Morgunblaðið - 05.01.2017, Blaðsíða 76

76 ÍSLENDINGAR
MORGUNBLAÐIÐ FIMMTUDAGUR 5. JANÚAR 2017
Gísli Gunnarsson, sóknarprestur í Glaumbæjarprestakalli íSkagafirði, á 60 ára afmæli í dag. Hann verður staddur í Lond-on á afmælisdaginn en þaðan mun hann ásamt konu sinni
fljúga til Taílands og vera þar í fríi.
„Það var haldið upp á afmælið mitt annan í jólum án þess að ég vissi
af því fyrr en ég gekk í veisluna. Ég var alveg grunlaus en í salnum á
Löngumýri, fræðslusetri kirkjunnar, voru á annað hundrað manns
þegar ég gekk inn. Þetta voru nánustu ættingjar, vinir og samstarfs-
fólk, kórfélagar og nágrannar í sveitinni.“
Gísli er frá Glaumbæ, en faðir hans, Gunnar Gíslason prófastur, var
prestur þar í nær 40 ár, og tók Gísli við af föður sínum árið 1982. Fjór-
ar kirkjur tilheyra Glaumbæjarprestakalli og var messað í þeim öllum
um jólin, en þær eru Glaumbær, Víðimýri, Reynistaður og Ríp í
Hegranesi.
Gísli tók lengi þátt í sveitarstjórnarmálum og var forseti sveitar-
stjórnar Skagafjarðar 1998-2006. „Ég var þá í alls konar nefndum og
byggðaráði. Núna er ég í kirkjuráði og sit einnig á kirkjuþingi.“
Eiginkona Gísla er Þuríður Kristjana Þorbergsdóttir og er hún úr
Þingeyjarsýslu. „Hún er sjúkraliði að mennt en er bóndi núna því við
erum með kindur hér í Glaumbæ.“ Börn þeirra eru Gunnar, Þorberg-
ur, Margrét og Aldís Rut. Spurður hvort hann haldi að eitthvert
barna hans muni taka við af honum í Glaumbæ segir Gísli að yngsta
dóttirin sé í guðfræðinámi og það sé því aldrei að vita.
Hjónin Gísli og Þuríður í afmælisveislunni annan í jólum.
Unir sér vel í sveitinni
Gísli Gunnarsson er sextugur í dag
V
algeir Gestsson fæddist í
Reykjavík 5.1. 1937 en
ólst upp frá fjögurra ára
aldri í Odda við Nesveg
á Seltjarnarnesi, húsi
sem faðir hans hafði keypt. Valgeir
keypti síðan Odda 1987 af Kristínu,
móður sinni, en húsið brann eftir
íkveikju í maí 1995. Þá keypti Valgeir
Látraströnd 52 og býr þar enn.
Valgeir var í sveit nokkur sumur
hjá frændfólki í Reykjadal í Hruna-
mannahreppi og undi sér þar vel.
Hann var í Landakotsskóla, Hring-
brautarskóla og í „Gaggó-Vest“, lauk
landsprófi og síðan kennaraprófi frá
KÍ 1958. Á námsárunum var Valgeir í
sumarvinnu hjá Eiríki Jónasi Gísla-
syni brúarsmið, við ómetanlega
þroskandi aðstæður.
Eftir útskrift fór nokkur hópur
skólafélaga í ferð um Noreg, Svíþjóð
og sigldi heim frá Kaupmannahöfn
með Heklunni. Valgeir tók reiðhjólið
sitt með og frá Kaupmannahöfn hjól-
aði hann um Danmörku, Þýskaland
og Belgíu, fór á heimssýninguna í
Brüssel og dvaldi síðan hjá vinafólki á
Englandi til haustsins 1958.
Valgeir kenndi við Kársnesskóla í
Kópavogi 1958-59, við Mýrarhúsa-
skóla 1959-65 er hann var ráðinn
skólastjóri Barna- og unglingaskóla
Mýrasýslu á Varmalandi. Fjöl-
skyldan bjó á Varmalandi í Borgar-
firði í áratug en haustið 1975 fluttu
þau suður á Álftanes er Valgeir var
ráðinn skólastjóri Bjarnastaðaskóla,
síðar Áltanesskóla, og gengndi því
starfi til ársloka 1989.
Í ársbyrjun 1990 varð Valgeir
skrifstofustjóri Kennarasambands
Íslands, KÍ, og gegndi því starfi þar
til hann fór á eftirlaun 2002.
Valgeir sat í stjórn Kennarasam-
Valgeir Gestsson, fyrrv. skólastjóri – 80 ára
Stór hópur Myndin var tekin í fyrradag en fjölskyldan er nú saman komin til afmælisfagnaðar Valgeirs á Tenerife.
Hjólar og tekur myndir
Fræknir hjólreiðagarpar Valgeir og Áslaug eru hér mætt á Ráðhústorgið í
Kaupmannahöfn eftir 12 daga hj́ólreiðaferð frá Berlín, sumarið 2011.
Neskaupstaður
Alma Rós Bjarna-
dóttir fæddist 5.
janúar 2016 og er
því eins árs í dag.
Hún vó 3.550 g og
var 50 cm löng.
Foreldrar hennar
eru Bjarni Már
Hafsteinsson og
Rósa Berglind
Hafsteinsdóttir.
Nýir borgarar
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
Erfidrykkjur
Veitingar og salir
í öllum stærðum
Þjónusta, kaffi og gos
eru innifalin í verði
veislumidstodin.is - Veislumiðstöðin í Rúgbrauðsgerðinni