Dagblaðið Vísir - DV - 13.10.2017, Blaðsíða 50
26 fólk Helgarblað 13. október 2017
hjá okkur, það er ekki þannig að
ef þú færð þér áfengi þá sértu rek
inn. Slík mál eru tekin og rædd
hvert fyrir sig. Þetta var þannig að
hann gerði eitthvað eftir leik, sem
ég veit ekki hvort var vanalegt
eða óvanalegt, en það hins vegar
sást. Hann var auðvitað miður sín
og baðst afsökunar. Það gera all
ir mistök. Við nýttum þetta atvik
til þess að læra af því, bæði við og
hann. En atvikið hjálpaði honum
auðvitað ekki.“
Brot á samningi
Samningur Heimis við KSÍ var
á þá leið að hann og Lars skyldu
þjálfa liðið saman fram yfir loka
mót EM en að þaðan í frá myndi
Heimir stjórna liðinu einn. Í lok
árs 2015 bárust hins vegar fréttir
um að KSÍ hefði farið þess á leit
við Lars að hann héldi áfram fram
til ársins 2018. Það kom Heimi
óþægilega á óvart. „Ég hefði lík
lega ekki farið aftur með Lars fyrir
undankeppni EM árið 2014 nema
vegna þessa ákvæðis í samningn
um mínum um að ég tæki svo
einn við liðinu eftir að mótinu
lyki. Að KSÍ skyldi hefja viðræð
ur við Lars um framhald fram yfir
EM var því í raun brot á samningi
mínum af hálfu KSÍ, því ef þeir
semdu við Lars væri minn samn
ingur orðinn marklaus.“
Fannst þér KSÍ og Geir Þor-
steinsson, þá formaður KSÍ, fara á
bak við þig með þessu?
„Já mér fannst það, auðvitað
átti formaðurinn að tala við mig
fyrst og bjóða mér breytingu á
mínum samningi eða eitthvað
annað þess háttar. Ég er ekkert svo
viss um að ég hefði verið ánægð
ur í starfi ef ég hefði verið aftur
í sömu sporum, ég er bara það
metnaðarfullur. Ég var aðstoðar
þjálfari í tvö ár, var meðþjálfari í
tvö ár og það var markmiðið að
vera svo einn þjálfari þar á eftir og
um það hafði verið samið. Ég veit
ekki hvort ég hefði haldið áfram
ef KSÍ hefði samið við Lars um að
vera lengur. Ekki það að ég hafi
ekki viljað vinna með Lars, síður
en svo, heldur var það einfaldlega
metnaður minn að taka við liðinu
einn og mér fannst ég vera tilbú
inn til þess.“
Vildi Eið Smára
Heimir var svo sannarlega til
búinn að stjórna liðinu einn eins
og hinn magnaði árangur liðsins
í undankeppni HM sannar. Hann
þurfti þó að finna sér aðstoðar
þjálfara og fyrir valinu varð Helgi
Kolviðsson sem hefur reynst afar
vel. Áður hafði Heimir þó leitað
til Eiðs Smára Guðjohnsen um að
taka aðstoðarþjálfarastöðuna að
sér. „Ég held að hann hefði getið
hjálpað mér á mörgum sviðum,
til dæmis varðandi virðingu, sam
skipti við fjölmiðla og annað slíkt,
eins og hann gerði beint og óbeint
hjá okkur sem leikmaður á EM í
fyrra. Svo hefði hann auðvitað haft
mikla þekkingu á hópnum og not
ið virðingar innan hans. En hann
ákvað að spila áfram og ég virði
hans ákvörðun. Helgi féll strax
vel inn í allt saman enda flottur
karakter. Að auki bættum við inn
þýskum fitnessþjálfara, Sebastian
Boxleitner, sem hefur hjálpað okk
ur enn frekar að bæta fagmennsk
una. Gummi Hreiðars hefur ver
ið með mér frá upphafi og þar
er gullmoli á ferð sem fær of litla
athygli og hrós miðað við hversu
mikið hann leggur til verksins.
Bætt þjálfun markvarða á Íslandi
er efni í nýtt viðtal.“
Fullkomin liðsheild
Sparkspekingar og áhugamenn
um uppgang íslenska liðsins hafa
lengi velt vöngum yfir því hver
sé galdurinn á bak við velgengn
ina, af hverju liðið sé svona gott.
Það eru auðvitað ýmsir þættir
sem skipta máli en það er ljóst að
í huga Heimis er það liðsheildin
sem hefur fyrst og fremst skap
að þennan árangur. „Ef við skoð
um klassísk hugtök í fótbolta, eins
og vinnusemi, dugnað og liðs
heild, þá eru allir þjálfarar í heim
inum að leita að leikmanni sem
gefur allt fyrir liðið, sem fórnar
sér og er ánægður þegar leikmað
urinn við hliðina á honum fær
sviðsljósið. Alla þjálfara dreym
ir um að hafa svona leikmenn
í sínu liði. Þjálfarar leita jafnvel
bara að einum svona leikmanni
í sitt lið. Við erum svo heppin að
við eigum fjöldann allan af svona
leikmönnum, nánast hvern ein
asta mann í liðinu. Þess vegna er
liðið svona gott. Það er enginn að
keppast um persónulega frægð í
þessu liði. Sjáum til dæmis Gylfa
Sigurðsson, sem er líklega þekkt
asti leikmaður liðsins úti í heimi,
með hæstu launin og mestu
umfjöllunina. Hann er dugleg
asti leikmaðurinn á vellinum. Ef
hann er duglegastur, hver getur
þá leyft sér að vera latur? Annað
gott dæmi er Eiður Smári. Hann
var með okkur úti í Frakklandi
en spilaði mjög lítið, maður með
ótrúlegan feril og afrek að baki.
Hann kvartaði aldrei yfir að spila
lítið heldur þvert á móti lagði
hann sitt af mörkum við að að
stoða liðið og leikmennina á EM.
Ef maður af hans kalíberi kvartar
ekki yfir að fá lítinn leiktíma með
landsliðinu, hver hefur þá efni á
því að vera ósáttur? Það eru svona
hlutir sem skipta svo miklu máli
fyrir liðsheildina.“
Besta þjálfarastarf í heimi
Flestir áhugamenn um íslenskan
fótbolta eru líklegast enn í losti
yfir því að Íslandi hafi tekist það
sem fæstir trúðu að gæti nokkru
sinni gerst. Heimir er þjálfari
liðsins sem lét þennan draum
rætast og þessi magnaði árangur
ætti að geta opnað einhverjar dyr
að starfi fyrir Heimi á enn stærra
sviði erlendis. Kannski er sigur
víman ekki runnin af honum en
það er á honum að heyra að það
kunni að vera að draumur hafi
ræst, en hann ætlar sér hins vegar
ekkert að staldra við heldur ætl
ar hann að lifa drauminn og njóta
hans áfram.
„Þegar þú ert með lið eins og
íslenska landsliðið í höndun
um þá er ekkert annað sem er
meira spennandi. Ég tala nú ekki
um með svona hóp af leikmönn
um, sem eiga eftir að bæta sig
enn meira, með stuðningsmenn
sem elska liðið, með fjölmiðla
sem bera virðingu fyrir okkur,
með þetta starfslið í kringum mig,
sem er tilbúið að gefa allt, hvaða
þjálfarastarf er þá betra í heimin
um? Þetta er besta þjálfarastarf í
heimi.“
Íris veit um hvað þetta snýst
Heimir getur þess sérstaklega að
án stuðnings fjölskyldunnar væri
ómögulegt að standa í þessu. Íris
Sæmundsdóttir, kona hans, lék
sjálf lengi fótbolta með góðum ár
angri, meðal annars 12 Alands
leiki, og þekkir þjálfun vel. Þá
þekkir hún Heimi vel sem þjálf
ara, bæði þjálfaði hún með hon
um en hann þjálfaði hana einnig
sem leikmann til margra ára.
Heimir segir að það hafi ekki verið
vandamál. „Ég öskraði á hana á
æfingum og svo snerist það við
þegar við komum heim,“ segir
Heimir hlæjandi.
„Ég hef verið ákaflega hepp
inn, Íris veit út á hvað þetta geng
ur. Hún kemur á alla landsleiki,
heima og erlendis, líka úti, og er
mikið með okkur. Hún skilur þetta
starf, hún er ekki pirruð, hún veit
að þetta kostar mikla fjarveru. Það
er svo mikilvægt að eiga fjölskyldu
sem skilur starfið og sættir sig við
að maður komi svona endrum og
sinnum heim til sín. Það er algjör
lega ómetanlegt og er í raun stór
þáttur í því að þetta sé hægt.“
Það er augljóslega mikið að
gera hjá Heimi og lítill tími aflögu
fyrir áhugamál eða slökun. Hann
segist þó ná að slaka á í tannlækn
ingunum. „Stundum þegar mér
finnst að ég þurfi að slíta mig frá
fótboltanum, þá tek ég tvo eða þrjá
daga í vinnu á tannlæknastofunni
og næ að hreinsa hugann.“ Við
spyrjum Heimi hvort það gangi
nokkuð, hvort viðskiptavinirn
ir spyrji hann ekki látlaust um
landsliðið á meðan hann grúskar
í gómum. „Jú, jú, en þá deyfi ég
þá bara og skelli á þá gúmmídúk,“
segir hann og hlær.
Eyjarnar eru orkustöðin
Það hefur loðað við margan Eyja
manninn að hann iði allur í skinn
inu að komast aftur heim þegar
hann þarf að yfirgefa eyjarnar
fögru. Það á við um Heimi. „Ég
bíð eftir því að komast heim.
Til dæmis nákvæmlega núna er
áreitið mikið í Reykjavík, fólk úti
á götu vill fá að taka selfiemynd
ir með mér, en heima í Eyjum þá
er ég bara sami vitleysingurinn
og ég var fyrir 15 árum. Það er svo
yndislegt, þar er ég bara ég, og
allir þekkja mig og vita fyrir hvað
ég stend. Þar lít ég við á sömu
kaffistofunum og áður og renni
yfir það helsta með gárungunum.
Það er frábært að eiga svona orku
stöð eins og Vestmannaeyjar eru.“
Það eru fín lokaorð, við byrjuð
um viðtalið í Eyjum og endum það
í Eyjum, hringnum er lokað. Það á
þó bara við um þetta viðtal, því
miðað við hvernig Heimir talar, þá
er hann rétt að byrja. n
„Ég öskraði
á hana á
æfingum og svo
snerist það við
þegar við komum
heim
„Ég veit
ekki
hvort ég hefði
haldið áfram
ef KSÍ hefði
samið við Lars
um að vera
lengur
Á heimili sínu
Heimir útskýrir
magnaðan árangur
Íslands fyrir
blaðamönnum DV.
Mynd Sigtryggur Ari