Kiwanisfréttir - 01.12.1984, Blaðsíða 10
Hvað hefur Kiwanis gert fyrir mig?
Hvað hef ég gert fyrir Kiwanis?
Þegar svo stórt er spurt verður trúlega fátt
um svör.
Fyrrum þegar íslenska þjóðin lifði við hvað
kröppust kjör lögðu menn jafnvel líf sitt að
veði fyrir málstað hennar. Þáspurðu eldhugar
landsins, hvað get ég gert fyrir þig þjóð mín?
Nú er þessum vangaveltum ekki almennt
lengur fyrir að fara með þjóðinni og spurning-
unni snúið við. Hvað get ég haft út úr þjóð-
félaginu og/eða flokknum.
Hvar næ ég í feitasta bitann?
Fyrri spurningin er öllu viðráðanlegri.
Þegar maður í upphafi gengur i slíka fjölda-
hreyfingu, sem Kiwanis er orðin, er vart
möguleiki að menn hafi gert sér fulla grein
fyrir umfangi hennar eða hvað menn eru í
raun að takast á við.
Þegar við lesum í gegnum bæklinginn
„Hvað er Kiwanis“ sjáum við strax að hér er á
ferðinni heillandi verkefni fyrir alla hugsandi
menn. Menn sem vilja aðeins líta upp úr
gráum hversdagsleikanum og hinu daglega
brauðstriti. Menn sem hafa löngun til að nema
æðaslátt þjóðfélagsins í öllum sínum síbreyti-
leika.
Kiwanis er fyrst og fremst þjónustuhreyfing
og setur manngildið á oddinn. Sáfélagsmaður
sem fylgir í hvívetna lögum og reglum hreyf-
ingarinnar, og gefur sig af alúð í starfið, hlýtur
að fá það margfalt endurgoldið. Ef ekki, þá er
eitthvað að viðkomandi félagsmanni eða
klúbbstarfinu. Sá sem leitar eingöngu eftir
skemmtunum í slíkum klúbbi er fyrirfram
dæmdur úr leik. Númer eitt, tvö og þrjú er
viljinn til að starfa í anda Kiwanis - vera
jákvæður og ætið tilbúinn til að vinna.
Nú eru liðin 17 ár frá því að ég gekk í
Kiwanisklúbbinn Helgafell.
Haldnir hafa verið 320 fundir í klúbbnum
og hef ég getað mætt á 317 þeirra. Segja ekki
þessar tölur allt sem þarf að segja við fyrri
spurningunni. Sá félagsmaður sem jafnvel
telur að um eða yfir 99% fundamæting sé ekki
nægilega góð, hlýtur að fá eitthvað meira en
lítið út úr starfi sínu í Kiwanis. Vera mín í
Kiwanis hefur sannarlega veitt mér margar
ánægjustundi og víkkað sjóndeildarhring
minn til allra átta.
Eg hef komið auga á ýmsa hluti frá öðru
sjónarhorni og e.t.v. orðið umburðarlindari.
Það hlýtur að vera þroskandi fyrir hvern
mann að taka þátt í þeim mörgu verkefnum,
sem Kiwanishreyfingin á íslandi hefur verið
svo lánsöm að hafa átt frumkvæði að, og
einnig í samvinnu við aðra.
10
K-FRÉTTIR