Dagblaðið Vísir - DV - 25.04.2017, Blaðsíða 14
14 Vikublað 25.–27. apríl 2017fréttir - erlent
Enginn vill taka
við börnunum
n Börn vígamanna ISIS eiga ekki afturkvæmt heim n Þriggja ára drengur í fangelsi
Þ
rátt fyrir að hann sé aðeins
tæplega þriggja ára hefur
Tamim Jaboudi verið á bak
við lás og slá í rúmt ár. Það
eina sem Tamim hefur til saka
unnið er að vera sonur foreldra sinna
sem voru liðsmenn ISIS. Þeir féllu í
febrúar í fyrra í loftárás sem Banda-
ríkjamenn gerðu á bækistöðvar sam-
takanna. Tamim komst lífs af en er í
dag í hópi þeirra barna sem enginn vill
taka á móti, barna sem áttu foreldra
innan ISIS.
Áhyggjufullur
Foreldrar Tamin voru frá Túnis en
fluttu til Líbíu til að ganga í raðir ISIS.
Síðan foreldrar hans létust hefur
Tamim verið í fangelsi í Tripoli í Líbíu.
AP-fréttastofan ræddi við afa drengs-
ins á dögunum, Faouzi Trabelsi, sem
hefur reynt að fá drenginn heim til
Túnis en án árangurs. Tamin dvelur
nú í Mitiga-fangelsinu í Tripoli ásamt
á þriðja tug kvenna og barna þeirra
sem öll eiga það sameiginlegt að vera
frá Túnis. Þar er Tamim í umsjá konu
sem gekk í raðir ISIS en var fangelsuð
þegar það komst upp.
„Hvað hefur þessi drengur til saka
unnið til að vera í fangelsi með glæpa-
mönnum,“ spurði Trabelsi, afi drengs-
ins, blaðamann AP. Trabelsi hefur í
tvígang farið til Líbíu, gagngert til að
heimsækja drenginn og freista þess að
fá hann lausan úr prísundinni en án
árangurs. „Ef hann vex úr grasi þarna,
hvert mun viðhorf hans til heima-
landsins verða?“
Koma hryðjuverkamönnum fyrir
AP greinir frá því að minnst 600 erlend
börn vígamanna ISIS búi á svæðum
sem samtökin stjórna eða hafa snúið
heim frá umræddum svæðum í Sýr-
landi, Írak eða Líbíu. Þessir erlendu
vígamenn, hvort heldur sem er konur,
karlar, börn eða heilu fjölskyldurnar,
eiga erfitt með að snúa heim aftur
enda ríkir skiljanleg tortryggni í þeirra
garð. Ríki eins og Túnis, Frakkland
og Belgía hafa orðið fyrir barðinu frá
hryðjuverkamönnum sem hlotið hafa
þjálfun á yfirráðasvæðum ISIS og
leyniþjónustustofnunum fjölmargra
ríkja ber saman um að liðsmenn sam-
takanna reyni eftir fremsta megni að
koma hryðjuverkamönnum fyrir í
vestrænum samfélögum.
Þjálfuð til voðaverka
frá níu ára aldri
Af framangreindum ástæðum reynist
það fyrrverandi liðsmönnum erfitt að
snúa aftur til heimalands síns og skipt-
ir þá engu hvort um karla, konur eða
börn er að ræða. Í Hollandi til dæmis
er litið svo á að börn vígamanna sem
náð hafa níu ára aldri séu hættuleg.
Það er einmitt aldurinn þegar ISIS
byrjar að þjálfa drengi til að voðaverka
eins og morða.
Á Vesturlöndum eru dæmi um að
þessi börn endi á fósturheimilum eða
í umsjá ættingja sem engin tengsl hafa
við ISIS. Í Líbíu enda þessi börn á milli
steins og sleggju þar sem stjórnleysis-
ástand hefur ríkt í landinu frá því
borgarastyrjöldin braust út árið 2011.
Í desember náðu uppreisnarmenn
borginni Sirte á sitt vald, en það var eitt
helsta vígi ISIS í Líbíu. Fjölmargir voru
handteknir í kjölfarið, þar á meðal fólk
sem hafði flutt frá Túnis til að ganga til
liðs við samtökin.
Ný kynslóð hryðjuverkamanna?
Í umfjöllun AP kemur fram að yfir-
völd í Túnis vinni nú að því að koma
þessum börnum aftur til síns heima,
Tamim þar á meðal. Það sem tefur
vinnuna er meðal annars sú staðreynd
að fá, ef nokkur, þessara barna hafa
gild persónuskilríki í fórum sínum.
Tamin fæddist þann 30. apríl 2014
en móðir hans, dóttir Trabelsi, gekk í
hjónaband með ungum manni með
tengsl við ISIS nokkru áður. Þau yfir-
gáfu heimahagana í Túnis og fóru til
Tyrklands þar sem Tamin fæddist. Eftir
stutta dvöl heima í Túnis fluttu hjónin
ungu til Líbíu þar sem þau dvöldu í
tvö ár, eða allt þar til Bandaríkjamenn
gerðu loftárás á bækistöðvar ISIS með
þeim afleiðingum að fjölmargir létust,
þar á meðal foreldrar Tamim.
Eins og að framan greinir eru tölur
um fjölda barna sem fæðst hafa á yfir-
ráðasvæði ISIS á undanförnum árum
nokkuð á reiki. Þó er ljóst að tugþús-
undir barna hafa fæðst á þessum
svæðum á undanförnum árum, þar
af mörg sem eiga rætur að rekja til
ríkja Evrópu. „Þegar til lengri tíma
er litið er þetta kynslóðin sem mun
taka við keflinu innan ISIS, eða Da-
esh. Ef ekkert verður að gert er þetta
hin nýja kynslóð hryðjuverkamanna,“
segir Mohammed Iqbel, forsvarsmað-
ur samtaka sem hjálpa túniskum ríkis-
borgurum, sem fastir eru erlendis, að
komast heim. Talið er að á bilinu þrjú
til sex þúsund túniskir ríkisborgar-
ar hafi yfirgefið heimahagana til að
ganga í raðir ISIS.
Ætti að fá að fara heim
Trabelsi segir við AP-fréttastofuna að
barnabarn hans sé við ágæta heilsu
og hafi það ágætt í fangelsinu þrátt fyr-
ir allt saman. „Þeir gæta að hreinlæti
og hann er við góða heilsu. Hann fær
að fara út að leika sér og leika við önn-
ur börn. En hann ætti að fá að komast
heim til sín. Hann er í fangelsi,“ segir
hann og bætir við í samtali við banda-
rískan blaðamann AP: „Það var loft-
árás frá þínu ríki sem varð til þess að
hann er í fangelsi í dag. Það minnsta
sem þið getið gert er að hjálpa honum
að komast út.“ n
„Það var
loftárás
frá þínu ríki
sem varð til
þess að hann er
í fangelsi í dag.
Það minnsta
sem þið getið
gert er að
hjálpa honum
að komast út.
Einar Þór Sigurðsson
einar@dv.is
Þriggja ára um
helgina Tamim
fagnar þriggja ára
afmæli sínu næst-
komandi sunnudag.
Líkur eru á að hann
muni halda upp á það
innan veggja fangels-
is í Tripoli í Líbíu.
Í fangelsi
Trabelsi með
barnabarni
sínu fyrr í
mánuðinum.