Kiwanisfréttir - 01.04.1997, Blaðsíða 20

Frá rítara Óðinssvæðis starfsárið 1995/96
Frá vinstri: SveinbjÖrn Arnason svœðisstjóri 1995-96, Torfhildur S. Þorgeirs-
dóttir, Hafliði Guðmundsson svœðisstjóri 96-97 og Halldór Guðmundsson forseti
Súlna, Olafsfirði.
Kæru Kiwanisfélagar!
Starfsárið 1995/96 var mjög
skemmtilegt fyrir mig þar sem ég
var ritari Óðinssvæðis og fór því
meira um en ella. Nú langar mig að
geta þess helsta sem gert var í okkar
svæði þetta starfsár.
Fyrsta verkefni Sveinbjörns
Arnasonar svæðisstjóra var að
skipuleggja tvo fundi með Eyjólfi
Sigurðssyni heimsforseta. Voru
fundirnir haldnir á Hótel KEA 14.
september og Hótel Reynihlíð 15.
september og tókust með ágætum þó
fleiri gestir hefðu mátt mæta á þessa
fundi.
Þrír svæðisráðsfundir voru
haldnir á starfsárinu, sá fyrsti að
Kirkjumiðstöðinni Vestmannsvatni
þar sem Kiwanisfélagar úr Óðins-
svæði hafa ákveðið að aðstoða við
uppbyggingu staðarins, næsti á Ak-
ureyri í tengslum við árshátíð svæð-
isins og sá þriðji á Ólafsfirði sem
haldin var í tengslum við 20. ára
afmæli Súlna. Einnig sátum við
svæðisráðsfund í Grímsey þar sem
stjórnarskipti fóru fram. Vel var
mætt á alla fundina og voru þeir
lfflegir og skemmtilegir.
Ákveðið var að halda árshátíð
fyrir félaga svæðisins 2. mars 1996
og voru Emblufélagar beðnir um að
sjá um þessa fyrstu hátíð sem hepp-
naðist mjög vel og trúi ég að margir
hafi verið sárfættir daginn eftir.
Fjórir klúbbar sáu um skemmtiatriði
og tókst þetta það vel að víst er að
áframhald verður á þessari skemm-
tun. Heyrst hel'ur að þeir sem ekki
komu á þessa árshátíð sjái mjög eftir
því og mæta því áreiðanlega næst.
Fjölskylduhátíð Óðinssvæðis var
haldin að Hringveri í Ólafsfirði 21.-
23. júní og var vel sótt.
Þá tóku félagar svæðisins þátt í
K-lyklasölu og gaman var að geta
styrkt Plastiðjuna Bjarg á Akureyri
með 650.000 kr. styrk úr þeirri söfn-
un. Styrkurinn verður notaður til
endurnýjunar á tækjum og búnaði á
vinnustaðnum en þar fer m.a. fram
endurhæfing geðfatlaðra.
Umdæmisstjórn veitti svæðinu
allar þrjár viðurkenningar sínar í
haust. Kiwanisklúbburinn Hrólfur
Dalvík fékk viðurkenningu fyrir at-
hyglisverðasta verkefnið. Hann
leigði rafmagnsbíla frá húsdýra-
garðinum í Reykjavík og var með
umferðafræðslu fyrir börn á Dalvík.
Kiwanisklúbburinn Herðubreið fékk
fjölmiðlaviðurkenningu vegna út-
gáfu Skútufrétta sem þeir hafa séð
um í 7 ár. Þá fékk Sveinbjörn Árna-
son viðurkenningu sem besti svæð-
isstjóri umdæmisins enda stóð hann
sig mjög vel og var í góðu sambandi
við félaga svæðisins.
Á síðasta svæðisráðsfundi veitti
svæðisstjóri viðurkenningar fyrir
besta klúbbinn, besta forsetann og
besta ritarann. Viðurkenningar þess-
ar hlutu:
Besti klúbburinn: Skjálfandi
Húsavík. Forseti var Brynjar Hall-
dórsson.
Besti forsetinn: Guðmundur
G.G. Arnarsson, Grími, Grímsey
Besti ritarinn: Jóhannes Stein-
grímsson, Herðubreið, Mývatns-
sveit
Þá var ákveðið að stofna til vina-
tengsla milli tveggja klúbba innan
svæðisins, öðrum af Eyjafjarðar-
svæðinu og hinum af svæðinu aust-
an til. Var dregið um þetta á síðasta
svæðisráðsfundi og vonum við að
betri kynni myndist á milli klúbba
svæðisins með þessu móti. Klúbb-
arnir ráða sjálfir hvernig þeir haga
þessum tengslum og það fer því eftir
félögum klúbbanna hvernig og
hvort þetta takist.
Ég vil að lokum þakka sam-
starfsmönnum mínum í svæðisstjórn
þeim Sveinbirni Árnasyni, Kristni
Erni Jónssyni, Guðmundi Þór Guð-
jónssyni og Hafliða Guðmundssyni
fyrir skemmtilegt samstarf.
Toifhildur S. Þorgeirsdóttir
Emblu
Næsta blað
Kiwanisfrétta kemur
út í ágústmánuði
1997. Efni sem
birtast á í blaðinu
þarf að hafa borist
ritstjórn ekki síðar
en 15. júli n.k.
20
KIWANISFRÉTTIR