Víkurfréttir - 03.04.2014, Blaðsíða 21

VÍKURFRÉTTIR • fimmtudagurinn 3. apríl 2014 21
Sérkenni fámennra sveitarfélaga felast oft í því að tiltölulega hátt
hlutfall íbúanna starfar hjá sveitar-
félaginu. Það er því nokkuð sterkt
samhengi á milli ánægju starfsfólks
og íbúanna almennt. Starfsfólkið
getur haft mikil áhrif á þróun sam-
félagsins og árangur.
Á dögunum fengum við í Sveitar-
félaginu Vogum niðurstöður starfs-
ánægjukönnunar sem gerð var á
meðal starfsfólks í upphafi árs. Er
þetta í annað sinn sem við látum
framkvæma slíka könnun þar sem
öllum er boðin þátttaka og niður-
stöður nýttar til að bæta um betur
og gera góðan vinnustað enn betri.
Könnunin gefur kost á samanburði
við fyrri mælingu og auk þess fáum
við samanburð við vísitölu sem þró-
ast hefur frá árinu 2004 og byggir á
niðurstöðu fjölmargra fyrirtækja og
stofnana frá þeim tíma.
Niðurstöðurnar í ár voru sérstak-
lega ánægjulegar. Þær sýna glöggt að
starsfólk Voga leggur sig fram við að
veita bæjarbúum góða þjónustu og
er ánægt og metnaðarfullt í störfum
sínum.
Á meðal þeirra þátta sem mældir eru
eru og búa að baki starfsánægjunni
eru ímynd, stjórnun, næsti yfir-
maður, samstarf, starfið sjálft og
starfsskilyrði.
Stjórnendur í Vogunum fá fyrstu ein-
kunn frá samstarfsfólki sínu sem er
mjög ánægjulegt. Það sem skoðað
er sérstaklega varðandi stjórnendur
er sýn starfsfólks á faglega hæfni
og stjórnunarlega hæfni næsta yfir-
manns. Það eflir mann í þeim verk-
efnum sem framundan eru að vita að
hverri einingu sé stýrt af færu fólki
sem nær að virkja þann auð sem í
starfsfólkinu býr. Starfsfólkið er einn-
ig mjög ánægt með samstarfið sín á
milli, bæði faglegt samstarf, starfs-
andann og félagsleg samskipti á
vinnustaðnum. Starfið sjálft og inni-
hald þess mælist mjög hátt og starfs-
skilyrðin mælast töluvert umfram
það sem gerist á hinum almenna
markaði.
Í fyrra mældust þessir þættir einnig
vel og er ánægjulegt að sjá að þeir
stefna enn upp á við. Þær aðgerðir
sem ráðist var í í kjölfar könnunar-
innar í fyrra var að skoða álag á
starfsfólk og hvaða leiðir mætti nýta
til að draga úr því. Einn liður í því var
að bjóða starfsfólki upp á fyrirlestur
um orkustjórnun á sameiginlegum
starfsdegi starfsfólks. Upplifun starfs-
fólks á álagi mælist nú töluvert minni
en í fyrra, sem við fögnum mjög.
Upplýsingastreymi er mikilvægur
þáttur í upplifun fólks á vinnu-
staðnum og því leggjum við áherslu á
að það sé gott. Mælingarnar hafa sýnt
að við erum þar enginn eftirbátur
annarra en við viljum gera enn betur.
Við skoðuðum með hvaða hætti
mætti auka upplýsingastreymi og
höfum þegar komið á starfsdegi alls
starfsfólks einu sinni á ári auk þess
sem undirritaður sendir út vikulega/
hálfsmánaðarlega pistla með um-
fjöllun um það sem helst er á döfinni
hverju sinni.
Það er mat mitt að með áframhald-
andi uppbyggingu og þróun mann-
auðsmála hjá sveitarfélaginu sköpum
við ekki eingöngu eftirsóttan vinnu-
stað heldur öflugra samfélag, búun-
um til heilla.
Ásgeir Eiríksson,
bæjarstjóri Sveitarfélagsins Voga
Hugmyndafræði og markmið hjúkrunar á Hrafnistu er að viðhalda
færni hvers og eins, bæta líðan, efla sjálfsbjargar getu og sjá til
þess að hinn aldraði geti haldið reisn sinni. Við leggjum ríka
áherslu á styrkleika hvers og eins og að veita aðstoð sem getur
skapað gleði og ánægju í daglegu lífi. Markmið Hrafnistu er að
fylgjast með því besta sem er að gerast í hjúkrun aldraðra.
Hjúkrunarfræðingar og hjúkrunarnemar
Langar þig til að vinna gefandi starf í sumar í heimilislegu umhverfi
og góðum félagsskap!
Óskum eftir hjúkrunarfræðingum og hjúkrunarnemum til starfa í sumar á
Hrafnistuheimilin í Reykjanesbæ. Hrafnistuheimilin eru þroskandi vinnustaður
þar sem starfsfólki gefst tækifæri til að afla sér reynslu og þekkingar.
Gott vinnuumhverfi stuðlar að því að hæfileikar hvers og eins njóti sín.
HRAFNISTA Reykjanesbæ
Sumarvinna
HRAFNISTA
Reykjavík I
Kópavogur I Reykjanesbær
nánari upplýsingar veitir Hrönn Ljótsdóttir forstöðumaður Hrafnistu Reykjanesbæjar
hronn.ljotsdottir@hrafnista.is - sími 664 9550
Óvenjulega góð og
hreinsandi vorsúpa
Vorið er handan við hornið og líkaminn farin að kalla á
meira grænt þannig að það er vel við hæfi að deila upp-
skrift að afar fljótlegri súpu sem er allt í senn hreins-
andi, nærandi og létt í maga. Vorið er svo yndislegur
árstími að mínu mati og og alltaf svo notaleg
tilfinning þegar maður finnur hvað daginn er að
lengja, heyrir fuglana syngja og sér litlu vor-
blómin gægjast í garðinum. Mér er mikið í mun
að hvetja fólk til þess að auka inntöku sína á
grænmeti og ávöxtum og eru súpur sem þessar
algjör snilld til þess að húrra vel upp daglega
skammtinum okkar. Súpa sem þessi flokkast
sem hráfæðissúpa og eru alltaf kaldar til að
viðhalda lifandi ensímum og næringarefnum
sem gera kroppnum svo gott (megið samt alveg
líka nota heitt vatn ef viljið hafa hana aðeins
volga). Það besta við svona súpu er að maður
snarar þessu fram á 5 mín í blandara eða mat-
vinnsluvél. Endilega prófið þessa, hún er æði
og kemur á óvart!
Avókadó, aspas og spínatsúpa:
2 avókadó
2 bollar vatn
2 bollar ferskur aspas
(í bitum, skera enda frá)
2 msk sellerí saxað
4 tsk tamari sojasósa
2 msk sítrónusafi
1 tsk vorlaukur
1 hvítlauksrif kramið
¼ tsk þurrkað timjan
½ tsk tarragon krydd
1 ½ bolli ferskt spínat
½ tsk sjávarsalt
smá malaður pipar
ögn af cayenne pipar
Öllu skellt í blandara og njóta...
Heilsukveðja, Ásdís grasalæknir.
www.facebook.com/grasalaeknir.is
www.pinterest.com/grasalaeknir
HEILSUHORNIÐ
ÁSDÍS
GRASALÆKNIR
SKRIFAR
-aðsent pósturu vf@vf.is
Að vera leikinn í eigin lífi er ekki sjálfgefið. Allir rekast
einhvers staðar á. Og við lærum af
þeirri reynslu. En öll viljum við vera
hamingjusöm, heilbrigð og glöð. Í
nútímasamfélagi Íslands er hraði
hversdagsins mikill. Allt gerist
hratt og áreitin sem dynja á okkur
hverja stund eru óteljandi. Börnin
okkar alast upp í þessum hraða og
stressinu sem því fylgir. Þau hafa
sjálf mýmargt að gera á hverjum
degi. Skólaárið hefur lengst með
árunum og framboð á íþróttum og
tómstundum aukist. Svo ekki sé
talað um tölvur og síma sem taka
mikinn tíma frá börnunum og gefa
lítið í staðinn nema áreiti.
Lífsleikni er námsgrein sem kennir
leikni í hamingju og velferð. Góð
lífsleiknikennsla kennir krökkum að
slaka á og upplifa stundina sem að
þau eru stödd í hér og nú. Að æða
ekki í gegnum lífið án þess að taka
eftir og njóta alls þess góða sem það
hefur upp á að bjóða. Þessi hugsun
kallast núvitund og er tímabært að
krakkarnir fari að tileinka sér hana.
Að hugsa inn á við
og ígrunda hvernig
ma ð u r hu g s ar o g
hagar sér. Hvernig
maður kemur fram við aðra og hvort
maður hugsi áður en maður talar.
Lífsleikninám býður einnig upp á
ýmsar aðferðir til þess að æfa góð
samskipti og þjálfar krakka í því
hvernig á að takast á við erfiðar að-
stæður sem kunna að koma upp.
Bókin „Að sitja fíl, nám í skóla um
velferð og hamingju“ eftir Ian Morris
leggur grunninn að kennslu í þessum
efnum, og legg ég til að skólar nýti sér
hana. Með aukinni lífsleiknikennslu
má ganga að því vísu að ef nem-
endur vinna vel í tímum og stunda þá
íhugun sem lögð er til grundvallar í
námsefninu þá munu þeir standa sig
betur í hinum námsgreinunum.
Þeir sem að læra lífsleikni læra að
verða sérfræðingar í sinni eigin vel-
ferð og lífshamingju. Þegar velferð
er sett í öndvegi eru sex meginreglur
samkvæmt Ian sem geta leiðbeint
um hvernig gera má öllum kleift að
blómstra.
• Kyrrð
• Vitund
• Styrkleikar
• Hyggindi
• Gildi
• Tengsl/samskipti
Í hraða nútímasamfélags fer enginn
varhluta af stressinu í kringum okkur.
Krakkarnir finna jafnt fyrir þessu og
fullorðna fólkið. Með því að fá krakk-
ana til þess að staldra við, slaka á og
upplifa stund og stað má fá þau til
þess að vega og meta eigið framferði
og gildi. Ég hvet grunnskóla Reykja-
ness til þess að taka upp vandaða lífs-
leiknikennslu ef að hún er ekki til
staðar nú þegar, það mun skila sér í
ánægðari, afslappaðri og sjálsörugg-
ari þjóðfélagsþegnum.
Eva Björg Sigurðardóttir,
Nemi í Tómstunda- og fé-
lagsmálafræði í HÍ.
n Eva Björg Sigurðardóttir skrifar:
Lífsleikni
-Nám í velferð og hamingju í grunnskólum-
n Ásgeir Eiríksson, bæjarstjóri Sveitarfélagsins Voga skrifar:
Mikil og aukin starfsánægja
í Sveitarfélaginu Vogum