Kiwanisfréttir - 01.04.1997, Blaðsíða 14

Kiwanisklúbburinn
Jörfi Reykjavík
Ágæti lesandi. Starfið í Jörfa hefur
verið með hefðbundnum hætti það
sem af er starfsárinu. Klúbbfélagarnir
eru sem fyrr að vinna vel í fjáröflunar-
og styrktarmálum klúbbsins. I nóvem-
ber var samþykkt að taka þátt í
sameiginlegi styrktarverkefni klúbb-
anna í Eddusvæði fyrir bágstadda í
Líháen. Þá hafa klúbbfélagar ákveðið
að taka tvö börn í þróunarlöndunum í
fóstur. Þetta er heillandi verkefni þar
sem við munum með fjárframlögum
sjá til þess að þessi börn fái eðlilegt
uppeldi og trygga skólagöngu. Fyrir
síðustu áramót var einnig ákveðið að
styrkja mjög fatlað barn til kaupa á
sérútbúnum stól. Þess má geta að að
barnið er barnabarn eins klúbb-
félagans. Fyrir Jólin afhenti klúbbur-
inn matarkörfur til bágstaddra fyrir
100.000 krónur.Þetta er styrktar-
verkefni sem klúbburinn hefur unnið
að um margra ára skeið. Þann 19.
mars kom svæðistjóri Eddusvæðis á
fund til okkar og fór yfir stöðu mála í
svæðinu. Á þessum fundi var Valdi-
mar Jörgenson félagi í Jörfa tilnefndur
sem kjörsvæðisstjóri Eddusvæðis
fyrir starfsárið 1997-98. Við Jörfa-
félagar óskum öllum Kiwanisfélögum
nær og fjær velfarnaðar í starfi.
Sigurjón Pálsson
ritari.
Kiwanisklúbburinn
Kirkjufell, Grundarfirði
Kirkjufellsfélagar eru 11 talsins í dag
og má segja að þetta fólk hafi haft
ærinn starfa það sem af er starfsárinu.
Það byrjaði að sjálfsögðu með því að
við sendum tvo af félögum okkar á
umdæmisþingið í ágúst s.l. Almennir
fundir hófust í september og þá var
verið að ganga frá síðasta starfsári og
undirbúa sig fyrir veturinn. Stjórna-
skipti l'óru fram í samvinnu við Korra-
félaga og tóku nokkrir félagar þátt í
þeim fundi en ekki áttu allir hinna
nýju stjórnarmanna heimangengt.
Þess vegna var svæðistjóri kvaddur á
fund okkar síðar. Á þeim fundi var
ákveðið að taka þátt í fatasöfnun
Eddusvæðis. Leitað var til Grund-
firðinga um aðstoð og voru þeir dug-
legir við að koma með fatnað til
okkar. í nóvember var svo farið að
huga að okkar árlegu jólapappírssölu.
Okkur tókst að finna mjög fallegan
pappír sem pakkað var og seldur í lok
mánaðarins og gekk salan mjög vel.
Höfðum við heitið félagskap hér í
Grundarfirði hluta af ágóðanum en
félag þetta hefur að leiðarljósi að efla
vitund unglinganna okkar og kenna
þeim að að hugsa sjálfstætt. Félagið
heitir Tilvera og fékk það 50% af
ágóða jólapappírssölunnar. Á Jóla-
föstunni seldum við alíslensk útikerti
úr hamsatólg og má segja að næstum
hvert heimili hafi að meðaltali keypt
eitt kerti en þetta er í fyrsta skiptið
sem við seljum þau. Ætlunin er að
þetta verði árvisst. Við gáfum svo
öllum sex ára bömum í plássinu öryg-
gishjálma í jólagjöf og var gaman að
fara í bekkina í skólanum og afhenda
pakkana, því börnin voru svo hrifinn
af að fá svona stóra pakka. Eftir
áramót er frekar rólegt svona til að
byrja með, en leikskólinn okkar varð
20. ára í janúar og gáfum við honum
af því tilefni peninga til kaupa á
þroskaleikföngum fyrir unga Grund-
firðinga, sem afhentir voru í afmælis-
veislunni sem haldin var í leik-
skólanum með pomp og prakt. Hinn
22. janúar héldum við kynningarfund
og var hann haldinn í veitingastaðnum
Krákunni. Þangað komu hátt í 30
manns og hlýddu á fyrirlestur um
jarðhitaboranir á Snæfellsnesi. Einnig
fengum við til okkar Kiwanisfélaga úr
Reykjavík til þess að segja frá
hreyfingunni okkar. Er það von okkar
að við fáum einhverja nýja félaga til
liðs við okkur í beinu framhaldi af
þessum fundi, því nokkrir sýndu því
áhuga. í marsmánuði höldum við
Góugleði og þar er jafnan glatt á
hjalla eins og á öllum okkar skemmt-
unum. Svo er bara að sjá hvort okkur
dettur ekki eitthvert snjallræði í hug
til að framkvæma fyrir sumarið því
sannast hefur að ekkert er of stórt fyrir
það stórhuga fólk sem er í Kiwanis-
klúbbnum Kirkjufelli.
Bestu Kiwaniskveðjur
Hrafnhildur Jóna Jónasdóttir
blaðafulltrúi.
Kiwanisklúbburinn Korpa,
Reykjavík
Meginmarkmið Korpu þessa dagana
er að tjölga í klúbbnum. Við ákváðum
að útbúa létta skemmtilega bæklinga
sem við töldum að næðu til kvenna á
öllum aldri. Þetta var framkvæmt og
síðan var þeim dreift í 800 eintökum
bæði í hús og í versluninni Hagkaup-
um. í kjölfarið var haldinn kynningar-
fundur sem miklar vonir voru bundnar
við. Ekki er hægt að segja að við
höfum uppskorið eins og til var sáð.
Við fengum samt fimm konur á fund
til okkar og þær ætla að koma aftur.
Þrátt fyrir þessi vonbrigði vildu konur
ekki gefast upp svo við ætlum að
halda áfram á þessari braut næstu
mánuði. Þetta þýðir að við getum ekki
á meðan einbeitt okkur að mark-
miðurn hreyfingarinnar, en úr því
verður bætt sem fyrst. Farið var í
heimsókn til Kiwanisklúbbsins Jörfa
og einnig er ætlunin að fjölmenna á
Sólborgarsælu.
Með bestu kveðjum og baráttuhug!
Katrín Björk Eyjólfsdóttir
forseti.
14
KIWANISFRÉTTIR