Dagblaðið Vísir - DV - 25.04.2017, Blaðsíða 28

24 lífsstíll Vikublað 25.–27. apríl 2017
N
áttúrulega sætt er fyrsta mat­
reiðslubók Tobbu Marinós
og geymir uppskriftir að alls
kyns gómsætum eftirréttum
án viðbætts sykurs. Aðspurð
segist Tobba ekki hafa neitt sérstak­
lega mikið á móti viðbættum sykri en
hún hafi borðað of mikið af honum.
„Sem unglingur slagaði ég á tímabili
upp í 100 kíló þannig að þetta var stórt
vandamál. Mér finnst gott að borða en
núna gæti ég að því að það sé næring
í matnum og ég hreyfi mig líka mikið.
Það er mjög viðkvæmt hvað er syk­
ur og hvað er ekki sykur. Internetið
fer á hliðina ef ég segi að eitthvað sé
sykurlaust. „Það eru döðlur í þessu,
manneskja,“ segir kannski einhver.
Kommentakerfið logar, ég er úthróp­
uð sem lygari og amma hringir í mig
miður sín. Þegar ég segi að eitthvað
sé án sykurs þá á ég við að þar sé ekki
viðbættur sykur. Mér finnst mikil­
vægt að það sé næring í því sæta sem
maður borðar og sætt þarf ekki að
vera dísætt. Það þarf ekki að vera or­
eo­kex og sykurpúðar, flórsykur og
suðusúkkulaði – allt í sömu kökunni.
Ég trúi því að maður geti þróað
matarsmekk barna á heilbrigðan
hátt. Ég er búin að venja þriggja ára
dóttur mína á það að eftirréttir séu
ekki dísætir. Hún hefur aldrei farið á
nammibarinn og tekur því ekki þátt
í helgarslagnum þar. Hún fær dökkt
súkkulaði. Einhvern tímann fékk
hún rjómasúkkulaði í afmæli og skil­
aði því. Hún vill frekar hafrakökur en
marenstertu.“
Áttu uppáhaldsrétti í bókinni?
„Múslíið er lífsbreytandi og
grenjandi gott og sömuleiðis
granatostakakan. Í bókinni eru ekki
gríðarlega margar uppskriftir en þær
bjóða upp á alls konar útfærslu. Ég
vil hafa lífið einfalt til að eiga tíma á
kvöldin til að drekka smá rauðvín og
horfa á sjónvarpið.“
Bók um fæðingu á leiðinni
Það eru sjö ár síðan fyrsta bókin
Tobbu kom út og Náttúrulega sætt er
fimmta bók hennar á sjö árum. Áður
hafa komið út skáldsögurnar Maka­
laus og Lýtalaus og bækurnar Dömu­
siðir og 20 tilefni til dagdrykkju.
Önnur bók kemur út í september,
Gleðilega fæðingu – verkjastill­
andi valkostir og vellíðan í fæðingu.
Tobba skrifar hana með yfirlæknun­
um Hildi Harðardóttur og Aðalbirni
Þorsteinssyni.
„Það er hræðilega erfitt að fæða
barn,“ segir hún. „Á meðgöngunni
fór ég á jóganámskeið og var búin að
vera í leikfimi allan tímann og í góðu
formi og svo gat ég þetta ekki, þurfti
mænurótardeyfingu. Fæðingin tók
sólarhring og var mjög sársaukafull
og ég upplifði mig svo misheppn­
aða. Ég sagði frá þessari upplifun í
viðtali og eftir það hringdi Hildur í
mig. Hún sagði að hana langaði til að
Ég vil
hafa
lífið
einfalt
n Tobba Marinós sendir
frá sér matreiðslubók
n Önnur bók á leiðinni
Kolbrún Bergþórsdóttir
kolbrun@dv.is „Það þarf ekki að
vera oreo-kex og
sykurpúðar, flórsykur og
suðusúkkulaði – allt í
sömu kökunni.