Kiwanisfréttir - 01.08.1985, Blaðsíða 18
Ferð á Evrópuþing
Kiwanismanna til Basel
Ellefu daga draumaferð, sem geymd er en
ekki gleymd, þeirra sem fóru sína fyrstu
Evrópuþingsferð, sem var ógleymanleg ferð,
með fararstjóra á heimsmælikvarða. En þeir
voru Ævar Breiðfjörð og Bjarni Magnússon.
1. júní 1985 kl. 3.30 að morgni laugardags,
mættu kíwanisfélagar til brottfarar frá Kíwan-
ishúsinu á leið til Evrópuþings Kiwanis í
Basel.
Eftir ánægjulegt flug til Lúxenburgar beið
okkar sól og blíða, bíll og bílstjóri, tilbúinn að
vera okkur til þjónustu, næstu níu daga.
Rene bílstjórinn okkar átti eftir að reynast
okkur vel, og væri hann búsettur á íslandi
myndum við einfaldlega skreyta hann merki
Kíwanis, svo vel féll hann inn í hópinn.
Frammundan var löng keyrsla til Todtmoos
lítils bæjar í Svarta-skógi, sem ber nafn með
réttu. Eftir 14 stunda ferð frá Kíwanishúsinu,
komum við að Todtmooser Hof, staðnum sem
við áttum eftir að gista næstu sex daga. Löng
ferð á enda, öll hálf þvæld eftir langa setu í
rútunni. Ekki gerðum við okkur háar hug-
myndir um þau húsakynni sem við áttum eftir
að gista í, en þegar við opnuðum dyrnar á
vistaverum okkar hugsa ég að fleiri hafi gert
það sem við gerðum, við lokuðum aftur,
fullviss að við værum að taka feil. Svo glæsileg
voru þau húsnæði sem við áttum eftir að gista
í næstu sex daga.
Ekki reyndust orð umdæmisstjóra rétt, er
hann lýsti húsakynnum fyrir ferðina nema
hvað helst sánunni, rétt var að þær þýsku fara
allar naktar í hana.. Það var ánægður hópur,
sem mætti í kaffi kl. 11 næsta morgunn, sólin
skein á himni og allir geisluðu af ánægju með
staðinn og tilveruna, og hitinn um 23 gráður í
forsælunni. Todtmoos er lítið bæjarfélag sem
við kíwanisfélagar næstum yfirtókum svo
margir vorum við, miðað við fólksfjölda.
Þaðan fórum við svo stuttar dagsferðir um
nágrennið.
Einn dag fórum við til Titisee þar er mikið
og fallegt vatn, sem við gátum fengið okkur
vélbát og dólað um vatnið. Dag einn gekk ég
undirritaður ásamt Kötlufélaga Þresti Jóns-
syni og syni hans 7 kílómetra leið um Svarta-
skóg, í sól og myrkva skógarins, ánægjuleg
gönguferð sem ég hef ekki viljað missa af.
Deginum eftir sátum við níuhundraðasta fund
Heklu þar sem við nutum gestrisni þeirra
Heklufélaga.
Um kvöldið höfðu fararstjórar okkar fengið
leyfi bæjarstjóra til að gera undanþágu með
dansleik í einu samkomuhúsinu að mat
loknum. Var það haft í flimtingum að Bjarni
M. hafi kynnt bæjarstjóra fyrir umdæmisstjóra
Kíwanis á íslandi og bæjarstjórinn hefði verið
svo upp með sér að vera kynntur fyrir svo
háum embættismönnum að eftir það hefði allt
verið leikur einn.
Lokadagur okkar í Todtmooser endaði
með hvítvínsveislu, sem þeir félagar Ævar og
Bjarni M. buðu til, veislu sem verður í
minnum höfð. Að henni lokinni færðu gest-
gjafar öllum gjöf til mynningar um dvöl okkar
í ferðinni, vasabók með gylltu letri, sem á
stóð: Ferð Kíwanismanna á Evrópuþingið í
Basel. Að því loknu skáluð allir fyrir gest-
gjöfunum og ekki síst umboðsmanni Anhaus-
er á íslandi Sigurði Tómassyni, fyrir þessa
höfðinglegu sendingu, sex kassa af Anhauser.
Því næst var haldið á útisvæði hótelsins þar
sem haldin var mikil grill- og grísaveisla.
Fararstjórar okkar fóru þar á kostum eins og
þeim einum var lagið. Síðan var dansað til
morguns við dynjandi glaum og gleði.
Föstudagurinn 7. júní rann upp með grenj-
andi rigningu svo vart var fært rnilli húsa.
Todtmooser Hof var hvatt með söknuði, og
við aftur á ný á leið til nýrra ævintýra, nú á
leið til Basel á Evrópuþing Kíwanismanna,
þar sem við buðum fram okkar mann í
Alheimsstjórn Kíwanis. Hótel okkar í Basel
Hótel Evrópa var aðeins fimmínútna gangur
frá þingstað, þar sem við sóttum gögn okkar
og því næst vorum við viðstaddir setningu
18
K-FRÉTTIR