Dagblaðið Vísir - DV - 06.01.2017, Blaðsíða 15

Helgarblað 6.–9. janúar 2017 Fréttir 15
Stáltech ehf. - tunguhálSi 10, Reykjavík - S: 5172322
CNC renniverkstæði
( 893 5888
Persónuleg
og skjót
þjónusta
þú finnur
okkur á
facebook
V
inningshafinn úr lottóút-
drættinum á gamlársdag hef-
ur enn ekki gefið sig fram við
Íslenska getspá. Af því tilefni
hefur Íslensk getspá sent út tilkynn-
ingu þar sem þetta kemur fram.
Vinningsmiðinn var keyptur
fyrir hádegi, miðvikudaginn 28.
desember, í verslun Hagkaupa á
Akureyri en um var að ræða 10 raða
sjálfvalsmiða sem kostaði þrettán
hundruð krónur.
Vinningurinn hljóðar upp á
64.579.360 krónur og munar nú
flesta um þá upphæð, eins og bent
er á í tilkynningunni. Viðskiptavin-
ir sem áttu leið í Hagkaup Akureyri
þann 28. desember síðastliðinn eru
vinsamlega beðnir um að skoða
í veskin sín eða vasa því þar gæti
leynst fjársjóður í formi lottómiða. n
ritstjorn@dv.is
Leita milljónamærings
Vinningurinn hljóðar upp á 64,5 milljónir króna
Þ
etta er mjög svekkjandi.
Heimsóknin í Bláa lónið átti
að vera hápunktur ferðarinn-
ar. Við fáum ekki að upplifa
þessa perlu en við fáum að
borga fyrir hana,“ segir Kate Gerken í
samtali við DV. Hún greiddi 174 evrur,
jafnvirði um 21 þúsund króna, í að-
gangseyri fyrir tvo að Bláa lóninu sem
og rútuferð frá Reykjavíkurflugvelli að
lóninu. Gerken varð hins vegar veður-
teppt á Akureyri og gat ekki nýtt mið-
ann. Hún freistaði þess að fá hann
endurgreiddan en þá kom í ljós að af-
panta þyrfti ferðina með 24 klukku-
stunda fyrirvara til þess.
Bókaði með þriggja vikna
fyrirvara
Gerken er frá Wellington á Nýja-Sjá-
landi en býr tímabundið á Bret-
landseyjum ásamt kærastanum
sínum, Thomas Nilsson. Ísland hef-
ur lengi verið draumaáfangastað-
ur þeirra og því nýttu þau tækifærið
og fóru í ferðalag yfir hátíðarnar. Þau
bókuðu flug til Íslands 27. desember
og héldu af landi brott í gær, 5. janúar.
Eins og áður segir átti Bláa lónið að
vera einn af hápunktum ferðarinnar
en auk þess ætlaði parið að spóka sig
í höfuðborginni og skoða valda staði á
Norðurlandi. „Ég reyndi að bóka miða
með þriggja vikna fyrirvara en ekk-
ert var laust á meðan við ætluðum að
vera í Reykjavík. Við ákváðum því að
bóka miða sama dag og brottförin var
ráðgerð þar sem við áttum kvöldflug
til London,“ segir Gerken.
„Þessi þjónusta er einfaldlega
mjög léleg“
Hún taldi að tíminn væri nægur en
parið átti bókað morgunflug með
Flugfélagi Íslands frá Akureyri til
Reykjavíkur á fimmtudag. Áætlanir
þeirra riðluðust þó heldur betur þegar
fluginu var aflýst og þau neyddust til
þess að stökkva upp í rútu til Reykja-
víkur. „Ég hringdi strax í Bláa lónið
og óskaði eftir endurgreiðslu því við
værum veðurteppt fyrir norðan. Okk-
ur var þá bent á að við hefðum þurft
að afpanta miðann með sólarhrings
fyrirvara en í staðinn var okkur boð-
ið að fara í lónið kl. 20.00 daginn eftir,
en þá erum við farin úr landi. Það er
fáránlegt að íslenskt fyrirtæki eins
og Bláa lónið taki ekki tillit til þess
að gestir geti forfallast vegna veðurs.
Þessi þjónusta er einfaldlega mjög
léleg,“ segir Gerken.
Endurselja afpantaða miða
Mikil eftirspurn er meðal erlendra
ferðamanna í að heimsækja Bláa lón-
ið og er uppselt marga daga fram í
tímann. Ásókn í lónið hefur aukist ár
frá ári og í maí síðastliðnum var greint
frá því að hagnaður Bláa lónsins árið
2015 hafi numið 2,2 milljörðum króna
samanborið við 1,8 milljarða árið
2014. Árið 2015 kom metfjöldi gesta
í lónið og miðað við straum ferða-
manna til Íslands má ætla að fjöldinn
hafi ekki verið minni árið 2016.
DV hafði samband við forsvars-
menn fyrirtækisins til þess að fá þeirra
hlið á málinu en svör höfðu ekki borist
áður en DV fór í prentun. Blaða-
maður hringdi hins vegar í þjónustu-
verið um miðjan dag á fimmtudag
og falaðist eftir miðum í lónið en var
þá tilkynnt að allt væri uppselt þann
dag. „Þú getur hins vegar fylgst með
heimasíðunni. Ef eitthvað losnar þá
fara stundum miðar þar í sölu,“ segir
ónafngreindur starfsmaður fyrirtæk-
isins. n
„Heimsóknin í Bláa
Lónið átti að vera
hápunktur ferðarinnar.
Við fáum ekki að upplifa
þessa perlu en við fáum
að borga fyrir hana.
Fá að borga
fyrir Bláa
lónið en ekki
njóta þess
Veðurtepptu nýsjálensku pari synjað um
endurgreiðslu í Bláa lóninu
Nýsjálendingar við Goðafoss Kate og
Thomas eru alsæl með Íslandsferðina ef
undan er skilin þjónusta Bláa lónsins.
Björn Þorfinnsson
bjornth@dv.is