Víkurfréttir - 09.01.2014, Qupperneq 30

-íþróttir pósturu eythor@vf.is
Ár Ástrósar
Það væri ekki orðum aukið ef kalla mætti árið 2013 ár taek-
wondo á Suðurnesjum. Keflvíkingar unnu nánast allt sem í
boði var í þeirri grein hérlendis, og náðu auk þess frábærum
árangri erlendis. Teakwondofólk ársins á Íslandi kom frá fé-
laginu annað árið í
röð. Þar var á meðal
hin 14 ára Ástrós
Brynjarsdóttir sem
einnig hlaut nafn-
b ót ina Íþrótt a-
maður Reykjanes-
bæjar. Ástrós vann
til 19 gullverðlauna
á árinu, flest þeirra
í fullorðinsflokki
þrátt fyrir að vera
ung að árum. Ástrós varð m.a. Norðurlandameistari á árinu.
Það liggur ljóst fyrir að hér er á ferðinni ein efnilegasta
íþróttakona landsins.
Stóru titlarnir á sínum stað
Körfuboltinn á sérstakan stað í hjörtum Suðurnesjamanna,
því verður ekki neitað. Stærstu titlar ársins féllu Suður-
nesjaliðum í skaut, en Grindvíkingar urðu Íslandsmeistarar
karla á meðan Keflvíkingar hömpuðu Íslands- og bikar-
meistaratitlum í kvennaflokki. Yngri flokkar sópa líka að sér
verðlaunum í körfunni og má segja að ennþá séu yfirburðir
Suðurnesjanna augljósir þegar kemur að körfubolta.
Kristján aftur í Bítlabæinn - ótrúlegur endasprettur
Það vakti mikla athygli þegar Zoran
Ljubicic var látinn taka poka sinn og
Kristján Guðmundsson tók við stjórnar-
taumum hjá Keflvíkingum í fótbolt-
anum. Undir stjórn Kristjáns náði liðið
að bjarga sér eftirminnilega frá falli.
Kristján tók við liðinu þann 24. júní, en
fyrst um sinn gekk brösuglega. Eftir sigur
í fyrsta leik komu fjórir tapleikir í röð hjá
Keflvíkingum. Það var svo undir lokin
sem stigin söfnuðust upp á töflunni. Frá
7. ágúst náðu Keflvíkingar að vinna sér
inn 17 af þeim 20 stigum sem liðið nældi
í undir stjórn Kristjáns.
Fyrsti Íslandsmeistarinn í áhaldafimleikum
Fimleikadeild Keflavíkur eignaðist sinn fyrsta Íslands-
meistara í áhaldafimleikum á árinu en Lilja Björk Ólafsdóttir
varð Íslandsmeistari í 2. þrepi, 14 ára og eldri. Hún var með
hæstu einkunn á tvíslá og í gólfæfingum.
Hörður hrökk
í gang
Framherjinn Hörður
Sveinsson gekk aftur
til liðs við Keflvík-
inga eftir veru hjá
Valsmönnum. Hann
fann markaskóna
sína á haustmán-
uðum og átti stóran
þátt í því að tryggja
veru Keflvíkinga í
efstu deild.
Körfuboltaparið í Grindavík
Árið var gott fyrir skötuhjúin Jóhann Árna Ólafsson og
Petrúnellu Skúladóttur í Grindavík. Jóhann varð Íslands-
meistari í körfubolta með Grindvíkingum annað árið í röð og
Petrúnella stóð sig frábærlega með A-landsliði Íslands á árinu
og Grindavíkurliðinu. Þau Jóhann og Petrúnella voru svo
kjörin íþróttafólk Grindavíkur með töluverðum yfirburðum.
Sigrar í sundinu
Sunddeild ÍRB sýndi mátt sinn og megin á árinu en þetta
unga og efnilega lið er smátt og smátt að verða að stórveldi
í sundíþróttinni. Íris Ósk Hilmarsdóttir vann gull á Norður-
landamótinu annað árið í röð en nánast ómögulegt er að telja
upp einstaka sundmenn sem skara fram úr í Reykjanesbæ,
svo miklir hæfileikar eru innan raða ÍRB liðsins. Titlar ÍRB
á árinu: Íslandsmeistarar á Aldursflokkameistaramóti, flest
verðlaun á Unglingameistarmóti Íslands, flest verðlaun á Ís-
landsmeistarmót í 25m laug. Bikarmeistarar kvenna í 1. og 2.
deild og annað sæti í bikarkeppni karla.Flestir sundmenn í
öllum unglingalandsliðum.
Ásmundur tvöfaldur Íslandsmeistari
Knapinn Ásmundur Ernir Snorrason var valinn íþrótta-
maður Mána 2013. Ásmundur náði mjög góðum árangri á
árinu og þar má helst telja að hann varð tvöfaldur Íslands-
meistari á Íslandsmótinu sem haldið var á Akureyri í sumar.
Pálína til Grindavíkur
Besta körfuknattleikskona landsins undanfarin ár, Pálína
Gunnlaugsdóttir, ákvað að yfirgefa Keflvíkinga á árinu. Hún
gekk til liðs við nágrannana í Grindavík þar sem hún sóttist
eftir nýrri áskorun eftir að hafa unnið fjölda titla með Kefl-
víkingum á undanförnum árum.
Heimkoma Loga
Logi Gunnarsson ákvað að leika með Njarðvíkingum að nýju
eftir áralanga dvöl í atvinnumennsku í körfuboltanum. Logi
var eftirsóttur af liðum Domino’s deildarinnar en að lokum
var það hjartað sem réði för, en Logi er borinn og barnfæddur
Njarðvíkingur. Hann hefur ásamt Elvari Má Friðrikssyni
myndað eitrað tvíeiki í Ljónagryfjunni.
Holtaskóli vann Skólahreysti þriðja árið í röð
- magnað met Elvu
Holtaskóli sigraði þriðja árið í röð í Skólahreysti. Holtaskóli
hlaut 53 stig og verður að segjast að um magnaðan árangur
er að ræða hjá skólanum. Myllubakkaskóli keppti einnig í
úrslitum og stóð sig vel, en skólinn endaði í 5. sæti.
Elva Lísa Sveinsdóttir úr Njarðvíkurskóla vakti landsathygli
þegar hún bætti Íslandsmetið í hreystigreip í riðlakeppni
Skólahreysti á árinu. Fyrrum Íslandsmet var 6:28 mínútur en
Elva gerði sér lítið fyrir og náði tímanum 11:08 mínútur og
bætti því fyrra met verulega.
Karen kylfingur á uppleið
Það voru engin stórafrek hjá kylfingum á Suðurnesjum en
þó má ekki gleyma góðri frammistöðu Karenar Guðna-
dóttur, golfkonu úr Golfklúbbi Suðurnesja. Hún var nálægt
því að sigra á Nettó-mótinu á Hólmsvelli í Leiru en mótið
var hluti af Eimskipsmótaröðinni í golfi, en þar keppa allir
bestu kylfingar landsins. Karen sem lék lokahringinn á höggi
undir pari tapaði fyrir Valdísi Þóru Jónsdóttur í bráðbana um
sigurinn en Valdís hefur verið ein af þremur bestu golfkonum
landsins undanfarin ár. Karen er mjög vaxandi kylfingur og
er komin niður í 1,6 í forgjöf. Hún komst í fyrsta sinn í verð-
launasæti á stigalista Eimskipsmótaraðarinnar.
Keflvíkingar í atvinnumennsku
Keflvíkingar sendu tvo unga og efnilega stráka í atvinnu-
mennsku á árinu. Arnór Ingvi Traustason var kjörinn efni-
legasti leikmaður Pepsi deildarinnar og var hann fastamaður
í undir 21 árs landsliði Íslands. Hann samdi við sænska liðið
Norrköping og verður spennandi að fylgjast með miðju-
manninum hæfileikaríka reyna fyrir sér utan landsteinanna.
Hinn kornungi og efnilegi Samúel Kári Friðjónsson hefur
heldur betur byrjað vel hjá unglingaliði Reading í Englandi
og spurning hreinlega hvort kappinn fái tækifæri með aðal-
liðinu á nýja árinu.
Goðsögn óð yfir lækinn
Það er óhætt að segja að
Guðmundur Steinarsson
sé fyrir allnokkru orðinn
goðsögn í lifanda lífi hjá
Keflvíkingum enda marka-
og leikjahæsti leikmaður
félagsins frá upphafi. Það
þóttu því óvænt tíðindi
þegar markahrókurinn
ákvað að söðla um og
ganga til liðs við Njarð-
víkinga í 2. deildinni í
knattspyrnunni í byrjun
árs. Guðmundur lék með
liðinu í sumar og var auk
þess aðstoðarþjálfari. Nú
er Guðmundur orðinn
aðalþjálfari Njarðvíkinga
og líklegt að knattspyrnu-
ferli hans sem leikmanns
sé lokið.
Íþróttaárið 2013
Árið var að vanda blómlegt á Suðurnesjum þegar kom að íþróttum. Fjölmargir einstaklingar og lið unnu til afreka á árinu og er nánast ógerningur að telja öll frækin afrek Suður-
nesjamanna á árinu upp hér. Hér verður því farið yfir afrek nokkurra aðila og atburði sem þóttu hvað mest áberandi í íþróttalífinu á Suðurnesjum árið 2013.
fimmtudagurinn 9. janúar 2014 • VÍKURFRÉTTIR30