Morgunblaðið - 16.05.2017, Blaðsíða 1

Þ R I Ð J U D A G U R 1 6. M A Í 2 0 1 7
Stofnað 1913  119. tölublað  105. árgangur 
www.lyfja.is
Barnadagar
Tilboð til 28. maí
15–30%
afsláttur
af völdum
barnavörum
VALUR OG FH
SKIPTU MEÐ
SÉR STIGUM
ANNES ER Á JAÐRINUM
VINNUR VERKEFNI
MEÐ OTIS JOHNSON,
FYRRVERANDI FANGA
DJASSKVÖLD Á KEXINU Í KVÖLD 30 KÁRI BJÖRN LJÓSMYNDANEMI 12ÍÞRÓTTIR
 Árlega eru um tvö þúsund öku-
menn hér á landi staðnir að akstri
undir áhrifum áfengis eða annarra
vímuefna eða án tilskilinna ökurétt-
inda. „Það hefur verið mikill stöð-
ugleiki í þessum brotaflokki í 20 til
30 ár,“ segir Helgi Gunnlaugsson,
prófessor í félagsfræði við Háskóla
Íslands.
Hann segir að sér sýnist að mun
fleiri hlutfallslega séu teknir fyrir
ölvunarakstur hér á landi en í
Bandaríkjunum og nágrannalönd-
unum. Þetta sé umhugsunarvert.
Þrátt fyrir fangelsisdóma fyrir
ítrekuð brot taka flestir út dóma
sína með samfélagsþjónustu. »14
Morgunblaðið/Júlíus
Lögreglan Eftirlit með umferðinni.
Tvö þúsund teknir
fyrir ölvun árlega
 Aldursforsetinn í hópi evrópskra
álfta fannst dauður skammt frá
Hriflu í gamla Ljósavatnshreppi í
Suður-Þingeyjarsýslu í vor, en hræ
álftarinnar kom í ljós er snjóa
leysti. Hún var rúmlega 30 ára
gömul og ekki var eldri álft að
finna á lista yfir evrópsk aldursmet.
Sverrir Thorstensen merkti álft-
ina sem unga við Engivatn á Fljóts-
heiði í byrjun september 1986.
Fuglinn fékk einkennisstafina BXN
A1495 og í maí í fyrra var Sverrir
enn á ferðinni og las á merki álftar-
innar við Arndísarstaði í Bárð-
ardal. Það var síðan í síðustu viku
að Sigtryggur Vagnsson, bóndi á
Hriflu, fann álftina dauða skammt
frá bænum. »10
Elsta evrópska álftin
fannst dauð við Hriflu
Yfirvöld þurfa að marka stefnu til
að hindra útbreiðslu baktería sem
eru ónæmar fyrir sýklalyfjum, svo-
kallaðra ofurbaktería, sem m.a.
dreifast með matvælum. Liður í því
er að skima innlendar og innfluttar
kjötvörur fyrir þessum bakteríum.
Þetta kemur fram í nýrri grein-
argerð sem unnin var af starfshóp
velferðarráðuneytisins.
Alþjóðastofnanir eins og t.d. Al-
þjóðaheilbrigðismálstofnunin hafa
lýst því yfir að útbreiðsla sýkla-
lyfjaónæmis sé ein helsta heilbrigð-
isógn sem að okkur steðjar.
Skimun sem þessi hefur verið
gerð í öðrum Evrópulöndum um
nokkurra ára skeið, en hefur ekki
verið gerð hér á landi fyrr en nú
vegna fjárskorts. Þetta segir Sigur-
borg Daðadóttir yfirdýralæknir
sem sæti á í starfshópnum.
Önnur dreifingarleið þessara
baktería er með ferðamönnum og
segir Sigurborg brýnt að bæta
hreinlætisaðstöðu á ferðamanna-
stöðum. „Þegar ferðamenn ganga
örna sinna utandyra fer saurinn
annað en í skólplagnir, hann leitar
að sjálfsögðu eitthvert annað og
dreifist síðan í umhverfinu eins og
annað í hringrás náttúrunnar.“ »6
Kalla eftir ofurbakteríustefnu
 Nauðsyn að hindra útbreiðslu sýklalyfjaónæmra baktería
Morgunblaðið/Árni Sæberg
Ferðamenn Ein dreifingarleið ofur-
bakteríanna er með ferðamönnum.
 Einkahluta-
félag, sem gjald-
færði sem kostn-
að 250 milljóna
króna tap af veð-
málum á vefsíð-
unni Betfair, þarf
að sæta endur-
ákvörðun opin-
berra gjalda, launakostnaðar og
tryggingargjalds, um sömu upphæð.
Þetta er niðurstaða yfirskattanefnd-
ar eftir að félagið kærði samhljóða
úrskurð ríkisskattstjóra.
Yfirskattanefnd telur eins og rík-
isskattstjóri að um sé að ræða per-
sónuleg útgjöld eiganda einkahluta-
félagsins sem tengist ekki
atvinnurekstri þess. »15
Tap af veðmálum
ekki frádráttarbært
Krían er fyrir nokkru komin til landsins og því óhætt að segja að sumarið
sé komið enda eltir fuglinn sumarið. Hópur kría hefur gert sig heimakom-
inn á Seltjarnarnesi eftir langt ferðalag heimskauta á milli á varpstöðvar
sínar eins og ljósmyndari komst að raun um við fjöruna á Seltjarnarnesi.
Morgunblaðið/Ómar
Ærslagangur í svöngum kríum eftir langt ferðalag
Vilhjálmur A. Kjartansson
vilhjalmur@mbl.is
Kalla þurfti út þyrlu Landhelgisgæslunnar í
tvígang í gær vegna slysa sem alls tíu erlend-
ir ferðamenn lentu í við bílveltur.
Alvarlega slasaður ferðamaður var fluttur
á sjúkrahús í Reykjavík með þyrlu Gæsl-
unnar eftir að húsbíll fauk út af Suðurlands-
vegi við Reynisfjall í gærkvöldi. Sex manns
voru í bílnum en samkvæmt Facebook-síðu
lögreglunnar á Suðurlandi var einn fluttur
með þyrlu á sjúkrahús, aðrir voru ekki slas-
aðir. Húsbíllinn er hins vegar gjörónýtur og
var unnið fram á kvöld á vettvangi. Töluverð-
ur vindur var á svæðinu en samkvæmt síðu
Vegagerðarinnar fór vindhraði upp í 36 m/s í
hviðum.
Flytja þurfti fjóra erlenda ferðamenn með
þyrlu Landhelgisgæslunnar á Sjúkrahúsið á
Akureyri eftir að bíll keyrði út af þjóðveg-
inum við sveitabæinn Hólabak í Húnavatns-
sýslu. Allir sem voru í bílnum voru fluttir á
sjúkrahús og er einn talinn þónokkuð slas-
aður að sögn lögreglunnar á Blönduósi.
Lögreglumaðurinn Höskuldur B. Erlings-
son varð vitni að slysinu en hann sagði frá
því á Facebook-síðu sinni í gærkvöldi.
„Þarna varð ég að taka stjórn á vettvangi,
þar sem einungis einn af á þriðja tug manna
talaði ensku, sem og að hlúa að slösuðum og
vera í sambandi við 112,“ sagði hann.
Alvarleg slys á ferðamönnum
 Kalla þurfti út þyrlu Landhelgisgæslunnar í tvígang í gær vegna slysa sem
ferðamenn lentu í  Tveir alvarlega slasaðir af tíu sem lentu í bílveltu í gærkvöldi
Morgunblaðið/Jónas Erlendsson
Bílvelta Aðkoman á slysstað var hörmuleg.