Norðurslóð - 25.04.2013, Blaðsíða 3
Norðurslóð - 3
Athyglisvert verkefni á leikskólunum
„Söguskjóður“ tengja innfædda og innflutta
Á Fræðslusviði Dalvíkurbyggðar
er unnið mikið og merkilegt
frumkvöðlastarf á sviði
nýbúafræðslu og fjölmenningar.
Fyrir tveimur árum var gefin út
svokölluð fjölmenningarstefna
skóla Dalvíkurbyggðar en hún
var unnin í samstarfi við grunn-
og leikskóla sveitarfélagsins.
Dalvíkjurbyggð hefur
á nokkrum árum breyst í
ijölmenningarsamfélag og rík
ástæða til að laga þjónustu
sveitarfélagsins að þeim
breytingum. Brýnust er þessi þörf
í skólastarfmu þar sem bömum að
erlendum uppruna hefur Qölgað ár
frá ári. í Dalvíkurskóla er hlutfallið
uml4% og í leikskólunum á Dalvík
er það komið upp í um 25% -
ljórðung nemenda.
Helga Björt Möller ásamt
leikskólunum Kátakoti og Krílakoti
hefur í vetur unnið að mjög
athyglisverðu verkefni á þessu
sviði. Nefnist það „Söguskjóður“
og miðar að því að útbúa
málörvandi gögn fyrir böm, tengd
bamabókum. Foreldrar komu inn í
leikskólana og útbjuggu efnið, jafnt
innfæddir sem erlendir foreldrar
en leikskólakennarar unnu með
foreldmm að gerð efnisins undir
dyggri leiðsögn Helgu Bjartar.
Söguskjóður „Story Sacks“ er
þekkt kennsluaðferð gjaman kennd
við Niel nokkum Griffíth sem hefur
þróað hana og ritað margt og mikið
um hana. Þar er unnið með lestur og
málþroska en einnig er hægt að beita
aðferðinni við stærðfræðikennslu
og raunar hvaða nám sem er. Hver
skjóða hefur að geyma eina bók
og síðan fjölda minni skjóða með
fylgihlutum og kennslugögnum
sem tengjast bókinni. Það geta
verið spil sem tengjast efni hennar,
munir sem fjallað er um í bókinni,
handbrúður með persónum hennar
eða leikbúningar. Með öllu þessu
skapast ýmsir möguleikar á að
vinna með efni viðkomandi bókar
frá ýmsum hliðum og við það eflist
bæði lesskilningur og málþroski í
gegnum leik og starf.
Hollenska módelið
Hollendingar með sitt
fjölmenningarlega þjóðfélag hafa
þróað þessa aðferð sérstaklega undir
nafninu „Verteltas“ í því skyni að
efla málkennd og samfélagsþátttöku
meðal innflytjenda og örva
samskipti fólks af mismunandi
þjóðemi. Þetta er m.a. gert með því
að auka þátt foreldra í verkefninu,
fá þá inn í skólana og leikskólana
til að vinna að undirbúningi og gerð
söguskjóðanna. Með því móti verða
foreldramir beinir þátttakendur
í námi bama sinna en fá um leið
tækifæri á að læra tungumálið, auka
og breikka samskipti við starfsfólk
og aðra foreldra og kynna eigin
menningu venjur um leið og þeir
kynnast nýrri. Hollendingar hafa
um langt skeið beitt þessari aðferð
markvisst í skólum og leikskólum
og náð eftirtektarverðum árangri við
að tengja ólík menningarsamfélög
á gmndvelli gagnkvæms áhuga,
virðingar og jafnréttis.
Fyrir rúmu ári fór Helga Björt
til Hollands að kynna sér þessi
mál. í kjölfarið sótti hún fyrir
hönd sveitarfélagsins um styrk til
Þróunarsjóðs innflytjendamála til
að útfæra verkefnið hér á Dalvík.
Styrkurinn var veittur og var byrjað
á að útfæra verkefnið með foreldmm
og starfsfólki á leikskólunum
Krílakoti og Kátakoti. Bréf vom
skrifuð á þrem tungumálum til allra
foreldra auk þess sem starfsfólk
ræddi við foreldra um verkefnið og
upp úr því spratt 10 manna hópur
íslenskra og erlendra foreldra sem
einhentu sér í verkefnið. Hópurinn
kom saman eftir vinnu einu sinni
í viku í níu vikur en börnum
foreldranna var boðið upp á lengri
vistun í leikskólunum. Á þeim
tíma urðu til nokkrar sérdeilis
vandaðar söguskjóður með áherslu
á lestur, málþroska og stærðfræði.
Skjóðumar og öll þau nýju
kennslugögn sem í þeim leynast
eru kærkomin viðbót við námsgögn
Krílakots og Kátakots en einnig
geta foreldrar fengið skjóðumar
lánaðar heim í viku í senn og þannig
orðið virkari þátttakendir í starfinu
á leikskólanum.
Helga segir verkefnið hafa
gengið frábærlega vel og sannað
gildi þessarar aðferðar við að efla
foreldrasamstarf og málörvun
erlendra foreldra og bama í okkar
litla og e.t.v lokaða samfélagi. “Það
var mikill hlátur og gleði í vinnunni
og útkoman vareiginlega betri en við
þorðum að vona. Á meðal erlendu
og innlendra mæðra reyndust
miklar hæfileikamanneskjur og
vandvirknin nálgaðist fúllkomnun"
Þó í hópnum væru bara konur,
innfæddar og erlendar, þá voru
einhverjir pabbar ekki langt
undan og unnu hluta verkefnanna
heima, t.d. ýmsa tölvuvinnu. Með
hverri bók var gerður hljóðdiskur
með upplestri á bókinni og þar
kom tæknikunnátta eins föðurins
að góðum notum. Enda var
honum sérstaklega send súpa
heim á lokahátíðinni þegar allir
borðuðu saman súpu á Krílakoti.
I viðhorfskönnun sem gerð var
eftir verkefnið kom fram að allir
þátttakendur reyndust jákvæðir á að
endurtaka verkefnið síðar og lýstu
ánægju sinni með það. I umsögn
eins starfsmanns leikskólanna kom
þetta fram þegar hann var spurður
hverju verkefnið skilað:
Það myndar sterkari tengsl á
milli foreldra og á milli starfsfólks
og foreldra, hvort sem um íslenska
eða erlenda foreldra er að rœða.
Mér fannst erlendu foreldrarnir
blómstra í þessu verkefni. Fólk af
erlendum uppruna sem er kannski
sjaldan á mannamótum, hefur
lítið sjálfstraust og ekki sterkt í
íslenskunni var allt í einu komið
í hlutverk þar sem styrkleikar
þeirra fengu að njóta sín. Þeirra
hugmyndir skiptu máli og þeir
höfðu jafn mikið um málið að segja
og íslensku foreldrarnir.
Mér fannst ég kynnast
foreldrunum á öðrum forsendum
en áður. Eg var ekki að upplifa mig
sem kennara barnsins þeirra eða
sem skólastjórnanda, heldur frekar
sem „jafningja “ ef svo má að orði
komast. Við vorum öll að vinna
sama verkefni, verkefnið þeirra. Eg
kom gjarnan inn í hópinn og spurði
hvort ég gœti gert eitthvað og fékk
þá eitthvað upp í hendurnar.
Aður voru samskipti okkar á
milli frekar formleg og snérust
um barnið eða leikskólann sem er
að sjálfsögðu alveg eðlilegt. En
eftir Söguskjóðurnar eru foreldrar
farnir að spjalla við mig á öðrum
nótum. Egfékk t.d. að Jylgjast með
ferlinu hjá einni mömmunni sem
ákvað að skipta um vinnu. Hún var
orðin þreytt á að vinna í fiski og
hafði sjálfstraust til að láta verða
af því að breyta til. Aður höfðu
samskipti okkarfarið að mestu leyti
fram á ensku en núna tölum við nœr
eingöngu saman á íslensku. Við
spjöllum saman í fataklefanum á
morgnana, um barnið að sjálfsögðu
en líka um daginn og veginn,
grínumst mikið því ég komst að því
að hún er mikill húmoristi.
Helga segir ætlunina að efna til
annars verkefnis í haust og síðan
Helga Björt Möller tínir gögn upp
úr söguskjóðunni
vonandi með reglulegum hætti
framvegis.
„Það er svo mikilvægt að
samfélagið hér lagi sig að því að
það er orðið ijölmenningarlegt
og færi sér í nyt það jákvæða sem
m.a. felst í því. Til dæmis eru mörg
böm á Dalvík tvítyngd, hér eru
t.d. þrír veitingastaðir, íslenskur,
pólskur og spænskur og við höfum
tækifæri til að ala bömin okkar
upp í frekari víðsýni þannig að
þau kynnist ólíkum fjölskyldum
með mismunandi menningu sem
þó tilheyra allar sama samfélaginu
og eiga fjölmargt sameiginlegt.
Samfélagið er ríkara en það var
og það er þess vegna mikilvægt
að við tölum það ekki niður með
alhæfingum um innflytjendur eða
sinnuleysi í þeirra garð“. segir
Helga Björt.
Þakkarévarp
Vegna andláts og útfara foreldra okkar, tengdaforeldra, ömmu og afa.
Valgerðar Freyju Friðriksdóttur og
Antons Þórs Baldvinssonar,
langar okkur systkinin að þakka innilega fyrir allan þann mikla stuðning, hjálp
og fallegar og góðar kveðjur og gjafír sem okkur hafa borist frá svo mörgum alls
staðar að. Þetta hefur verið ómetanlegt fyrir okkur á þessum erfíðu timum.
Guð geymi ykkur öll.
ElvarjVala, Elísa og Henný.
Vignir, Björg og Jenný.
Freydís, Siggi og Alexía.
Friðrikka, Kalli, Klara, Anton og María.
Eyþór, Kristín, Aron og Fannar.
Hádegisfyrirlestur í Bergi 2. maí.
Þorsteinn Skaftason rafvirkjameistari flytur hugleiðingar
sínar um:
Örnefni og örnefnaskráningu í
Daivíkurbyggð.
Fyrirlesturinn hefst kl. 12:15 og stendurtil kl. 13:00 með
umræðum. Allir velkomnir - kaffihúsið opið.
Bókasafn Dalvíkurbyggðar
Alþingiskosningar
27. apríl 2013.
Kjörskrá vegna Alþingiskosninga liggur frammi,
almenningi til sýnis frá 17. apríl fram að kjördegi,
í þjónustuveri bæjarskrifstofu í Ráðhúsi Dalvíkur
á venjulegum opnunartíma, alla virka daga frá kl.
10:00-15:00.
Kjósendur eru hvattir til þess að kynna sér
hvort nöfn þeirra séu á kjörskrá. Einnig er hægt
að skoða síðuna www.kosning.is til að kynna sér
kjörskrá.
Tekið verður á móti athugasemdum
við kjörskrá í þjónustuveri bæjarskrifstofu á
venjulegum opnunartíma fram að kjördegi.
Sveitarstjórn Dalvíkurbyggðar.
Alltleikur i höndunum á Vinetu Vlasovu
Hópurinn vinnur kappsamlega að gerö kennslugagna