Víkurfréttir - 20.03.2014, Blaðsíða 2

fimmtudagurinn 20. mars 2014 • VÍKURFRÉTTIR2
-fréttir pósturu vf@vf.is
ATVINNA
SUNDMIÐSTÖÐ / VATNAVERÖLD
Starfssvið:
Um er að ræða vaktavinnu við baðvörslu karla,
sundlaugarvörslu, afgreiðslu og þrif.
Hæfniskröfur:
Viðkomandi þarf að gangast undir sundpróf og sitja
námskeið í skyndihjálp árlega.
Góð mannleg samskipti.
Reyklaus vinnustaður
Umsóknarfrestur er til 3. apríl nk.
Sækja skal um starfið á vef Reykjanesbæjar
h‹p://www.reykjanesbaer.is/stjornkerfi/laus-storf
Nánari upplýsingar veitir Ragnar Örn Pétursson
íþró‹afulltrúi, ragnar.petursson@reykjanesbaer.is
SKÁKKENNSLA
Skákkennsla fyrir nemendur í 4. - 10. bekk
í grunnskólum Reykjanesbæjar.
Kennslan fer fram í Myllubakkaskóla á miðvikudögum
frá kl. 16.00 - 18.00. Ekkert þá‹tökugjald.
LESTRARKEPPNI
REYKJANESBÆJAR
Minnum á lestrarkeppnina sem stendur
yfir til 11. apríl nk.
Fjöldi áhugaverðra vinninga í boði m.a. žölskyldukort
í Bláa Lónið, ársmiði í Sambíóin og margt fleira.
Lí‹u við í Bókasafni Reykjanesbæjar
og kynntu þér allt um málið.
EKUR ÞÚ VARLEGA?
30 km hámarkshraði er í
íbúðahverfum. Hvetjum íbúa til
að aka varlega
Sýnum tillitssemi
– ökum varlega.
30
Sólargötuljós er ný tegund götulýsingar sem byggð er á
svokallaðri LED-lýsingu. Fyrir-
tækið Ludviksson ehf. í Reykja-
nesbæ er umboðsaðili á Íslandi
fyrir götuljós sem eru byggð á
þessari tækin. Fyrsta LED-götu-
ljósið var sett upp í Reykjanesbæ
á dögunum þegar starfsmenn frá
HS Veitum settu upp ljósakúpul
með „sólargötuljósi“ framan við
Njarðvíkurbraut 12 í Innri Njarð-
vík.
Á næstu vikum verða fleiri sólar-
götuljós sett upp í Reykjanesbæ
en með tilkomu þeirra mun lýsing
breytast til muna og appelsínugula
ljósmengunin, sem er orðin mjög
mikil í dag, hverfa. Umhverfis-
og skipulagssvið Reykjanesbæjar
ætlar að gera tilraunir með þessa
lýsingu í Reykjanesbæ og verða sett
LED-ljós í tíu ljósastaura en ljósin
eru væntanleg til landsins á næstu
dögum. Ljósin tíu munu duga til að
lýsa upp tvær íbúðagötur
Guðmundur R Lúðvíksson er um-
boðsmaður fyrir LED-ljósin og
segist vera búinn að skoða þessi
mál í mörg ár. Mikil vakning er að
verða í þessa átt um þessar mundir
og t.a.m. eru fjölmargar borgir um
allan heima að skipta alfarið yfir í
þessi LED-ljós.
Guðmundur Rúnar segir að með
því að skipta út núverandi ljósa-
perum og setja LED-perur í stað-
inn má ná fram miklum sparnaði í
raforkukaupum en LED-ljósin nota
aðeins um 20% af þeirri orku sem
venjuleg götulýsing notar. Þá er
líftími LED-peranna miklu meiri
en þekkist úr núverandi lýsingu.
Miðað við ljósnotkun á Íslandi má
ætla að LED-peran muni endast vel
á annan áratug.
Eins og fyrr greinir ætlar umhverf-
is- og skipulagssvið Reykjanesbæjar
að gera tilraunir með þessa tegund
lýsingar. Til að önnur bæjarfélög á
Suðurnesjum geti kynnt sér kosti
LED-lýsingar sem best þá býður
Ludviksson ehf. sveitarfélögum 20
ljósa pakka á sérstöku verði ef þau
hafa áhuga á að gera prufu í sínu
sveitarfélagi.
Guðmundur segir að auk sólar-
götulýsingar sé fyrirtæki hans
einnig að bjóða lausnir í garðlýs-
ingu og fyrir sumarbústaði. Þá sé
einnig hægt að fá lausnir fyrir staka
ljósastaura sem eru knúnir áfram
með rafhlöðum sem endast í yfir
fimm ár. Þeir sem vilja kynna sér
sólargötuljós geta skoðað vefinn
www.ledljos.com.
Fyrsta LED-götuljósið í Reykjanesbæ
- Reykjanesbær setur upp tilraunalýsingu í 10 staurum
Hér má sjá hvernig ljósið úr
ljósastaur með LED-lýsingu er
í samanburði við hefðbundnu
appelsínugulu lýsinguna sem
við þekkjum. Myndin er tekin á
Njarðvíkurbraut í Innri Njarðvík.
VF-mynd: Hilmar Bragi
Forstjóri Landsnets undirritaði í dag samkomulag við Uni-
ted Silicon hf. um raforkuflutn-
inga vegna kísilvers í Helguvík.
Áætluð aflþörf verksmiðjunnar
er 35 megavött (MW) og miðast
samkomulagið við að starfsemi
hennar hefjist í ársbyrjun 2016.
United Silicon hf er nýtt félag,
stofnað af hópi aðila í evrópska
kísilmálmiðnaðinum, sem á frum-
kvæði að því að setja upp nýja kísil-
málmverksmiðju hérlendis til að
mæta vaxandi eftirspurn viðskipta-
vina sinna í Evrópu. Félagið hefur
undirbúið byggingu kísilversins í
Helguvík og keypti þróunarfélag-
ið Stakksbraut 9 ehf. sem á lóðina
í Helguvík. Umhverfismat hefur
þegar verið unnið fyrir verkefnið
og var það samþykkt af Skipulags-
stofnun í maí 2013.
Samkomulag United Silikon við
Landsnet miðast við að orkuaf-
hending hefjist í febrúar árið 2016
og að starfsemin verði komin á
fullt tveimur mánuðum síðar. Skal
Landsnet tryggja orkuflutninga
til kísilversins með tengingu við
meginflutningskerfið á Fitjum
á Reykjanesi. Undirbúningur og
hönnun vegna tengingar kísilvers-
ins í Helguvík við flutningskerfið
hefst hjá Landsneti í ár og er áætlað
að framkvæmdir byrji strax á næsta
ári.
„Það sem öðru fremur gerir okkur
kleift að bregðast við beiðni United
Silikon með svo stuttum fyrir-
vara er sú staðreynd að við höfum
unnið að undirbúningi tengingar
iðnaðarsvæðisins í Helguvík á
undanförnum árum. Nú hyllir
einnig undir að framkvæmdir hefj-
ist við Suðurnesjalínu 2, sem gjör-
breytir afhendingaröryggi raforku
á Reykjanesi,“ segir Þórður Guð-
mundsson, forstjóri Landsnets.
„Samkomulagið við Landsnet
er mikilvægur áfangi í áformum
okkar um að byggja kísilver í
Helguvík. Gangi þau öll eftir verður
starfsemin komin á fullan skrið í
apríl 2016. Framleidd verða 20 þús-
und tonn af kísilmálmi og því fylgja
um 65 framtíðarstörf á Reykjanesi,
að ótöldum þeim störfum sem
verða til vegna kaupa á þjónustu
og orku,“ segir Joseph Dignam,
stjórnarmaður hjá United Silicon.
Áætlaður kostnaður við tengingu
kísilvers United Silicon við megin-
flutningskerfi Landsnets hljóðar
upp á um einn milljarð króna.
n Mikilvægur áfangi í áformum um byggingu kísilvers:
Samið um raforkuflutninga
fyrir kísilver í Helguvík
Frá undirskrift samnings Landsnets og United Silikon í morgun.
Guðmundur Ingi Ásmundsson, aðstoðarforstjóri Landsnets, Þórður
Guðmundsson, forstjóri Landsnets, Joseph Dignam, stjórnarmaður
hjá United Silicon og Auðunn Helgason, stjórnarmaður hjá United
Silikon. Ljósmynd: Landsnet/Hreinn Magnússon