn legg-
ur svo leið sína suður á land í
næsta mánuði og syngur í Saln-
um í Kópavogi þann 20. maí og
á Holsvelli þann 21. maí.
Yor í lofti
Þaö er vor í lofti, faifuglarnir komnir og leikur í ungviðinu. I síöustu
heimsóttu nemendur Dalvíkurskóla Húsabakkaskóla og Húsbekkingar
guldu í sömu mynt. Var ekki annað að sjá en vel fœri á með krökkun-
um.
Fyrsta ársrit samtakanna Lands-
byggðin lifi er komið út. I því
eru m.a. úrdráttur úr framsög-
uerindum á Byggðaþinginu á
Hólum í ágúst á síðasta ári og
20 bestu ritgerðirnar í ritgerðar-
samkeppninni Unglingurinn á
landsbyggðinni, sem og kynn-
ing á einstökum félögum innan
LBL. Þetta er tæplega 100 síðna
rit í A4 broti, mjög skemmtilega
myndskreytt.
Formaður LBL, Ragnar Stef-
ánsson, afhenti fyrstu eintökin
af bókinni á fundi á Hótel Sögu,
í byrjun apríl og við þeim tóku
Þorgerður Katrín Gunnarsdóttir,
menntamálaráðherra, Valgerð-
ur Sverrisdóttir, iðnaðar-, við-
skipta- og byggðamálaráðherra,
Vigdís Finnbogadóttir, fyrrver-
andi forseti íslands og vernd-
ari LBL og Snorri Sigurðsson,
forstöðumaður Þróunarsviðs
Byggðastofnunnar. Þessir aðilar
hafa allir stutt samtökin og út-
gáfu ársritsins, reyndar ásamt
mörgum fleiri.
Ragnar sagði við það tækifæri
að eitt þúsund eintök af bókinni
yrðu send til skólanna í landinu
og á fleiri staði, auk þess sem
almenningi gefst kostur á að
kaupa bókina.
Að lokinni afhendingu fyrstu
eintakanna hófst umræða um
starfsemi LBL, byggðamálin og
sérstaklega um útgáfu vefrits,
sem er í undirbúningi hjá sam-
tökunum. Var þetta lífleg og gef-
andi umræða.
Margar hugmyndir komu fram
um vefrit á vegum LBL um byggð-
amál, sem menn töldu að gæti náð
mikilli útbreiðslu Voru stjórnar-
menn LBL eindregið hvattir til að
koma slíku vefriti af stað.
Stjórn LBL er með þá hug-
mynd að hefja nýtt verkefni
með grunnskólum landsins í
byrjun næsta árs. Markmiðið er
að efla vitund barna og unglinga
um heimabyggðina og gera þau
að virkum þátttakendum í að
styrkja hana og auðga. Óskað
verður eftir ábendingum frá
skólunum um verkefni og gæti
það hugsanlega verið tengt um-
hverfinu og umhverfismálum.
Sameiningarkosningar:
Samstarfsnefnd skipuð
Eins og kunnugt hefur dagsetningum verið breytt varðandi kosn-
ingar um sameiningu sveitarfélaga. Nú er reiknað með að almennt
verði ekki kosið fyrr en 8. október í haust. Hér verður kosið um
sameiningu alls Eyjafjarðar en Grímsey verður ekki með í þeim
kosningum.
Um þetta verður því kosið í 9 sveitarfélaögum og til undirbún-
ings kosningunum er skipuð nefnd tveggja einstaklinga frá hverju
sveitarfélagi eða samtals 18 manns. Fyrsti fundur þessarar nefndar
verður haldinn næsta föstudag 29. apríl. Heimilt er að vera með
kosningar fyrr en í október ef aukinn meirihluti nefndarmanna er
því samþykkur. Vitað er að einhverjir vilja flýta kosningunum og
vera með þær strax í vor en svo eru aðrir sem telja að ekki reynist
nægur tími til að kynna málið fyrir kjósendum og betra sé að kjósa
í haust.
Eftirtaldir skipa samstarfsnefndina:
Siglufjörður:
Akureyri:
Ólafur Kárason og Unnar Már Pétursson
Oktavía Jóhannesdóttir og Sigrún Björk
Jakobsdóttir
Guðmundur Bjarnason Haukur Halldórs-
son
Jóna V. Héðinsdóttir og Snjólaug Sigur-
finnsdóttir
Marinó Þorsteinsson og Valdimar Bragason
Hólmgeir Karlsson og Arnar Árnason
Þórður Stefánsson og Jóhann Ingólfsson
Hjördís Sigursteinsdóttir og Hannes Valur
Gunnlaugsson.
Þegar þetta er skrifað hafa fulltrúar Hörgárbyggðar ekki verið
skipaðir en það verður gert í þessari viku.
Svalbarðsströnd:
Ólafsfjörður:
Dalvík:
Eyjafjarðarsveit:
Grýtubakkahreppur:
Arnarneshreppur:
Svarfdælsk byggð & bær
s
Anægja í
Dalvíkurskóla
Samkvæmt tölvukönnun sem
gerð var í Dalvíkurskóla sam-
hliða foreldraviðtölum í janúar
sl. og er liður af sjálfsmatsáætlun
skólans, reyndust yfir 90% for-
eldra þeirrar skoðunar að barni
þeirra liði vel í skólanum og að
þeir væru ánægðir með kennara
þess. Sömuleiðis að skólinn nyti
virðingar í samfélaginu. Öllum
fannst þeir velkomnir í skólann.
Alls tóku foreldrar 210 nemenda
þátt í könnuninni.
Opnunartími:
Mán.-fös. 10-19.30
laug. 10-18
sun. 13-17
Matvöruverslun - rétt hjá þér
Hafnartorg - Dalvík - s: 466 1202