Dagblaðið Vísir - DV - 27.01.2017, Blaðsíða 10
Helgarblað 27.–30. janúar 201710 Fréttir
„Þetta er skrif-
ræðismartröð“
41 íbúðareigandi hefur skráð sig hjá Sýslumanni vegna heimagistingar frá áramótum
É
g hef verið send fram og til-
baka í tvær vikur og er engu
nær,“ segir íbúðareigandi á
höfuðborgarsvæðinu í samtali
við DV, en hann vildi skrá eign
sína til samræmis nýjum Airbnb-
lögum, sem svo eru kölluð. Hann
gagnrýnir harðlega hversu flókið það
er að fara eftir nýju reglunum. Von
er á nýju frumvarpi sem ætlað er að
eyða þeim frumskógi leyfa sem lög-
hlýðnir leigusalar hafa þurft að reiða
fram til þessa. Vonir standa til þess
að þau muni einfalda ferlið verulega.
Mega leigja út í 90 daga á ári
Um áramótin tóku í gildi ný lög um
veitingastaði, gististaði og skemmt-
anahald. Lögin eru iðulega nefnd
Airbnb-lögin því ein mikilvægasta
breytingin sneri að útleigu íbúða í
einkaeigu til ferðamanna, í gegnum
samnefnda vefsíðu. Lögin gera fólki
kleift að leigja út fasteignir sínar í allt
að níutíu daga á ári án þess að þurfa
rekstrarleyfi frá stjórnvaldi. Þá mega
heildartekjur af útleigunni ekki fara
yfir tvær milljónir króna.
Eina kvöðin er sú að eigendur
fasteignanna þurfa að tilkynna sýslu-
manni í sínu umdæmi að þeir hyggist
leigja út fasteignina sína. Sú fasteign
þarf að hafa verið samþykkt sem
íbúðarhúsnæði og fullnægja skilyrð-
um laga um hollustuhætti og meng-
unarvarnir. Skráningu þessa þarf að
endurnýja á ári hverju og er skrán-
ingargjald 8.000 krónur ár hvert. Það
sem af er ári hafa þó afar fáir íbúðar-
eigendur skráð eignir sínar.
Íbúðareigandinn sem DV hefur
rætt við er afar ósáttur við flækjustigið
og þann hringlandahátt sem hefur ein-
kennt samskipti hennar við opinber-
ar stofnanir vegna skráningar íbúðar
hennar. „Þetta er skrifræðismartröð,“
segir Filippía Þóra Guðbrandsdóttir
íbúðareigandi, í samtali við DV.
Sektir ef eignir eru ekki skráðar
Lögunum var tekið fagnandi enda
áttu þau að einfalda kerfi sem virtist
ekki virka. Áður fyrr var íbúðareigend-
um skylt að hafa rekstrarleyfi en að-
eins tæp tíu prósent þeirra sem staðið
höfðu í útleigu eigna sinna höfðu slíkt
leyfi. Nú verður hins vegar hverjum
skráðum aðila úthlutað númeri og er
skylt að láta það fylgja með við mark-
aðssetningu eignarinnar.
Sýslumaður hefur það hlutverk að
fylgjast með að allir fari eftir settum
reglum. Sé ekki farið eftir þeim geta
íbúðareigendur sætt sektum. Gild-
ir þá einu hvort brotið er framið af
ásetningi eða ekki. Skráningar sam-
kvæmt hinum nýju lögum hafa þó
valdið nokkrum vonbrigðum. Í skrif-
legu svari frá embætti Sýslumanns-
ins á höfuðborgarsvæðinu kemur
fram að 41 skráning hafi borist það
sem af er ári. Rétt er þó að geta þess
að þeir sem fengu úthlutað rekstrar-
leyfi fyrir heimagistingu fyrir 1. janú-
ar 2017 halda rétti sínum.
Hent á milli stofnana
„Ég vildi fara eftir lögum og regl-
um en upplifi það að hvergi er hægt
að fá skýr svör hjá stofnunum sem
vísa hver á aðra. Þau svör eða upp-
lýsingar sem ég fæ frá einni stofnun
varðandi aðra standast síðan ekki
nokkra skoðun,“ segir Filippía.
Þrautaganga hennar hófst á því
að hún hringdi í Reykjavíkurborg og
óskaði eftir sambandi við heilbrigðis-
eftirlitið til þess að fá upplýsingar um
skráninguna. Hún fékk þá samband
við mann sem kynnti sig ekki með
nafni en tjáði henni að fyrsta skrefið
ætti að vera það að hafa samband við
sýslumann. „Þar fékk ég ábendingu
um vefsíðu þar sem allar upplýsingar
kæmu fram sem og hvaða gögn ég
þyrfti að láta fylgja með. Þetta væri
hægt að sækja um rafrænt. Ég rak mig
hins vegar á að leyfi frá heilbrigðis-
nefnd þyrfti að liggja fyrir til að geta
lokið skráningunni hjá sýslumanni
og þar með hringdi ég aftur í fyrri við-
mælanda minn hjá Reykjavíkurborg,“
segir Filippía.
Óskýrar leiðbeiningar
Það gekk illa en tókst loks á þriðja
degi. Eftir talsvert japl og jaml upp-
lýsti viðmælandinn um að Filippía
þyrfti að hafa samband við heilbrigð-
iseftirlitið. „Er ég ekki að tala við full-
trúa þess?“ spurði hún undrandi en
þá kom í ljós að viðmælandinn var
byggingafulltrúi hjá Reykjavíkur-
borg. Filippía var frekar pirruð yfir
því að hafa eytt nokkrum dögum
til einskis á þessum tímapunkti en
hringdi þá þegar í heilbrigðisfulltrúa
hjá Reykjavíkurborg. „Þar fékk ég
upplýsingar um rafrænan vef þeirra
þar sem ég gæti prentað út eyðu-
blað og skilað því inn. Það gerði ég
skilmerkilega og skilaði því svo inn
á skrifstofu borgarinnar sama dag,“
segir Filippía, sem taldi sig vera
komna vel á veg með skráninguna.
Nokkru síðar barst svar frá borginni
þar sem fram kom að nauðsynlegt
væri að fá samþykki byggingarfull-
trúa fyrir húsnæðinu sem að hún ætl-
aði að leigja út og því þyrfti að fylgja
teikning með starfsleyfisumsókninni.
„Það stóð ekkert um það á vef sýslu-
manns. Ég benti heilbrigðiseftirlitinu
á þetta í bréfi og óskaði eftir upplýs-
ingum um hvort leyfi þeirra innihéldi
jafnframt leyfi byggingarfulltrúa og
eldvarnareftirlits. Þá tjáði ég þeim að
ég hefði lagt inn umsókn til heilbrigð-
iseftirlitsins og biði eftir niðurstöðu,“
segir Filippía.
Þá kom jafnframt fram í umrædd-
um pósti að leita þyrfti sérstaklega til
eldvarnareftirlitsins sem væri sjálf-
stæð stofnun. „Ég hafði þá samband
við þá stofnun en þeir vísuðu mér
frá og sögðust ekki votta eldvarn-
ir þegar um væri að ræða leyfi til
heimagistingar. Samt krefst sýslu-
maður þess að húsnæðið uppfylli
kröfur í reglugerð um brunavarnir,“
segir Filippía. Eftir tæplega tveggja
vikna snúning við ríkisstofnanir var
henni allri lokið. n
Heiða Vigdís Sigfúsdóttir
heida@dv.is
Filippía Þóra Guðbrandsdóttir Er búin
að gefast upp á skrifræðinu varðandi skrán-
ingu á heimagistingu hjá Sýslumanni.
Höfuðborgin Ógrynni leiguíbúða eru í boði í miðbæ Reykjavíkur á Airbnb. Ný lög sem tóku gildi um áramótin áttu að einfalda málaflokkinn en það er ekki upplifun Filippíu Guðbrandsdóttur.
Ný námskeið
Hringsjá
Náms- og starfsendurhæfing
Er ekki kominn tími til að gera eitthvað
Námskeið í janúar, febrúar og mars 2017
• Í fókus – að ná fram því besta með ADHD hefst 30. janúar
• Úr frEstuN Í framkvæmd 6. febrúar
• EiNkENNi og aflEiðiNgar mEðvirkNi hefst 13. febrúar
• Bókfærsla og tölvuBókHald hefst 22. febrúar
• styrklEikar og NÚvituNd hefst 22. febrúar
• sjálfsumHyggja – hefst 6. mars
• Í fókus – að ná fram því besta með ADHD hefst 13. mars
• fjármál – hefst 20. mars
• HEilsa og HEilsuEfliNg – hefst 27. mars
Frekari upplýsingar og skráning í síma 510 9380 eða á hringsja.is