Morgunblaðið - 05.01.2017, Page 24

24 FRÉTTIRInnlent
MORGUNBLAÐIÐ FIMMTUDAGUR 5. JANÚAR 2017
ÚR BÆJARLÍFINU
Skapti Hallgrímsson
Akureyri
Skemmdarverk, sem unnin voru á
fjórum guðshúsum á Akureyri aðfar-
arnótt miðvikudags, eru til rann-
sóknar hjá lögreglu. Hún verst frétta
af gangi rannsóknarinnar en enginn
er sagður liggja undir grun ennþá.
  
Mörgum Akureyringum brá
mjög í brún þegar í ljós kom í gær-
morgun hvers kyns var; ókvæð-
isorðum hafði verið úðað úr brúsa á
Akureyrarkirkju, Glerárkirkju,
kirkju Hvítasunnusafnaðarins og
Péturskirkju, kirkju kaþólska safn-
aðarins í bænum.
  
Skilaboðin, sem úðað var á hús-
in á enskri tungu, lýstu andúð á
trúarbrögðum, auk þess sem þar var
að finna heimspekitexta og tákn. Á
neðri hæð Glerárkirkju er rekinn
leikskóli og á vegg á skólaleiðinni
var teiknuð manneskja, orkustöðv-
arnar sjö merktar, og við hliðina
skrifað orðið torture – pynding.
Sumum var mjög brugðið vegna
þessa.
  
Málari, sem blaðamaður ræddi
við í gær, þar sem hann gerði tilraun
til að ná litnum af vegg Akureyr-
arkirkju, sagði að auðvelt yrði að
afmá ósómann af hinum húsunum
þremur, þau væri hægt að mála með
einföldum hætti, en stórmál yrði að
hreinsa Akureyrarkirkju. Þess má
geta að kaþólski presturinn náði
krotinu fljótlega af kirkju safnaðar-
ins. Keypti sellulósa þynni „og var
fljótur að ná þessu af. Þetta er timb-
urkirkja og hún er máluð þannig að
það er tiltölulega auðvelt að þrífa
hana,“ segir Hjalti Þorkelsson sókn-
arprestur í Péturskirkju við mbl.is í
gær.
  
Akureyrarkirkja leit langverst
út enda mest krotað þar, bæði á
framhlið, hurð og veggi, og suð-
urhliðina sem veit út að Pollinum.
Nokkuð ljóst er að verknaðurinn var
vel undirbúinn og sá sami hefur
mundað brúsann í öll skiptin. Letrið
var í það minnsta mjög líkt alls stað-
ar og áróðurinn á sömu nótum.
  
„Því miður er þetta ekki fyrsta
skipti, en skemmdirnar hafa kannski
ekki verið svona víðtækar áður,“
sagði séra Svavar Alfreð Jónsson,
sóknarprestur í Akureyrarkirkju, í
gær. „Síðast var þó hreinlega reynt
að kveikja í kirkjunni og þá þurfti að
skipta um hurð því að hún var ónýt.“
Aldrei komst upp hverjir voru þar á
ferð.
  
„Maður veit ekki hvað er þarna á
ferðinni, en það hefur verið því sem
næst árviss viðburður á und-
anförnum árum að það hafa verið
unnin skemmdarverk á kirkjunni,“
sagði Svavar.
  
Útför var frá Akureyrarkirkju
eftir hádegi í gær. Fjölskylda hins
látna ákvað að halda sínu striki og
láta skemmdarverkin ekki slá sig út
af laginu.
  
Rúnar Leifsson, minjavörður
Norðurlands eystra, kom því á fram-
færi að ytra borð Akureyrarkirkju
er friðlýst. Skemmdarverkin eru því
brot á lögum um menningarminjar.
  
Engar eftirlitsmyndavélar eru við
Akureyrarkirkju eða næsta ná-
grenni. Rætt hefur verið um að setja
upp slíkar myndavélar.
  
Bæjarbúum og mörgum öðrum
þykir afar vænt um húsin og mörg-
um sárnaði sérstaklega meðferðin á
Akureyrarkirkju. Hún er þekktasta
kennileiti bæjarins.
  
Ýmsir tjáðu sig á samskipta-
miðlum í gær um skemmdarverkin á
kirkjunum fjórum, og í samtölum við
blaðamann. Sumir sögðu að viðkom-
andi ætti að hýða opinberlega!
  
Hildur Eir Bolladóttir, prestur í
Akureyrarkirkju, hitti naglann
býsna vel á höfuðið þegar hún skrif-
aði á Facebook síðu sína: „Tjáning-
arfrelsi eru ætíð þau takmörk sett að
valda ekki öðrum tjóni, hugdjarfara
hefði verið af gerendum að spreyja
skilaboðin utan á eigið heimili.“
  
Árleg þrettándagleði íþrótta-
félagsins Þórs verður haldin á bíla-
planinu við félagsheimilið Hamar
annað kvöld, á þrettándanum, og
hefst kl. 18. Álfakóngur og drottning
mæta á svæði, álfar, tröll, púkar og
jólasveinar. Eins og undanfarin ár
er bæjarbúum boðið frítt á viðburð-
inn í samstarfi við Akureyrarstofu.
Skemmdarverk unnin á fjórum kirkjum
Morgunblaðið/Skapti
Akureyrarkirkja Hluti framhliðar Akureyrarkirkju. Óhróður var krotaður
á fimm stöðum þar og fjögur krot voru á langhliðinni sem snýr að Pollinum.
Morgunblaðið/Skapti
Kaþólska kirkjan Úðað var á dyr kaþólsku kirkjunnar við Eyrarlandsveg í
fyrrinótt, sem og á langhlið hússins, sem einnig veit út að götunni.
Eyesland . Grandagarði 13 og Glæsibæ, 5. hæð . sími 510 0110 . www.eyesland.is
Ellingsen
Bónus
Ársæll
Höfnin
Gra
nda
garð
ur
Vald
ís
Við erum hér
Verið velkomin í nýja og glæsilega
verslun okkar á Grandagarði 13.
Louis Marcel umgjörð
kr. 16.900,-
Cocoa Mint umgjörð
kr. 14.900,-
Jensen sólgleraugu
kr. 12.900,-
Jensen umgjörð
kr.16.900,-