Víkurfréttir - 20.03.2014, Blaðsíða 16
fimmtudagurinn 20. mars 2014 • VÍKURFRÉTTIR16
- NESVELLIR // NÝTT HJÚKRUNARHEIMILI Í REYKJANESBÆ
Nýtt og glæsilegt hjúkrunar-heimili að Nesvöllum í
Reykjanesbæ var formlega tekið
í notkun 14. mars sl. Í heimilinu
eru sextíu herbergi á þremur
hæðum, nýtískulegt og staðfært
að þörfum nútímans. Byggginga-
kostnaður var rétt innan við 1500
milljónir en kostnaðaráætlun var
upp á 1550.
Við hönnun hjúkrunarheimilisins
var lögð áhersla á litlar hjúkrunar-
einingar með rúmgóðu einkarými
fyrir hvern og einn auk sameigin-
Glæsilegt hjúkrunarheimili opnað að Nesvöllum
Árni Sigfússon, bæjarstjóri afhenti Pétri Magnússyni, forstjóra
Hrafnistuheimilanna og Hrönn Ljótsdóttur, forstöðukonu Nesvalla,
lykilinn að heimilinu.
Opnað! Klippt á borða við opnun hjúkrunarheimilisins á Nesvöllum. F.v.: Guðrún Pétursdóttir,Guðmundur Hallvarðsson, Árni Sigfússon, Kristján Þór Júlíusson og Bergþóra Ólafsdóttir.
Hrönn, þetta er glæsilegt heimili
hérna. Erum við að tala um aðra
hugmyndafræði en hefur þekkst
almennt á hjúkrunarheimilum?
Já, við erum að gera það sama og
á Hrafnistu í Kópavogi þegar við
opnuðum þar fyrir fjórum árum.
Í svona fallegu og nýju húsnæði
ákváðum við að fara með þetta svo-
lítið lengra og í aðra átt en hefð-
bundin hjúkrunarheimili eru að
gera. Við leggjum mikla áherslu
á þátttöku íbúa í daglegu lífi.
Morgunverðurinn er framreiddur
frá klukkan sex á morgnana til
ellefu. Starfsmenn og íbúar borða
saman og hér ganga starfsmenn
ekki um í hefðbundnum sjúkra-
húsfatnaði, heldur sínum eigin
fatnaði. Við erum með svipaða
mönnun á morgnana, kvöldin og
um helgar. Þannig að við erum að
fara út úr þessu regluverki sem er á
spítölunum og hjúkrunarheimilin
hafa mikið unnið eftir. Við viljum
bara hafa þetta eins og heima hjá
okkur. Dagarnir hjá okkur eru mis-
jafnir og við erum misupplögð í að
gera misjafna hluti. Þannig að við
leitum mikið eftir því við íbúana
hér hvernig þeir eru vanir að hafa
líf sitt og gang dagsins. Við vinnum
á heimilum fólksins, það býr ekki á
vinnustaðnum okkar. Ætli það sé
ekki megináherslumunurinn.
Hvernig er svona almennt ástand
fólksins sem er að flytja hérna inn?
Flestir sem flytja á hjúkrunarheim-
ili í dag eru orðnir mjög lasnir. Það
er bara þannig að til þess að komast
inn á hjúkrunarheimili þarf til þess
mat hjá færni- og heilsunefnd. Þá
ertu orðinn töluvert mikið veikur.
En það er ekki þar með sagt að þú
getir ekki tekið þátt í lífinu. En að
taka þátt í dalegu lífi getur t.d. falist
í því að heyra þvottavélina vinda og
skarkalann í eldhúsinu. Þess vegna
erum við með allt hérna opið. Það
fer hér allt fram við hliðina á þér
þótt þú sért orðinn veikur.
Leggst þetta vel í þig?
Já já, ég gerði þetta fyrir fjórum
árum í Kópavogi og það gett ótrú-
lega vel. Ég og auðvitað starfsmenn
Hrafnistu koma með reynsluna
þaðan. Þannig að við gerum þetta
bara eins vel og við getum.
Líst þér vel á heildarkonseptið, ef
við getum orðað það svo, Nesvelli?
Þetta er náttúrulega alveg í anda
Hrafnistu, að hafa saman þjón-
ustmiðstöð, íbúðir aldraðra og
hjúkrunaheimili. Það styrður hvert
við annað. Það er akkurat það
sem Hrafnista leggur til í sínum
störfum á sínum heimilum og þetta
passar mjög vel inn í það.
Hvað eru þetta margir dvalar-
gestir og hversu margt starfsfólk?
Íbúarnir á Nesvöllum eru sextíu.
Það er svona þumalputtareglan að
það sé einn starfsmaður á hvern
íbúa. Þá er ég að tala um allt, launa-
málum, eldhúsinu og öllu, sem
deildast auðvitað niður því fæstir
eru í 100% stöðu. Þannig að þetta
er stór vinnustaður. Ég er ekki með
nákvæma starfsmannatölu ennþá
en Hrafnista, áður en þetta heimili
og Hlévangur komu til, voru starfs-
menn 761, síðast þegar við töldum.
Við förum ábyggilega hátt í þúsund
starfsmenn núna. Þetta er svo stór
staður.
Hér er einungis einn dvalargestur
á hverju herbergi. Þekkist það eitt-
hvað að hjón séu jafnvel saman?
Við erum með þannig hjá okkur
að það er möguleiki á að opna á
milli úr tveimur rýmum í hverju
herbergi og þá getum við haft hjón.
Það er ekki búið að opna heldur
verður það gert eftir þörfum.
Fólkið okkar býr í sinni íbúð, það
koma allir með handklæðin sín,
þvottapokana, naglaklippurnar,
gardínurnar sínar; allt til að skapa
sitt heimili. Og þú ræður ríkjum í
þinni íbúð. Við segjum gjarnan að
þetta sé eins og að flytja í litla íbúð í
Breiðholtinu. Þú átt bara þína íbúð
og ræður þar.
Mikil þátttaka íbúa í daglegu lífi á Nesvöllum:
„Við vinnum á
heimilum fólksins“
- segir Hrönn Ljótsdóttir, forstöðukona hjúkrunarheimilisins á Nesvöllum.
Rúmgott og nýtískulegt
„Í svona fallegu og nýju húsnæði ákváðum við að fara með þetta svolítið
lengra og í aðra átt en hefðbundin hjúkrunarheimili eru að gera. Við
leggjum mikla áherslu á þátttöku íbúa í daglegu lífi. Morgunverðurinn er
framreiddur frá klukkan sex á morgnana til ellefu. Við viljum bara hafa
þetta eins og heima hjá okkur. Dagarnir hjá okkur eru misjafnir og við
erum misupplögð í að gera misjafna hluti. Þannig að við leitum mikið eftir
því við íbúana hér hvernig þeir eru vanir að hafa líf sitt og gang dagsins.
Við vinnum á heimilum fólksins, það býr ekki á vinnustaðnum okkar“.