Kiwanisfréttir - 01.04.1985, Blaðsíða 20

Umdæmisstjóri Ævar Breiðfjörð og svæðisstjóri Ægis Ástbjörn Egilsson á góðri stund.
Eldborg-Hafharfirði 15 ára
Um þessar mundir eru 15 ár frá stofnun
Kiwnisklúbbsins Eldborgar-Hafnarfirði en
klúbburinn var vígður 25. mars 1970. Fundir
hafa ætíð verið haldnir á Skiphól fram á þetta
ár en nú eru fundir haldnir í leiguhúsnæði í
Dalshrauni 1 sem félagar hafa innréttað
sjálfir.
Fundir eru orðnir á 6. hundrað og félagar í
dag eru rúmlega 40. Einsdæmi mun vera að
allir forsetar frá byrjun 15 að tölu eru enn
virkir félagar og hafa ætíð myndað kjarnann í
klúbbnum.
Fyrstu starfsárin voru fjáraflanir í hefð-
bundnum stíl en undanfarin 6 ár hefur
aðalfjáröflun verið byggð á svo kölluðum
Sjávarréttardegi sem er nokkurskonar upp-
skeruhátíð sjávarrétta með skemmtiatriðum
og listaverkauppboði alltaf undir stjórn
heiðursforseta klúbbsins Sveins Guðbjarts-
sonar.
Styrktarverkefni klúbbsins hafa frá upp-
hafi verið að mestu bundin við eldri
kynslóðina og hefur verið góð samvinna við
Styrktarfélag aldraðra í Hafnarfirði t.d. við
Opið hús eða Vorferðir með aldraða oftast
með 100-150 þátttakendur.
Magnús Snorrason forscti Eldborgar og kona hans Sylvia
Arnardóttir.
20
K-FRÉTTIR