Kiwanisfréttir - 01.08.1985, Blaðsíða 25

MS félag íslands leitar tíl þín
um stuðning
MS félag íslands (Multiple Sclerosis) leitar til
ykkar eftir aðstoð.
Multiple Sclerosis er algengasti sjúkdómur
í miðtaugakerfi í ungu fólki og herjar aðallega
á fólk sem er í blóma lífsins, þ.e.a.s. frá 15-^15
ára. Á þessu aldursskeiði er fólk yfirleitt að
vinna sig upp í störf, er í námi, að stofna
heimili og ekki síst að eignast börn.
ísland er hátíðnisvæði fyrir þennan
sjúkdóm.
Á íslandi eru um 200 manns haldnir þessum
ólæknandi sjúkdómi og mætti einnig nefna, að
á Bretlandi eru um 50.000 með MS og í
Bandaríkjunum um 250.000.
Áhrif á fjárhag landsmanna er miklu meiri
en fjöldi sjúklinga gefur til kynna.
Sjúkdómurinn lýsir sér m.a. með lömun og
stjórnleysi í útlimum, skynjunartruflunum,
blindu og tvísýni, erfiðleikum við gang og
jafnvægisleysi. Margir eru bundnir hækjum,
hjólastól eða eru rúmfastir. Þrátt fyrir þessu
alvarlegu einkenni geta sumir unnið allt að því
fullt starf, með aðstoð og hjálpartækjum á
vinnustað og heimilum, með ferðaþjónustu og
þjálfun.
Til þess að koma til móts við þessa þörf
vantar allverulega aðstöðu til vistunar sem
býður upp á iðju/sjúkraþjálfun og aðhlynn-
ingu fyrir MS fólk.
Þörf er fyrir langlegusjúklinga og þá sem
eru í slæmu kasti, en eiga eftir að lagast með
hjúkrun og þjálfun. Einstaklingsíbúðir sér-
hannaðar fyrir fatlað fólk og ekki síst dag-
deild, sem léttir á heimilum og gerir aðstand-
endum kleift að komast til vinnu, þar yrði
sjúklingum boðið upp á þjálfun og félagslega
aðstoð.
Dagdeild er miðpunktur í þessari áætlun og
væri hagstæðast að sameina alla þessa starf-
semi á einn stað. Þarna myndu sparast veru-
lega fjárhæðir ef miðað er við kostnað á
spítalarúm sem virkilega eru af skornum
skammti fyrir slíka starfsemi.
Við leitum eftir aðstoð til ykkar.
Stefnan er: sjálfstæður rekstur af meðlimum
MS félagsins og með þeirri félags og fjárhags-
aðstoð sem íslenskt Tryggingarkerfi býður
uppá.
Við höfum kynnt okkur starfsemi MS félaga
víða erlendis, t.d. í Kanada, Swiss og í
Bretlandi.
Multiple Sclerosis er ein stærsta ráðgáta
læknisfræðinnar, þrátt fyrir að milljörðum
dollara sé varið til rannsókna, er ráðgátan enn
hulin, sam er ótrúlega margt virtað um
sjúkdóminn.
Krabbameinsfélag íslands hefur veitt okkur
aðstöðu til skrifstofu og fundarhalda.
Hvað kemur MS
þér við?
MS er ekki einkamál fárra.
MS kemur öllum við.
MS er algengasti sjúkdómurinn í miðtauga-
kerfi hjá ungu fólki. Enginn veit hver fær hann
eða hvers vegna. Það eina sem er nokkurn
veginn öruggt er að hann herjar á fólk á
aldrinum 15-45 ára.
Tíðnin er há á vissum svæðum heims. ísland
tilheyrir slíku svæði.
MS er læknisfræðileg ráðgáta. MS félög víða
um heim stuðla að auknum rannsóknum til
þess að leysa gátuna um orsök og lækningu.
En meðan leitað er að lausninni, berst hópur
fólks við margbreytileg, oft mjög erfið og
alvarleg einkenni, sem geta valdið varanlegri
fötlun.
MS félag íslands er félag þessa fólks hér og
þeirra sem standa með þeim. Það vill stuðla að
aukinni samstöðu, fræðslu og söfnun upplýs-
inga, auknum rannsóknum, betri meðferð og
þjónustu.
Hið brýnasta á dagskrá nú, er að félagið
eignist aðstöðu fyrir starfsemi sína og fjár-
magn til að geta veitt MS fólki þá þjónustu sem
það telur þörf á.
Vilt þú styðja við bakið á þessum hópi?
Félagið mun senda þeim sem styrkja það,
upplýsingar um starfsemi sína.
MS félag íslands
Pósthólf 1043
121 REYKJAVÍK
K-FRÉTTIR
25