Dagblaðið Vísir - DV - 09.06.2017, Blaðsíða 70

46 fólk Helgarblað 9. júní 2017
L
eikarinn Mark Lester hefur
í nokkurn tíma haldið því
fram að hann sé líffræði-
legur faðir Paris Jackson,
dóttur Michaels Jackson.
Lester endurtók þessa fullyrðingu
sína í viðtali við Daily Mail. Hann
segir að Jackson hafi á sínum tíma
beðið hann að vera sæðisgjafa
sinn og það hafi komið sér á óvart
að söngvarinn vildi verða faðir.
Lester segir að Jackson hafi beðið
fleiri karlkyns vini sína um sama
greiða, þar á meðal Macaulay
Culkin og Jack Nicholson. Lester
segist hafa gert Jackson þennan
vinargreiða. Málið komst fyrst í há-
mæli eftir dauða Jackson árið 2009
en þá birtu fjölmiðlar fréttir um að
Lester væri mögulega faðir Paris.
Lester varð frægur átta ára gam-
all fyrir hlutverk Olivers Twist í
Óskarverðlauna-söngvamyndinni
Oliver. Þeir Jackson kynntust um
1980 þegar söngvarinn var á tón-
leikaferðalagi í London og bað um-
boðsmann sinn að hafa samband
við Lester en Jackson var mikill
aðdáandi myndarinnar og hafði
margoft horft á hana. Þeir hittust
og eyddu saman sex klukkustund-
um. „Við vorum á sama aldri og
áttum margt sameiginlegt vegna
þess að báðir höfðum við verið
barnastjörnur,“ segir Lester. Í hvert
sinn sem Jackson var í London
hittust þeir. Jackson hafði einnig
oft samband símleiðis en hringdi
oft um miðjar nætur þar sem hann
hafði engan skilning á tímamis-
mun milli Bretlands og Bandaríkj-
anna. Með þeim tókst mikil vin-
átta og Jackson varð guðfaðir barna
Lesters og Lester guðfaðir barna
Jackson.
Lester segir að Jackson hafi
verið smeykur við konur og nefnir í
því sambandi atvik þegar Madonna
reyndi að fleka poppgoðið. Hún
bauð Jackson upp á hótelherbergi
sitt og þegar hann gekk inn lá hún
í rúminu, svipti af sér sænginni
og var allsnakin. Jackson rak upp
skelfingaróp og lagði á flótta. „Það
hefði ég ekki gert í hans sporum,“
segir Lester.
Lester segir að Jackson hafi
þjáðst af skelfilegu svefn-
leysi. Hann segir að söngv-
arinn hafi oft verið ein-
kennilegur síðustu árin
og kennir lyfjanotkun um.
Hann nefnir sem dæmi að
Jackson hafi sagt að tánings-
dóttir Lesters líktist Díönu
prinsessu og að hann vildi
giftast henni. Hann hafnar
því alfarið að Jackson hafi
áreitt börn kynferðislega.
Hann hafi verið barnavinur
hinn mesti og aldrei getað
gert barni mein. Hann segir
að Jackson hafi verið frábær
faðir og mjög strangur þegar
kom að svefntíma og heima-
lærdómi barna sinna.
Lester, sem á fjögur börn,
segist ekki hafa neinn áhuga
á að fara í DNA-próf til að
sanna að hann sé líffræði-
legur faðir Paris. Paris mun
heldur engan áhuga hafa á
því. Hún tók lát föður síns afar
nærri sér og hefur minningu
hans í heiðri. Í nýlegum við-
tölum hefur hún sagt að hún
finni að hann sé hjá sér. Paris
hefur oftar en einu sinni reynt að
svipta sig lífi. Lester segist hafa reynt
að hafa samband við hana eftir
eina slíka tilraun, en móðir hennar
Debbie Rowe, harðneitaði og sagði
honum að láta dóttur sína í friði. n
n Sæðisgjöfin var vinargreiði n Michael Jackson leitaði meðal annars til Jack Nicholson
Kolbrún Bergþórsdóttir
kolbrun@dv.is
HiNN rétti faðir
PariS JackSoN?
Paris Jackson
Hefur aldrei fyllilega jafnað
sig á dauða föður síns.
Michael Jackson
Vinur hans segir hann hafa
verið frábæran föður.
Barnastjarna
Mark Lester
var heillandi
Oliver Twist.
Mark Lester
Segist hafa
verið sæðis-
gjafi Michael
Jackson.