Morgunblaðið - 05.01.2017, Blaðsíða 16

16 DAGLEGT LÍF
MORGUNBLAÐIÐ FIMMTUDAGUR 5. JANÚAR 2017
Morgunblaðið/RAX
Flott Svava með soninn Dag Snorra í fanginu, við hlið Hildar systur sinnar og kærastarnir, Narfi Þorsteinn Snorrason og Axel Kári Vignisson.
Kristín Heiða Kristinsdóttir
khk@mbl.is
Þetta á upphaf sitt að rekja til þess aðfyrir einu ári sátum við systur viðeldhúsborðið heima hjá mér ásamtkærustunum okkar og vorum að
smakka ólíkustu bjóra, íslenska og erlenda.
Ég fór að skoða innihaldslýsingarnar og
komst að því að í íslenskum bjór er ekki margt
íslenskt nema vatnið. Vissulega hafa ein-
hverjir notað íslenskt bygg til bjórgerðar, en
það er ekki mikið. Við fórum að spá í humla-
plöntunni og lesa okkur til og komumst að því
að humlaplantan vex mjög norðarlega, til
dæmis í Danmörku. Fljótlega eftir þessar
vangaveltur ákváðum við að senda inn umsókn
til framleiðnisjóðs landbúnaðarins, sem veitir
styrki til nýsköpunar í landbúnaði. Við sóttum
um styrk til að rækta humla til bjórgerðar og
fengum hann. Þá varð ekkert aftur snúið, við
urðum að ganga alla leið,“ segir Svava Þor-
leifsdóttir sem ásamt kærasta sínum, Narfa
Snorrasyni, og systur sinni, Hildi Guðrúnu
Þorleifsdóttur, og kærasta hennar, Axeli Kára
Vignissyni, fagnaði fyrstu uppskeru síðast lið-
ið haust.
Erum sveitastelpur innst við beinið
Þær systur ólust upp á á bænum Hvera-
bakka á Flúðum í Hrunamannahreppi, en þar
eru foreldrar þeirra garðyrkjubændur, þau
Þorleifur Jóhannesson og Sjöfn Sigurðar-
dóttir, sem rækta tómata.
„Við systur erum báðar búsettar í
Reykjavík og erum að fást við allt annað en
garðyrkju, ég er landslagsarkitekt og Hildur
Guðrún er í meistaranámi í lögfræði. En við
erum sveitastelpur innst við beinið og nýtum
hvert tækifæri til að fara heim að Flúðum.
Pabbi var mjög spenntur fyrir þessu til-
raunaverkefni okkar og lánaði okkur stórt
plastgróðurhús og síðast liðið vor plöntuðum
við humlarótum í tvöhundruð og fimmtíu potta
inni í þessu gróðurhúsi heima á Flúðum. Af
humlunum eru blómkollarnir notaðir til bjór-
gerðar, svo jurtin verður að blómstra og til
þess þarf hún sól og hlýju. Okkur var sagt að
fyrsta árið kæmi engin uppskera, því þá færi
öll orkan hjá humlunum í að róta sig, en okkur
til gleði blómstraði stór hluti humlanna í lok
sumars. Við systur stóluðum á pabba með að
vökva plönturnar og líta eftir þeim, en við
reyndum að fara eins mikið austur og við gát-
um. Þessar plöntur eru ótrúlega duglegar og
harðgerar og það var gaman að fylgjast með
þeim, þær spruttu hratt og vel og gróðurhúsið
endaði á að verða eins og frumskógur, plönt-
urnar fóru út um allt og það var nánast myrk-
ur inni í gróðurhúsinu, það var þakið plöntum
að innan.“
Bæði ferskir humlar og þurrkaðir
Þar sem humlarnir blómstruðu fyrr en
búist var við varð óvænt uppskera í sumarlok
Sveitastelpur inn við beinið
Önnur er landslagsarkitekt og
hin er í meistaranámi í lög-
fræði, en þær eru með græna
fingur, enda ólust þær upp á
garðyrkjubýli. Systurnar Svava
og Hildur hafa ásamt kærustum
sínum hafið ræktun á íslenskum
humlum til bjórgerðar.
Byrjun Hildur með humlarætur við upphafið, plantað í potta. Gróska Þorleifur Kári sonur Svövu, við gróskumikla humlana.
og gátu þau fyrir vikið sent prufur af uppsker-
unni í brugghúsið Borg hjá Ölgerðinni síðast
liðið haust. Svava segir að blóm humlanna gefi
hið beiska bjórbragð og yfirleitt séu humlarnir
þurrkaðir til bjórgerðar.
„Við prófuðum að láta nota humlana
ferska í bjórgerðina, eins og víða er gert er-
lendis þegar uppskerutíminn er á haustin. En
hluti af humlunum okkar var líka þurrkaður,
svo það er verið að prófa hvort tveggja, ferska
og þurrkaða. Bjórinn er tilbúinn og voru allir
mjög sáttir við útkomuna en um fimm hundr-
uð lítrar af bjór komu úr þessari fyrstu upp-
skeru okkar.“
Prófa að rækta líka utandyra
„Nú ætlum við að sjá til með framhaldið,
hvort við förum sjálf af stað með eitthvert
vörumerki, okkar eigin bjór. Kannski göngum
við alla leið og látum framleiða fyrir okkur,
fyrst við erum á annað borð að þessu. En það
er heilmikil vinna á bak við þetta og það þarf
mikið magn af humlum. Við höfum sagt í gríni
við pabba að hann verði bara að hætta í
tómataræktun svo við getum lagt undir okkur
öll gróðurhúsin til humlaræktunar,“ segir
Svava og hlær og bætir við að erlendis séu
humlarnir ræktaðir undir berum himni. „Við
ætlum líka að prófa að rækta nokkra humla
utandyra, í skjóli á sólríkum stað. Það verður
gaman að fara af stað aftur í vor og skipu-
leggja þetta allt betur, og reyna að fá sem
mesta uppskeru. Þessi planta er mjög sólelsk
og það kom mest af blómum á plönturnar okk-
ar sem voru í suðurhlið gróðurhússins, þar
sem sólar naut. Við þurfum að finna út úr því
hver næstu skref verða. Við ætlum fljótlega að
vera með kynningu á bjórnum okkar og vænt-
anlega fer hann á einhverja bari til sölu, á kút-
um með krana, en ekki í gleri, það verður
seinna.“
Vor Svava milli potta að vori, Þorleifur faðir hennar í gætt.
Blómlegt Blóm humlanna eru notuð til bjórgerðarinnar og þau gefa hið beiska bjórbragð.