Víkurfréttir - 20.03.2014, Blaðsíða 17

VÍKURFRÉTTIR • fimmtudagurinn 20. mars 2014 17
- NESVELLIR // NÝTT HJÚKRUNARHEIMILI Í REYKJANESBÆ
Heildarkostnaður var áætlaður 1550 millj-ónir við upphaf framkvæmda. Hann var við
opnun 1470 milljónir kr. Samningurinn við ríkið
er þannig að ríkissjóður mun greiða mánaðarlega
leigu til Reykjanesbæjar, sem stendur undir fjár-
magnskostnaði og rekstrarkostnaði hússins.
Arkitektahönnun var í höndum THG arkitekta, en
auk þeirra unnu Verkfræðistofa Suðurnesja, Tækni-
þjónusta SÁ, Rafmiðstöðin og Efla, Mannvit og
Forma að hönnun undir eftirliti Reykjanesbæjar og
Mannvits.
Jarðvinna var unnin af Ellert Skúlasyni ehf, sökklar,
kjallari og gólfplata af Hjalta Guðmundssyni ehf,
uppsteypa og frágangur utanhúss af ÍAV, frágangur
innanhúss af Þarfaþingi ehf. og lóðarframkvæmdir af
Ellert Skúlasyni.
Bæjarstjóri sagði þessa verktaka hafa skilað af sér
einstaklega vönduðu verki á kostnaðaráætlun. Hann
þakkaði einnig Sveini Valdimarssyni, sem byggingar-
stjóra og eftirlitsmanni fyrir frábæra vinnu og þeim
Sigurði Garðarssyni og Guðlaugi Helga Sigurjónssyni
sem aðalfulltrúa Reykjanesbæjar við verkefnið fyrir
einstaklega vandað starf.
Glæsilegt hjúkrunarheimili opnað að Nesvöllum
legs rýmis fyrir íbúa og starfsfólk
hverrar einingar með eldunarað-
stöðu, borðstofu og dagstofu. Bygg-
ingin er 4.350 fermetrar að grunn-
fleti og tengist þjónustumiðstöð og
öryggisíbúðum á Nesvöllum en sá
kjarni var opnaður árið 2004.
Byggingin er í eigu Reykjanes-
bæjar, en byggingarkostnaður er
fjármagnaður með láni frá Íbúðal-
ánasjóði. Ríkið sér síðan að mestu
leyti um að greiða afborganir af því.
Þetta er önnur af tveimur aðferðum
við svona framkvæmdir og nefnist
leiguleið að sögn Kristjáns Þórs
Júlíussonar, heilbrigðisráðherra
sem var viðstaddur opnunina.
„Ég samfagna innilega með Suður-
nesjamönnum glæsilegum áfanga
í öldrunarmálum. Þetta er mikil
bygging og skemmtileg og ég bind
miklar vonir um að þetta gagnist
vel. Málefni aldraðra hafa tekið
breytingum í tímans rás. Við sjáum
alltaf einhverjar breytingar við
byggingu hvers hjúkrunarheimilis.
Það er verið að taka nokkur stór
skref í þessum málum, bæði í bygg-
ingum og í aðferðum við að þjóna
fólki og aðstoða þegar það er komið
á efri ár.“
Kristján sagði að stundum kastaðist
í kekki í samskiptum sveitarstjórna
og ríkis en samstarfið gengi yfir-
leitt mjög vel. „Hér á Suðurnesjum
eru menn mjög ákafir í úrbótum í
öldrunarmálum. Það kom vel fram
í því að klára þetta stóra verkefni.“
Við opnunina var greint frá niður-
stöðum í nafnasamkeppni en sex
deildir heimilisins fá allar nöfn sem
enda á vík, en þær heita Bergvík,
Fagravík, Fuglavík, Hraunsvík,
Selvík og Sandvík. Í dagskrá við
formlega opnun afhenti Árni Sig-
fússon, bæjarstjóri Reykjanesbæjar
forráðamönnum Hrafnistu lykilinn
að heimilinu en bæjarfélagið samdi
við Hrafnistu um rekstur hjúkr-
unarheimilisins. Forráðamenn
Hrafnistu þökkuðu öllum þeim
sem hafa komið að undirbúningi
og byggingu heimilisins og sögðust
hlakka til að takast á við verkefnið.
Að lokinni formlegri dagskrá skoð-
uðu gestir aðstæður á Nesvöllum.
Fyrstu íbúarnir fluttu inn strax
eftir formlega opnun og ríkti mikil
ánægja meðal vistmanna og ætt-
ingja þeirra.
Skúli Ólafsson sóknarprestur í Keflavík blessaði heimilið. Hér er hann með
Guðmundi Hallvarðarsyni, Kristjáni Þór ráðherra og Árna bæjarstjóra.
Þær voru brosmildar þessar hressu konur í tilefni dagsins.
Hrafnista þakkaði sveitarfélögunum og afhenti þeim gjöf.
F.v. Guðmundur Hallvarðsson stjórnarformaður Hrafnistu, Böðvar Jónsson Reykjanesbæ,
Magnús Stefánsson Garði, Ólafur Þór Ólafsson Sandgerði og Ásgeir Eiríksson Vogum.
Fjöldi fólks var viðstaddur opnun hjúkrunarheimilisins.
Klippt á borða við opnun hjúkrunarheimilisins á Nesvöllum. F.v.: Guðrún Pétursdóttir,
Guðmundur Hallvarðsson, Árni Sigfússon, Kristján Þór Júlíusson og Bergþóra Ólafsdóttir.
Kostnaður og framkvæmdaaðilar
Fyrsta skóflu-
stunga tekin
17. maí 2012 af
þeim Ingvari
Guðmundssyni
og Sóleyju Hall-
dórsdóttur.
SJÓNVARP VÍKURFRÉTTA
SJÁIÐ ÍTARLEGA
UMFJÖLLUN UM
NESVELLI Á VF.IS