Dagblaðið Vísir - DV - 13.10.2017, Blaðsíða 2

2 Helgarblað 13. október 2017fréttir
Spurning vikunnar
Það líst mér ágætlega á en það yrðu nokkuð mörg stykki
af orðum.
Júlíus Kolbeins
Ég get sagt já við því. Mér finnst margir sem fá fálka-
orðuna ekki hafa unnið fyrir henni en það hafa þeir gert.
Erik Pálsson
Heldur betur! Það er engin smávinna á bak við árangur
þeirra.
Hulda Maggý Kristófersdóttir
Þeir eiga svo sannarlega að fá hana. Þeir eru langflott-
astir.
María Hjördís Þorgeirsdóttir
Á íslenska karlalandsliðið í fótbolta að fá fálkaorðuna?
Stærsta
sameiginlega jólaskraut Íslendinga
n Jólageit IKEA er komin á sinn stað n Gæsla allan sólarhringinn
Í
gær, fimmtudag, var IKEA geitin
reist í Kauptúni þar sem hún
mun standa fram yfir hátíðarnar.
Jólageitin markar upphaf jóla­
vertíðarinnar hjá IKEA en á hverju
hausti eyða starfsmenn verslun­
arinnar drjúgum tíma í hönnun
og smíði geitarinnar. Þrátt fyrir að
geitin hafi brunnið til kaldra kola
síðustu ár hafa starfsmenn ekki
látið deigan síga og jólageitin hefur
aldri verið glæsilegri en nú.
Sakaður um hugverkaþjófnað
Þórarinn Ævarsson, framkvæmda­
stjóri IKEA á Íslandi, segir í samtali
við DV að Íslendingar hafi gríðar­
lega mikinn áhuga á jólageitinni
en það er orðinn fastur liður við­
skiptavina IKEA að taka sjálfu af sér
við geitina. Þá gera ferðamenn sér
leið í Kauptún til að taka myndir af
sér með það að markmiði að fanga
jólastemninguna.
„Eftir að Íslendingar hættu að
fá sent jólatré frá Ósló er geitin
stærsta sameiginlega jólaskraut Ís­
lendinga. Ekkert kemst með tærn­
ar þar sem IKEA geitin hefur hæl­
ana,“ segir Þórarinn og bætir við
að honum þyki IKEA geitin meira
að segja glæsilegri en Sólfarið á
þessum árstíma.
Það sem færri vita er að IKEA í
Kauptúni er eina verslunin í heim­
inum sem skreytir með því að
stilla geit upp fyrir framan búðina
á hverju ári. Þó svo að jólageitin,
sem slík, sé sænsk jólahefð þá hafa
Svíarnir, sem og þjóðir annarra
landa þar sem IKEA er að finna,
að frátöldum Íslendingum, látið
sér nægja að selja hálmgeitur sem
lítið jólaskraut inni í verslununum
fyrir jólin.
„Ég veit alveg að kollegar mín­
ir í Skandinavíu eru pínulítið öf­
undsjúkir en að sama skapi hef ég
verið sakaður um hugverkaþjófn­
að. Það kom frá bæjaryfirvöldum í
Gävle í Svíþjóð, en þar er frægasta
geit Svíþjóðar sett upp fyrir jólin, á
hverju ári, Þeir vildu meina að þeir
ættu einkaréttinn á henni og vildu
að við hættum með okkar geit en
auðvitað kemur það ekki til mála.
Það á enginn þessa geit og fólk má
gera skreytingar úr því sem það
vill.“
Góðærisgeit
Í ár er íslenska jólageitin átta
metrar á hæð, einum og hálfum
metra hærri en geitin sem brann
í fyrra. Þá er geitin að sama skapi
þykkari og meira var lagt upp
úr glæsileika hennar en síðustu
ár. Aðspurður hvort það sé til
marks um íslenska góðærið svar­
ar Þórarinn: „Það má alveg kalla
hana góðærisgeit. Hún er stærri og
fallegri en nokkru sinni fyrr. Von­
andi samt ekki 2007 geit, upphaf­
ið að endalokunum. Ég tel að þessi
jólageit sé komin til að vera.“
Líkt og áður hefur komið fram
fór IKEA í mál við tvær konur og
einn karlmann fyrir að kveikja í
jólageitinni í Kauptúni í nóvember
2016. Hvert þeirra var dæmt til að
greiða 150 þúsund krónur í sekt.
Þórarinn kveðst ekki hafa verið
ánægður með hversu vel fólk­
ið slapp. Ástæðan var sú að IKEA
gat ekki sannað hversu mikið fjár­
magn var lagt í geitina. „Við lærð­
um af þessu og nú skráum við
allt niður. Vinnustundir og efnis­
kostnað sem eru fleiri milljónir.
Við erum í þessu af fullri alvöru
með það að markmiði að gleðja. Ef
einhver vinnur skemmdarverk á
geitinni þá verður hinn sami sótt­
ur til saka og látinn borga allan
þann kostnað sem við lögðum í
geitina.“
Þórarinn segir að meiri ör­
yggisgæsla verði við geitina í ár
en áður. „Það verður gæsla allan
sólarhringinn. Á nóttunni verður
öryggisvörður á bíl við hliðina á
geitinni en að auki verður hún girt
af með gaddavírs­ og rafmagns­
girðingu. Við ætlum að gera allt
sem í okkar valdi stendur til að
halda henni á lífi. Okkur er full
alvara með því.“ n
Jólageitin í smíðum Gríðarlega vinna liggur í geit IKEA. Mynd dV ehf / SiGtryGGur Ari
Þórarinn Ævarsson Er mikið í mun að
geitin lifi af jólahátíðina. Mynd dV ehf / SiGtryGGur Ari
„Ég veit alveg að
kollegar mínir í
Skandinavíu eru pínu-
lítið öfundsjúkir en að
sama skapi hef ég ver-
ið sakaður um hugverka-
þjófnað.
Kristín Clausen
kristin@dv.is
Aldrei glæsilegri
Jólageit IKEA
komin á sinn stað.
Mynd SiGtryGGur Ari