Norðurslóð - 17.11.2005, Blaðsíða 1
Svarfdælsk byggð & bær
29. ÁRGANGUR FlMMTUDAGUR 17. NÓVEMBER 2005
11. TÖLUBLAÐ
Isíðustu viku fóru í póst sex pappakassar af stærstu gerð, fullir af jólagjöfum frá nemendum Dalvíkurskóla
til bágstaddra bama í Úkraínu. Sending þessi er hluti af verkefini sem nefnist „jól í skókassa“ og er það
unnið með samtökunum SOS-barnaþorp að frumkvæði KFUM og KFUK. Yfirleitt unnu krakkarnir tveir
og tveir saman, söfnuðu saman smágjöfum s.s. leikföngum, skólavörum, sælgæti, fatnaði og jafnvel peningum
eða öðru sem komið getur sér vel fyrir fátæk börn og glatt getur þau um jólin. Þessum smágjöfum var komið
fyrir í litlum kössum sem krakkarnir pökkuðu inn í jólapappír ásamt kveðjum frá sendendum og upplýsingum
um hvaða kyni og aldurshópi hver pakki var ætlaður. Almennt tóku krakkarnir vel við sér að sögn kennara í
Dalvíkurskóla, létu ýmislegt smálegt af hendi rakna og glöddust í hjarta sínu yfir því að geta með þessum hætti
miðlað af auði sínum og sýnt þeim hluttekningu sem búa við fátækt og skort.
Ingibjörg Kristinsdóttir og Myriam Dalstein.
Jólamarkaður
á Skeiði
„Allt um jól“ er yfirskrift næsta viðburðar sem haldinn verður í
hlöðunni á Skeiði í Svarfaðardal. Það er nokkurs konar jólamark-
aður og verður opnaður fyrstu helgina í aðventu sem er 26. og 27.
nóvember og verður opið frá klukkan 14-17.
Um er að ræða markað þar sem fólk getur selt hvers kyns vör-
ur. Myriam Dalstein á Skeiði segir að fólk þurfi sjálft að koma með
borð eða annað undir vörurnar en hún leggi til húsnæðið. Útihúsin
á Skeiði verða í jólabúning og Myriam ætlar að kynna Islendingum
stemmingu þýska jólamarkaða. Jólaglögg, smákökur og léttar veit-
ingar með þýsk-íslensku ívafi, verða til sölu á vægu verði.
„Allt um jól“ er framhald af sýningu sem var á Skeiði í ágúst og
bar yfirskriftina „Allt í ull“ og var fyrsta uppákoma í hlöðuverkefni
sem Myriam kallar „Allt í þróun“.
„Allt í ull“ var sýning á verkum úr þæfðri ull. Á sýninguna mættu
yfir 90 manns og viðtökurnar voru svo góðar að Myriam kveðst
hlakka til næstu verkefna í hlöðuverkefninu „Allt í þróun“.
Þeim sem vilja vera með söluborð eða bás er bent á að hafa sam-
band við Ingibjörgu (466 1526) eða Myriam (466 1636 / 866 7036).
Línubátar flykkjast til Dalvíkur - sjá bls. 4
Blómlegt útgáfustarf um jól og aðventu
Ég skemmti mér
Dúettaplata Guðrúnar
Gunnars og Friðriks Ómars
kemur út á föstudaginn!
Fyrr á þessu ári komu Guðrún
Gunnarsdóttir og Friðrik Omar
í Dalvíkurkirkju og héldu tvenna
tónleika með lögum Ellýjar og
Villa. Það er skemmst frá því
að segja að þau fylltu kirkjuna í
tvígang og var mikil stemmning
á báðum tónleikunum. Það er
gaman frá því að segja að nú á
föstudaginn kemur út ný plata
„Ég skemmti mér“ með gömlum
og góðum lögum í þeirra flutn-
ingi en það er enginn annar en
Olafur Gaukur sem útsetur.
Friðrik Omar með
jólatónleika
Friðrik Omar Hjörleifsson held-
ur jólatónleika milli jóla og nýárs
í samkomuhúsinu UNGO á
Dalvík. Efnisskráin er jólasálmar
en Friðrik fer óhefðbundna leið
og notast aðeins við söngröddina
við flutning sálmanna. Friðrik
er þessa dagana í hljóðveri við
upptökur en þær upptökur mun
hann notast við á tónleikunum.
Rödd hans er margfölduð á einar
40 söngrásir sem síðan eru settar
Guðrún Gurajars
I'rklHK Orrtr
vinSíiel i
Gkiknr
saman og mun þá Friðrik hljóma
eins og kór. Friðrik útsetur sálm-
ana sjálfur. Verkefnið vinnur
hann í samvinnu við félaga sinn
sem mun fara um Dalvíkurbyggð
í desember og mynda skreyting-
ar, hús og fólk en þær myndir
verða sýndar á stórum skjá
meðan á tónleikunum stendur.
Tónleikarnir verða tvennir, 28.
desember og 29. desember og
hefjast kl. 21. Miðasala er hafin
í síma 868-9706 alla virka daga
milli 16 og 19 fram til 1. desem-
ber. Miðaverð er kr. 1200 og er
fólki bent á að tryggja sér miða
í tíma því aðeins sjötíu sæti eru í
boði á hvora tónleika.
Kristjana gejur út nýja plötu
1 húminu
Ný hljómplata með söng Kristj-
önu Arngrímsdóttur kemur á
markaðinn í desember. Platan
nefnist „I húminu“ og hefur
að geyma 16 kyrrðarlög, bæði
andleg og veraldleg með þjóð-
legum hátíðleikablæ. Á lagalist-
anum er m.a. að finna ein sex
dönsk lög með nýjum þýðing-
um eftir Böðvar Guðmundsson
og Kristján Hjartarson en þau
Kristjana og Kristján hafa búið
í Danmörku undanfarin ár.
Upptökur fóru fram í Digranes-
kirkju í Kópavogi nú í byrjun
október og sá Sigurður Rúnar
Jónsson um upptökuna. Undir-
leikarar á plötunni eru þeir
Jón Rafnsson, Hjörleifur Vals-
son, Tatu Kantomaa, Örn Kristj-
ánsson og fleiri og einnig syngur
Ösp Kristjánsdóttir með móður
sinni í nokkrum laganna. Hér er
sýnishorn af þýðingu Böðvars.
Hneigðu þitt höfuð
Lag: Carl Nielsen
Texti: Johannes Jörgensen
Þýð.: Böðvar Guðmundsson
Hneigðu þitt höfuð, ó blómstur,
hneigðu nú blöðin þín smá.
Bíð þú með brána lukta,
brátt fellur náttdöggin á.
Nóttin svo húmdimm og hljóðlát
hún á að vagga þér brátt.
Sofþú og silfurstjörnur
senda þér heilsu og mátt.
Sofþú sem barn er blíðast
blundað fœr móður hjá.
Opnar til liálfs sín augu
ást hennar til að sjá.
Karlakórinn með plötu
Karlakór Dalvíkur hyggur á
plötuútgáfu og er Sigurður Rún-
ar Jónsson upptökumeistari
væntanlegur norður nú um helg-
ina. Upptökur fara fram í Dalvík-
urkirkju og er ætlun karlakórs-
manna að taka plötuna upp alla
á einu bretti.
Kórinn heldur svo sína árlegu
tónleika á milli jóla og nýárs.
Þriðja bónin - saga
móður hans
Ný skáldsaga frá Ingi-
björgu Hjartardóttur
Þann 24. október nk. kemur
út ný skáldsaga eftir Ingibjörg
Hjartardóttir í Laugasteini og
nefnist „Þriðja bónin - saga
móður hans“.
I kynningu um bókina segir:
Sögukona er skáld og sjúkraliði
sem tengist deyjandi manni órjúf-
anlegum böndum. Hann býr yfir
vitneskju um ótrúlega sögu og
tekur af henni loforð að komast
að hinu sanna í málinu og koma
upplýsingunum áfram til réttra
aðila. Hinstu bón deyjandi manns
ber að uppfylla, en hve mikil áhrif
hefur fortíðin á nútíðina og hve-
nær má satt kyrrt liggja?
Sautján árum áður er kona,
virtur læknir í litlu plássi á Norð-
urlandi, dæmd fyrir tvö morð
með nokkurra daga millibili. Líf-
ið er óútreiknanlegt og mistök
hrinda af stað atburðarás sem
hefur áhrif á líf svo margra - j afn-
vel þeirra sem á eflir koma.
Atburðirnir gerast á íslandi og
suðrænni eldfjallaeyju og saman
tvinna mannlegur breyskleiki,
ástir, vinátta, fórnir og svik ofur-
spennandi og litríkan sagnavef.
Ingibjörg sendi síðast frá sér
skáldsöguna „Upp til Sigurhæða“
árið 2001 en hún hefur þó eink-
um fengist við leikritun og liggur
eftir hana fjöldi leikrita auk
þýðinga, ljóða og lausamáls af
ýmsum toga.
Samkórinn og Egill
Samkór Svarfdæla æfir þessa dag-
ana fyrir jólatónleika sína sem
haldnir verða þann 10. desember.
Kórinn flytur þar fjölbreytilegt
úrval jólalaga í nýjum og eldri út-
setningum. Skrautfjöður tónleik-
anna verður hins vegar einsöngv-
arinn Egill Ólafsson sá hinn eini
sanni sem tekur nokkur lög með
kórnum af sinni alkunnu snilld.
Opnunartími:
Mán. -fös. 10-19.30
laug. 10-18
sun. 13-17
Matvöruverslun - rétt hjá þér
Hafnartorg - Dalvík - s: 466 1202