Kiwanisfréttir - 01.08.1985, Blaðsíða 24
3.5. Kjör fulltrúa í heimsstjóm Kiwanis
Þá var komið að þeim dagskrárlið, sem
íslensku fulltrúarnir biðu eftir með mestri
eftirvæntingu. Eins og fram hefur komið voru
frambjóðendur þrír, þ.e. Eyjólfur Sigurðsson
frá íslandi, Emile Blaimont frá Belgíu og
Roger Luccioni frá Frakklandi. Mótframbjóð-
endur Eyjólfs vour því báðir frá sama umdæm-
inu, Benelux-Frakklandi-Mónakó. Eins og
við var búist dreifðust atkvæðin frá þessu
stærsta umdæmi Evrópu á milli frambjóðend-
anna tveggja, þó að sennilega hafi einhverjir
frá umdæminu kosið Eyjólf. Alla vega var það
ekki nóg til þess, að úrslit fengjust í fyrstu
umferð. Atkvæðatölur urðu þessar:
Fyrri Síðari
umferð umferð
EmileBlaimont 78 -
Roger Luccioni 129 157
Eyjólfur Sigurðsson 175 223
Auðir/ógildir 3 2
Atkvæði samtals 385 382
Eyjólfur var þannig kjörinn með glæsibrag
og veit ég, að hann á eftir að vera skeleggur
fulltrúi Evrópu á vettvangi heimsstjórnar
Kiwanis í Indianapolis.
3.6. Tillögur um lagabreytingar
Að venju bárust nokkrar tillögur um breyt-
ingar á stofnskrá og lögum Evrópuhreyfingar-
innar fyrir þetta þing. Áður er getið um tillögu
Evrópustjórnar um hækkun gjalda og hverja
afgreiðslu hún hlaut, en auk hennar bárust 5
tillögur frá einstökum klúbbum í Evrópu.
Allar þessar tillögur voru sendar til klúbbanna
í mars/apríl sl. í samræmi við lög Evrópusam-
bands Kiwanis, og því er ekki ástæða til að
fara nánar út í efni þeirra hér. En í ljósi þess,
hverja afgreiðslu tillaga stjórnarinnar um
hækkun gjaldanna hafði hlotið, ákvað Ev-
rópuforseti, Olav Sunde, að gera könnun á
meðal þingfulltrúa á því, hve margir þeirra
hefðu komið til þings búnir undir það að fjalla
um þessa tillögu. Kom þá í ljós, eins og verið
hafði með hækkunartillöguna, að mikill meiri-
hluti fulltrúanna hafði ekki fengið neinar
upplýsingar um tillögurnar, áður en þeir héldu
til þings. Að fengnum þessum upplýsingum
taldi Olav Sunde tilgangslaust að fjalla frekar
um þessar tillögur og tók málið út af dagskrá
án frekari afgreiðslu. Létu þingfulltrúar það
gott heita og var engum mótmælum hreyft
vegna þessarar ákvörðunar.
3.7. Önnur mál
Að loknum hefðbundnum þingstörfum
flutti verðandi Evrópuforseti, Ulrich Zim-
mermann, sína stefnuræðu og lýsti fyrirhug-
uðu starfi á næsta starfsári. Þar á eftir var
boðið til næsta Evrópuþings, sem haldið
verður í Bergen í Noregi. Var í því sambandi
sýnd kvikmynd frá Bergen. Þingstörfum var
síðan slitið um kl. 13.00.
4. Eftirmáli
Að loknum hinum hefðbundu þingstörfum
buðu tvö af Evrópsku umdæmunum til opins
húss, en þau voru Norden og ísland. Þeir
norsku voru á undan og var þar mikið fjör og
gleðiskapur og ánægjulegt að sjá, að þeir
samglöddust okkur innilega með það, að
Eyjólfur Sigurðsson skyldi hafa náð kjöri sem
fulltrúi Evrópu í heimsstjórninni.
Frá Norden veislunni var haldið til íslands-
veislunnar, sem haldin var úti í garði við Hotel
Europe, sem íslendingarnir bjuggu á. Þarna
var á boðstólum íslenskur matur og drykkur,
hangikjöt, hákarl og brennivín, og þar að auki
bjór og hvítvín fyrir þá sem með þurftu til að
renna hinu niður. Þessi veisla hafði greinilega
verið vandlega undirbúin og var hún að öllu
leyti íslenska umdæminu til sóma. Jafnvel
veðurguðirnir voru samvinnuþýðir og settu á
svið dæmigert íslenskt veður með hæfilegum
vindgusti og hita, sem engan þjakaði.
Á laugardgskvöldið var svo haldið hið
hefðbundna Evrópuball, “galaballið“, svona
til staðfestingar á því, að nú væru öllu lokið
að þessu sinni. Ballið var haldið í ráðstefnu-
höllinni, en þar var hátt til lofts og vítt til
veggja. Fór þessi samkoma vel fram, og var
ekki annað að heyra en allir hefðu skemmt sér
hið besta.
Flestir íslensku fulltrúarnir, sem þingið
sóttu, ferðuðust saman í rútubíl frá Luxem-
burg í gegnum Svartaskóg í Þýskalandi til
Basel. A leiðinni dvaldist hópurinn í nokkra
daga á sumarhóteli í Svartaskógi, og var það
mál þeirra, sem tóku þátt í þeirri för, að hún
hefði tekist frábærlega vel. Sá sem þessar línur
ritar átti þess ekki kost að slást í för með
þessum hópi, en vonandi verður einhver
þátttakendanna til þess að skrá ferðasöguna
annars staðar í þessu blaði.
Um þetta Evrópuþing hef ég ekki miklu við
að bæta að sinni. Við Islendingar megum vel
við una, að okkar fulltrúi náði kosningu til
æðsta embættis, sem evrópskum Kiwanis-
mönnum stendur til boða innan heimshreyf-
ingarinnar. Um aðrar málalyktir ýmsar er
kannski tilefni til einhverra hugleiðinga, sem
vera má að ég reyni að gera frekari skil síðar.
24
K-FRÉTTIR