Norðurslóð - 20.10.2005, Blaðsíða 2
2 - Norðurslóð
Norðurslóð
Útgefandi: Rimar ehf. Ráðhúsinu, Dalvík, sími 466 1300.
Ritstjórar og ábyrgðarmenn: Hjörleifur Hjartarson, Lauga-
steini, 621 Dalvík, sími: 466 3370. Netfang: hjhj@ismennt.is
Jóhann Antonsson, Dalvík. Netfang: ja@radgjafar.is
Blaðamaður: Halldór Ingi. Netfang: halldor@rimar.is
Framkvæmdastjóri: Sigríður Hafstað, Tjörn. Sími: 466 1555.
Umbrot: Þröstur Haraldsson. Netfang: throsth@isholf.is
Prentvinnsla: Asprent, Glerárgötu 28, Akureyri, sími: 460 0700.
Sama gamla sveitin
og kosningar í vor
Jæja. Þá eru sameiningarkosningarnar afstaðnar og úrslit þeirra
verða víst engan veginn skilin öðruvísi en svo að íbúar hér við
fjörðinn hafi engan áhuga á að sameinast undir einum hatti.
Úrslitin koma ef til vill ekki á óvart í ljósi umræðunnar og færa
má að því gild rök að tímasetning kosninganna hér hafi varla
geta verið verri fyrir þá sem kjósa sameiningu. Það sem kemur
á óvart er e.t.v. lítil kosningaþátttaka og almennt áhugaleysi
einkum á Akureyri sem gerir það að verkum að ekki verður
kosið frekar um sameiningu hér við fjörðinn að sinni.
Aðeins Siglfirðingar og Ólafsfirðingar sögðu já við sam-
einingunni og því eðlilegt að þau sveitarfélög haldi áfram að
stíga skref til sameiningar. Ekki er ólíklegt eða óeðlilegt að Dal-
víkurbyggð verði boðin þátttaka í þeim sameiningarviðræðum
og spurning hvað við gerum þá. En það er þó engan veginn ætl-
unin hér í þessum leiðara að leggja neinn dóm á kosningarnar,
úrslit þeirra eða aðra sameiningarkosti.
Sameining Eyjafjarðar er út úr myndinni - alla vega einhver
næstu árin og nú þurfum við að taka okkur saman í andlitinu
og skoða stöðuna eins og hún er í dag. Sameiningarumræðan
hefur einhvern veginn sett önnur málefni í biðstöðu eins og
reyndar öll umræða um „stóru lausnina“ hefur tilhneigingu til
að gera hvort heldur menn eru hlynntir henni eða ekki og hvort
sem stóra lausnin er í líki álvers, stórvirkjana eða stórsamein-
ingar. Nú vöknum við upp við vondan draum og framundan er
óbreytt ástand. Yið þurfum að sjá um okkur sjálf. Móta okkar
framtíð sjálf og bjargast við það sem við höfum.
Það eru kosningar í vor. Var kannski einhver búinn að
gleyma því? Það hefur í það minnsta ekki verið efst á baugi,
hvorki meðal sveitarstjórnarmanna né almennings á meðan
ekki var alveg Ijóst hvernig sveitarfélagið kemur til með að líta
út næasta vor. Nú vitum við þó að sveitarfélagið verður eins og
það hcfur verið undanfarin tvö kjörtímabil, öll viðleitni und-
angenginna mánaða til að breyta því, hvort heldur með því að
kljúfa það eða sameina það öðrum breytir því ekki. Það verða
kosningar í vor í Dalvíkurbyggð eins og í öðrum sveitarfélög-
um landsins og ekki seinna vænna fyrir hin pólitísku framboð
að byrja að safna liði sínu og huga að skipan framboðslista.
Vert er þó að benda á það að framboð til sveitarstjórnarkosn-
inga er ekki eingöngu bundið við pólitíska lista. Listar geta ver-
ið þvcrpólitískir, ópólitískir eða hvernig sem verkast vill.
I samciningarkosningunum var bent á það sem einn kost
við stækkun sveitarfélaganna að með því móti gæfíst kostur
á fleiri hæfum einstaklingum til að sitja á listum og víst er að
það hefur ekki verið auðvelt í Dalvíkurbyggð að fá fólk til að
gefa kost á sér í hið pólitíska argaþras. Það er því þeim mun
brýnna að forsvarsmenn stjórnmálaafla í bænum og aðrir sem
láta sig varða það hvernig samfélag við viljum búa okkur og
börnunum okkar fari að setjast yfír það hvernig framboðslistar
verði skipaðir og þá ekki síður fyrir hvers konar samfélag og
framtíðarsýn þeir listar eiga að standa. hjhj
Kaffí Sogn
opnað á ný
Um síðustu helgi opn-
aði Kaffi Sogn á Dal-
vík aftur dyr sínar fyrir
gestum og gangandi með
nýjum eigendum. Hjón-
in Lára Ingimarsdóttir
og Kristján Kristjánsson
keyptu veitingastaðinn í
síðasta mánuði en hafa
fram til þessa einbeitt sér
að afgreiðslu skólamál-
tíða frá SS á Hvolsvelli
fyrir Dalvfkurskóla og
Arskógarskóla. Nú hef-
ur kaffihúsið verið opn-
að almenningi og verður Systurnar Erna og Lára Ingimarsdœtur
opið í hádeginu virka ganga um beina í Sogni.
daga þar sem boðið verð-
ur upp á súpu og létta rétti en fimrntudaga, föstudaga, laugardaga og
sunnudaga verður einnig opið á kvöldin. Lára segir Dalvíkinga hafa
tekið þeim fagnandi um opnunarhelgina og vonaðist eftir miklum og
góðum samskiptum við bæjarbúa áfram.
Kvenfélagið Tilraun 90 ára
Frh. afforsíðu
Alls eiga um 200 konur verk á
sýningunni á Húsabakka og
eru munirnir á bilinu 600-1000.
Þrjár elstu konurnar sem eiga
muni á sýningunni eru: Friðrika
Elísabet Friðrikdóttir á Skeiði
(1863-1944), Kristín Jónsdóttir á
Bakka (1868-1964) og Ingibjörg
Þórðardóttir á Hofi (1869-1952).
Eftir Friðriku er kommóða á
sýningunni en þær Kristín og
Ingibjörg eiga þar tóvinnu. Þær
voru annálaðar tóskaparkonur
og hafa átt verk á sýningum bæði
hér heima og erlendis. Yngstu
þátttakendurnir eru hins vegar
tvíburasysturnar Ingunn og Auð-
ur Hreinsdætur frá Syðra-Hvarfi
(f. 1991) en þær unnu mynd-
verk sérstaklega að þessu tilefni,
og Sunneva Halldórsdóttir (f.
1998).
Ýmsa aðra merkismuni gef-
ur þar á að líta. Má þar nefna
málverk eftir Guðrúnu Guð-
mundsdóttur frá Gullbringu
sem sýnir jólanótt í Gullbringu
árið 1940, einnig altarisdúk sem
saumaður er af Jóhönnu Einars-
dóttur á Urðum eftir öðrum dúk
sem Sigrún Sigurhjartardóttir
saumaði fyrir Tjarnarkirkju árið
1924. Þarna er að finna mikið
magn af listilegum hannyrðum
og listiðnaði, textílum og mynd-
verkum en einnig bækur og rit-
verk svarfdælskra kvenna sem er
furðu mikið safn að vöxtum, m.a.
bækur eftir Hugrúnu skáldkonu í
bland við einstök lokaverkefni til
háskólaprófs.
Kafflhús og samfclld hátíðar-
dagskrá tvær helgar í röð
Samhliða sýningunni starfrækja
kvenfélagskonur kaffihús sem
opið var frá kl. 15 á laugardag og
sunnudag og verður svo einnig
um næstu helgi. Undir borðum
var hátíðar- og skemmtidagskrá.
Dagskráin hófst báða dagana
með leiklestri Guðbjargar Thor-
oddsen á einþáttungi Ingibjargar
Hjartardóttur í Laugasteini. Mar-
grét Guðmundsdóttir formað-
ur sýningarnefndar stýrði dag-
skránni og sagði meðal annars í
ávarpi sínu:
„Það voru íslenskar konur en
ekki kratar sem lögðu grunninn
að íslenska velferðarkerfinu."
Báða dagana var boðið upp
á upplestur úr verkum svarf-
dælskra kvenna í bundnu og
óbundnu máli og einnig voru
tónlistaratriði sem borin voru
uppi af konum sveitarinnar. Fyr-
ri daginn söng Kristjana Arn-
grímsdóttir ásamt Ösp Kristj-
ánsdóttur við undirleik Hlínar
Torfadóttur en á sunnudaginn
steig á svið kvennakvartettinn
Dalalæður sem skipaður er þeim
Helgu Bryndísi Magnúsdótt-
ur, Irisi Ólöfu Sigurjónsdóttur,
Maríu Vilborgu Guðbergsdóttur
og Myriam Dahlstein og sungu
nokkur lög án undirleiks. Þá
tróðu upp á laugardeginum fjór-
ar kornungar fiðlustelpur sem
tóku þessa helgi þátt í suzuki-
námskeiði í tónlistarskólanum
ásamt kennara sínum.
Um 200 gestir mættu á sýn-
inguna um helgina. Hún verður
opin alla næstu viku frá 14:00-
18:00 og næstu helgi verður aftur
opið kaffihús og menningarleg
dagskrá undir borðum.
Á efstu myndinni spila þœr Unn-
ur Stefánsdóttir, Þorbjörg Þor-
kelsdóttir, Stefanía Aradóttir og
Yrsa Stefánsdóttir á fiðlu við
opnun sýningarinnar.
Við sama tœkifœri flutti Guð-
björgThoroddsen einþáttunglngi-
bjargar Hjartardóttur.
Aðrar myndir á síðunni sýna að
frumleiki ogfjölbreytileiki rœður
ríkjum á sýningu Tilraunar.