Morgunblaðið - 05.01.2017, Side 62

62
MORGUNBLAÐIÐ FIMMTUDAGUR 5. JANÚAR 2017
Hamraborg 10, Kópavogi – Sími: 554 3200
Opið: Virka daga 9.30-18 Laugardaga 11–14
GOTT ÚRVAL AF
UMGJÖRÐUM
Á UNGA FÓLKIÐ
Verið velkomin til
okkar í sjónmælingu
Afgreiðum samdægurs
HUGSAÐUMHEILSUNA
Jón Agnar Ólason
jonagnar@mbl.is
J
óga einfaldlega hjálpar iðk-
endum sínum öðru fremur
að komast betur í núið, að
einbeita sér að vera hér og
nú og hvergi annars stað-
ar,“ segir Ásta María um ávinning
þess að leggja stund á jóga. „Svo
má ekki gleyma auknum liðleika
sem jóga færir iðkendum sínum
sem veitir oft ekki af í upphafi árs
þegar við stöndum loks á fætur
aftur eftir að hafa legið afvelta við
sykurát undanfarinn mánuð,“
bætir Ásta María við og hlær.
Slökun fyrir hugann,
áreynsla fyrir líkamann
Þeir sem litla – jafnvel
enga – reynslu hafa
af jóga hafa eflaust
þá hugmynd í
kollinum að jóga
sé sjálfsagt
kjörið til að
koma sér í
andlegt jafn-
vægi en
væntanlega
síður heppilegt
til að koma sér í
form. Ásta María
segir að jóga sé aftur á
móti ekki alls varnað þegar lík- amsþjálfun er annars vegar; þvert
á móti séu til fjölmörg mismun-
andi afbrigði og æfingakerfi innan
jóga og þar á meðal séu nokkur
sem reyni ótrúlega á líkamann, að
því marki að svitinn hreinlega
bogi af þátttakendum.
„Enda er það svo að jóga er
stundum kallað hugleiðsla á
hreyfingu. Að kyrra hugann er
ótrúlega hollt og gott eitt og sér,
og svo má líta á stóraukinn styrk
og liðleika sem mjög ánægjulegan
bónus,“ útskýrir Ásta. „Svo eru
auðvitað lengra komnir jóga-
meistarar í Tíbet og víðar sem
segjast einfaldlega ná svo góðum
tökum á líkamanum með hug-
leiðsluþættinum að þeir hreinlega
hugleiða sig í form, hvað sem það
þýðir fyrir okkur hin! En lík-
aminn er til þess að nota hann og
ef hann er ekki í góðu ástandi er
hugurinn það sjaldnast heldur.“
Virkar það þá ekki í báðar áttir,
þannig að ef hugurinn er ekki í
jafnvægi líður okkur sjaldnast vel
í skrokknum heldur? Ásta María
er skjót til svars. „Það er einmitt
þannig. Algerlega. Þarna kemur
jóga til skjalanna sem leiðin til að
ná fókus á sjálfan sig, fullkomna
einbeitinguna og vera algerlega í
núinu. Hér og hvergi annars
staðar.“
Kröftugt flæði í sókn
Ásta bendir í framhaldinu á að
einmitt þess vegna hafi allir gott
af því að stunda jóga, og það sem
meira er – bókstaflega allir geti
stundað jóga.
„Einmitt af því að afbrigðin og
æfingakerfin eru svo margs konar
og mismunandi geta allir fundið
sér jóga við sitt hæfi, hvort heldur
þeir vilja leggja áherslu á íhugun
og hug-
leiðslu eða
líkamlega áreynslu
með kröftugu flæði. Það gildir
einu hversu vel eða illa fólk er á
sig komið, allir eiga sér sinn byrj-
unarreit og þaðan liggur leiðin
bara upp á við.“
Að sögn Ástu Maríu eru jóga-
æfingar með kröftugu flæði ein-
mitt með vinsælasta móti þessi
misserin.
„Það er misjafnt hvaða afbrigði
er vinsælast hverju sinni. Um
þessar mundir er alls konar flæði-
jóga vinsælast, alls konar Vi-
nyasa, Ashtanga meðal annars.
Þar er hægt að taka vel á því.“
Ashtanga er á margan hátt
svipað því jógakerfi sem oft er
unnið með í hot yoga-tímum, sem
ætti að gefa mörgum hugmynd
um hvað um er að ræða.
„Margir fara einmitt þessa leið
í jóga, að kynnast æfingunum í
hot yoga-tímum og koma svo og
prófa ashtanga í kjölfarið. Þá sér
fólk líka að það er vel hægt að
svitna í jóga þó að hitastigið í
salnum sé ekki skrúfað í botn,“
bætir hún við og kímir.
Að hafa bara sjálfan
sig meðferðis – og mjúk föt
Ásta María bendir að endingu á
að öllum sé velkomið að mæta í
Amara Yoga við Strandgötu í
Hafnarfirði og fá frían prufutíma.
Spurð út í mismunandi tíma segir
hún dagskrána hafa mótast dálítið
á þann veg að dagurinn byrji með
morguntímum í mýkri kantinum
en svo verði flæðið í tímunum
kröftugra eftir því sem á líði.
„Það eina sem fólk þarf að hafa
meðferðis er það sjálft, og mjúk
föt.“
Morgunblaðið/Eva Björk
Kyrrð Flestir telja kannski jóga helst til þess fallið að öðlast innri frið en vel
má finna æfingakerfi sem reyna vel á og koma svitanum fram.
Líkaminn er til
þess að nota hann
 Heilsurækt er oftar en ekki miðuð við
kílóafjölda og kaloríur, ekki síst við upp-
haf nýs árs þegar margir koma afvelta
af sykri, salti og reyk undan jólahátíð-
inni  Ræktun hugans hefur þó
meira að segja í þessum efnum en
margan grunar, eins og Ásta María hjá
Amara Yoga segir frá
Vellíðan „Að kyrra
hugann er ótrúlega
hollt og gott eitt og
sér, og svo má líta á
stóraukinn styrk og
liðleika sem mjög
ánægjulegan bónus,“
segir Ásta María um
jógaiðkun og jákvæð
áhrif hennar.