Kiwanisfréttir - 01.12.1996, Blaðsíða 16

Kiwanisdúkkuna vildi ég
sjá á öllum sjúkrahúsum sem
hafa börn til meðferðar. Ég
kynntist henni á Evrópuþing-
inu í Sviss síðastliðið vor.
Norðmenn voru að kynna
hana þar. Þessi litla einkenna-
lausa tuskudúkka hefur hjálp-
að mörgu barninu að takast á
við þá erfiðleika sem mæta því
í framandi umhverfi sem
sjúkrahús er þeim yfirleitt.
Þegar barnið leggst inn á
sjúkrahús taka Kiwanisdúkkan
og hjúkrunarfræðingurinn á móti því. Barnið fær dúkk-
una og í gegnum hana nálgast hjúkrunarfræðingurinn
það. Hann sýnir því dúkkuna, hvað er í vændum og
lætur svo barnið teikna andlit, hár o.fl. á hana. Á meðan
á sjúkrahúsvistinni stendur gengur dúkkan í gegnum
það sama og barnið og fylgir því allt sem það fer, á
röntgen, skurðstofur o.fl. Dúkkan fær e.t.v. sprautu,
saum eða plástur eftir atvikum og barnið hjálpar til. Við
heimferð er dúkkan útskrifuð með
barninu, því hún er gjöf frá Kiwanis-
klúbbnum í byggðarlaginu.
Að eiga þjáningarbróður og vin
breytir miklu. Og þegar vinirnir koma
heim getur barnið kynnt dúkkuna
fyrir fólkinu sínu, sem skilur betur
allar kringumstæður.
Kiwanisdúkkan leit fyrst dagsins
Ijós í Ástralíu. Ástralskir Kiwanis-
félagar fengu þessa frábæru hug-
inynd. Frá þeim er hún að breiðast út
um heimsbyggðina á vegum Kiwanis.
Ymsar leiðir eru farnar við fram-
leiðslu dúkkunnar. Léreftið og tróðið
fengið frá framleiðendum í saumaið-
naðinum á hagstæðu verði. Ýmsir
hafa tekið að sér saumaskapinn, fé-
lagarnir sjálfir, vistmenn á dval-
arheimilum og fangar, svo eitthvað sé
nefnt.
Kiwanisdúkkan hefur nú numið
land á íslandi. í tilefni af 25 ára afmæli Sinawiksklúbbs-
ins á Akranesi, ákváðum við að gefa 10 dúkkur á
Sjúkrahús Akraness. Undirrituð kynnti dúkkuna á
sjúkrahúsinu, en það er mjög mikilvægt að hjúkrunar-
fræðingar og læknar séu vel meðvituð um hvernig á að
nota hana og það gagn sem hún gerir.
Kiwanisdúkkunni var vel tekið og þessar 10 voru
fljótar að finna sér félaga. Það spyr líklega einhver að
því hvað Sinawik sé að vilja með Kiwanisdúkkuna.
Sinawik hefur sérstöðu því við erum aðeins til á íslandi
og var hreyfingin stofnuð með því markmiði að efla
kynni meðal eiginkvenna Kiwanismanna og að vera
Kiwanis innan handar í ýmsum málum.
Að mínu mati er þetta mjög gott verkefni sem klúbb-
arnir geta sameinast um. Sameiginlegur sjóður verður
stofnaður hjá Sinawik og Kiwanis á Akranesi, sem á að
standa undir framleiðslu dúkkunnar. Samið hefur verið
um hagstæð kaup á efni, tróði og saumaskap. Ég hef
farið þess á leit við umdæmisstjórnina að hún láti búa til
merkibönd sem sauma á í sauminn á hlið dúkkunnar. Á
bandininu stendur Kiwanis-Kiwanis-Kiwanis. Klúbb-
arnir ættu þá allir aðgang að því að kaupa merkin á
sama stað í metratali. Vegna aðstöðu minnar sem hjúkr-
unarfræðingur á Sjúkrahúsi Akraness mun ég sjá um að
fylgja notkun dúkkunnar eftir og sjá um það að alltaf
verði til dúkkur. Það er nauðsynlegt að einhver tengi-
liður sé á milli klúbbanna og viðkomandi sjúkrahúss til
þess að notkun dúkkunnar detti ekki niður.
Eftir að hafa kynnt þetta verkefni og unnið að því
hef ég á tilfinningunni að fá verkefni kynni Kiwanis-
hreyfinguna betur. Það hafa allir fagnað þessum
„skrýtna fugli,“ eins og Norðmenn kalla Kiwanisdúkk-
una sína, - heilbrigðisstarfsmenn, foreldrar og ekki síst
börnin á Sjúkrahúsi Akraness.
Brynja Einarsdóttir.
Brynja Einarsdóttir
Þan meiddu sig bœði.
16
KIWANISFRÉTTIR