Dagblaðið Vísir - DV - 09.06.2017, Blaðsíða 6

6 Helgarblað 9. júní 2017fréttir
Framsóknarmenn mæta
verst á fundi fastanefnda
n Vinstri græn með bestu mætinguna n Vilhjálmur Árnason tvöfaldur mætingarskussi
F
ramsóknarflokkurinn er með
slökustu mætinguna á fundi
fastanefnda Alþingis. Alls hafa
þingmenn flokksins aðeins
mætt á 83 prósent þeirra funda
sem þeir voru boðaðir á. Þingflokkur
Vinstri grænna skarar fram úr með 98
prósenta mætingu sem er mun meira
en þingflokkar meirihlutans sem þó
fara með forystu í öllum fastanefnd-
um. Helgast munurinn af því að
flokkurinn er afar duglegur að kalla
til varamenn á fundi ef forföll verða.
Þannig eru Vinstri- græn aðeins með
2 prósent óútskýrð forföll á nefndar-
fundi en aðrir flokkar, að Viðreisn
undanskilinni, á bilinu 7–14 prósent.
Mæting þingmanna á nefndarfundi
er æði misjöfn. Guðjón S. Brjánsson,
þingmaður Samfylkingarinnar, er
með 100 prósenta mætingu en fyrr-
verandi forsætisráðherra, Sigmundur
Davíð Gunnlaugsson, er aðeins með
33 prósenta mætingu. Þá virðast al-
þingismenn afar sjaldan verða veikir
og Vinstri græn, einn flokka, misstu
aldrei af fundi vegna utanlandsferða.
Mætingarskylda á nefndarfundi
Fastanefndir Alþingis eru átta tals-
ins alls og eru að jafnaði skipaðar
níu þingmönnum hver. Starfið innan
nefndanna er gríðarlega mikilvægur
hlekkur í starfi Alþingis. Hins vegar
er álagið æði misjafnt í nefndun-
um en til að mynda fundaði fjár-
laganefnd 51 sinni á síðasta þingi en
utanríkismálanefnd aðeins 24 sinn-
um. Meirihluti nefndarmanna þarf
að sækja fundina svo að þeir teljist
ályktunarbærir.
Yfirleitt er það ekki vandamál en
þó lagði minnihlutinn í utanríkis-
málanefnd fram eftirfarandi bókun
á 17. fundi nefndarinnar: „Fulltrúar
Vinstri hreyfingarinnar græns fram-
boðs og Pírata bóka athugasemdir
við að meirihlutinn hafi marg-
sinnis ekki virt þingsköp sem kveða
á um mætingarskyldur þingmanna
á nefndarfundi og að fulltrúar
meirihlutans kalli ekki inn varamenn
ef forföll verða í þeirra hópi. Fulltrúar
minnihlutann bera þar með ábyrgð á
því að fundir séu mannaðir og fundir
séu þar með lögmætir. Það gangi ekki
upp til lengdar.“
Þetta er athyglisvert í ljósi þess að
mætingarskylda er á nefndarfundi
nema að „nauðsyn banni“ eins og
segir orðrétt í lögum. Þrátt fyrir það
eru óútskýrð forföll nokkuð algeng
en munurinn á nefndarfundum og
almennum þingfundum er sá að
mæting þingmanna er kirfilega færð
til bókar í fundargerðum nefnda.
Blaðamaður kafaði því ofan í rúmar
fjögur hundruð fundargerðir og tók
mætinguna saman. n
Björn Þorfinnsson
bjornth@dv.is
Frá fundi velferðarnefndar í febrúar Lengst til
hægri má sjá Guðjón S. Brjánsson. Hvort S-ið standi fyrir
Samviskusamur skal ósagt látið en Guðjón var með 100
prósenta mætingu á fundi fastanefnda. Mynd AlÞingi
Páll Magnússon Mætti illa á fundi
fjárlaganefndar. Mynd Sigtryggur Ari
Pawel Bartoszek Mætti vel á nefndar-
fundi.
Sigurður ingi Jóhannsson Forsætisráð-
herrann fyrrverandi lét sjaldan sjá sig í at-
vinnuveganefnd á þessu þingi. Mynd Sigtryggur Ari
Brynjar níelsson Var með fullkomna
mætingu í efnahags- og viðskiptanefnd.
Heldur fór að halla undan fæti í stjórnskip-
unar- og eftirlitsnefnd. Mynd Sigtryggur Ari
Birgitta Jónsdóttir Mætti illa í stjórn-
skipunar- og eftirlitsnefnd Alþingis.
Elsa lára Arnardóttir Var með 100 prósenta mætingu í efnahags- og viðskiptanefnd
fyrir áramót. Mynd ÞorMAr Vignir gunnArSSon