Dagblaðið Vísir - DV - 06.01.2017, Blaðsíða 16
Helgarblað 6.–9. janúar 201716 Fréttir
Nýjar vörur
Okkar kjarnastarfssemi er
greiðslumiðlun og innheimta.
Hver er þín?
515 7900 | alskil@alskil.is | alskil.is
Síðan 2006
AfhjúpAr ofurlAun
AtvinnumAnnAnnA
n Óskar hrafn birtir upplýsingar um árslaun íslenskra knattspyrnumanna á twitter
B
laðamaðurinn Óskar Hrafn
Þorvaldsson hefur á undan-
förnum dögum dælt út á
Twitter upplýsingum um
57 launahæstu ís-
lensku knattspyrnumenn
þjóðarinnar sem leika
erlendis. Óskar Hrafn
hefur að eigin sögn
sankað upplýsingum
að sér víða og unnið
að upplýsingasöfn-
uninni lengi í hjáverk-
um.
Einhverjir hafa þó
haft á orði í athugasemdum
við færslur blaðamannsinns á
Twitter að upplýsingarnar séu í ein-
hverjum tilfellum ekki réttar, en
Óskar Hrafn stendur þó við upplýs-
ingarnar og segir í samtali við DV að
hann myndi ekki fara fram með þær
ef þær væru ekki áreiðanlegar.
Ekki mikið kvartað
Listi Óskars sýnir grunnárslaun
hvers og eins leikmanns og einstaka
þjálfara, umreiknuð í krónur fyrir
skatta í hverju landi fyrir sig. Ekki
eru teknar með í reikninginn ýmsar
bónusgreiðslur og eða auglýsinga-
samningar sem drýgja ágætar tekj-
ur afreksmanna oft og tíðum nokk-
uð. Þótt ekki séu allir sáttir við
framtakið þá kveðst Óskar
ekki hafa fengið margar
athugasemdir.
„Það er eins með
þetta og tekjublaðið,
það er persónulegt fyr-
ir fólk hversu mikilla
tekna það aflar sér. En
ég hef ekki fengið mörg
skilaboð um að menn
séu ósáttir. En ég geri
ráð fyrir að sumum
þyki þetta óþægilegt,
en öðrum sé skítsama.“
Óskar Hrafn bendir á að Við-
skiptablaðið hafi gert þetta í mörg
ár en einhverra hluta vegna virðist
menn ekki hafa tekið eftir því og haldi
að þetta sé í fyrsta skipti sem svona
nokkuð er gert. Hann samþykkir þó
að úttekt hans sé meira tæmandi og
þar sé að finna upplýsingar um fleiri
en aðeins okkar skærustu stjörnur á
erlendri grundu.
Stóru nöfnin eftir
Þegar þetta er skrifað á hann eftir átta
launahæstu atvinnumenn Íslands
í niðurtalningu sinni. Enn á eftir
að upplýsa um árslaun nokkurra
þekktustu íslensku landsliðs-
mannanna sem örugglega
skipa sér í einhver af
efstu átta sætunum í út-
tekt Óskars. Leikmenn
á borð við Alfreð Finn-
bogason, leikmann
FC Augsburg, Ragnar
Sigurðsson, leikmann
Fulham, Emil Hallfreðs-
son, leikmann Udinese,
Birki Bjarnason, leikmann
FC Basel, Kolbein Sigþórsson,
leikmann Nantes, og Gylfa Þór Sig-
urðsson, leikmann Swansea, sem án
nokkurs vafa kemur til með að toppa
umræddan lista.
Hundruð milljóna í árslaun
Miðað við það sem komið hefur fram
þá var Eiður Smári Guðjohnsen,
sem er nú án félags, með 85 milljón-
ir í árslaun, en hann var áður á mála
hjá Molde í Noregi og Pune City á
Indlandi. Það dugar Eiði Smári þó
aðeins í 11. sæti á lista yfir launa-
hæstu atvinnumennina. Í því 10. er
Jóhann Berg Guðmundsson, sem
leikur með enska úrvalsdeildar-
liðinu Burnley, sem sagður er
fá 121 milljón króna í laun
þar, eða ríflega 10 millj-
ónir á mánuði. Lands-
liðsfyrirliðinn Aron Einar
Gunnarsson, leikmaður
Cardiff í næstefstu
deild á Englandi, er
sagður fá 128 milljón-
ir á ári, eða sem nemur
10,6 milljónum króna
á mánuði. Ljóst er
því að þeir sem skipa
sætin þar fyrir ofan fá
enn veglegra launaumslag hjá sínum
liðum, en áður hefur verið fjallað um
að Gylfi Þór Sigurðsson fái hátt í hálf-
an milljarð króna á ári hjá Swansea.
Til samanburðar þá er launahæsta
knattspyrnukonan sem komið hefur
fram á listanum Sara Björk Gunnars-
dóttir, leikmaður Wolfsburg, sem sögð
er fá 10 milljónir króna í árslaun. n
Sigurður Mikael Jónsson
mikael@dv.isByrjunarliðsmenn í gögnunum
Sjö af landsliðsmönnunum ellefu sem byrjuðu leik Íslands gegn Englandi á EM í Frakklandi síðasta sumar hafa birst í gögnunum.
Leikmaður Félag/félög 2016 Staða Árslaun f. skatt
Hannes Þór Halldórsson NEC/Bodö/Randers Markvörður 22.000.000
Birkir Már Sævarsson Hammarby Varnarmaður 19.000.000
Kári Árnason Malmö Varnarmaður 29.000.000
Ari Freyr Skúlason OB/Lokeren Varnarmaður 28.000.000
Aron Einar Gunnarsson Cardiff City Miðjumaður 128.000.000
Jóhann Berg Guðmundsson Charlton/Burnley Miðjumaður 121.000.000
Jón Daði Böðvarsson Kaisterslautern/Wolves Sóknarmaður 73.000.000
Leikmenn sem ekki er búið að birta upplýsingar um en voru líka í byrjunarliðinu: Kolbeinn Sigþórsson, Birkir Bjarnason, Gylfi Þór Sigurðsson og
Ragnar Sigurðsson.
Hvergi banginn Óskar
ákvað að nota Twitter til að
birta upplýsingar sem hann
hafði aflað sér um laun
íslenskra atvinnumanna.