Víkurfréttir - 10.04.2014, Blaðsíða 8

fimmtudagurinn 10. apríl 2014 • VÍKURFRÉTTIR8
Gert er ráð fyrir um 9 milljarða króna fjárfestingu næstu tvö
ár til aukningar á afköstum á Kefla-
víkurflugvelli. Vænta má að far-
þegar verði orðnir yfir 7 milljónir
árið 2023.
„Afkoma félagsins er mjög góð og í
takt við þær áætlanir sem við höfum
unnið eftir undanfarin ár og miða að
því að standa undir nauðsynlegum
framkvæmdum á Keflavíkurflugvelli.
Næsta skref er að stækka suðurbygg-
ingu í flugstöðinni til vesturs með
sex nýjum brottfararhliðum og bið-
svæðum fyrir farþega og er sú fram-
kvæmd þegar hafin. Þá kynntum við
nýlega breytingar á verslunarsvæði
flugstöðvarinnar og auglýstum eftir
tilboðum í verslunarreksturinn. Með
þessu höfum við lagt góðan grunn
að uppbyggingu á flugvellinum sem
félagið getur byggt á af krafti til fram-
tíðar,“ segir Björn Óli Hauksson, for-
stjóri Isavia, á aðalfundi félagsins sem
haldinn var sl. föstudag.
Björn Óli Hauksson, forstjóri Isavia,
segir markmið með sameiningu
Keflavíkurflugvallar og Flugstoða
með stofnun Isavia árið 2010 hafa
náðst. Félagið sé tilbúið að ráðast í
nauðsynlegar framkvæmdir til að
mæta auknum straumi ferðamanna
til landsins. Flugfarþegar á Kefla-
víkurflugvelli hafi fjölgað um 54%
frá árinu 2010. Vænta má að farþegar
verði orðnir yfir 7 milljónir árið 2023.
Þessi öra fjölgun kalli á mikla upp-
byggingu flugvallarmannvirkja á
næstu árum.
Auknar tekjur og umsvif
Heildarafkoma Isavia í fyrra nam
3.217 milljónum króna sem er 2.479
milljóna aukning frá fyrra ári en af
því námu tekjur af fjáreignum og fjár-
skuldum 2.528 milljónum króna milli
ára. Heildareignir samstæðunnar
voru 34.511 milljónir króna í árslok
og þar af voru varanlegir rekstrar-
fjármunir og óefnislegar eignir um
29.036 milljónir.
Aukning varð á umsvifum Isavia á
síðastliðnu ári líkt og undanfarin ár.
Tekjur félagsins námu alls 19.810
milljónum króna og jukust um 1.414
milljónir króna, eða 7,7% frá fyrra ári.
Rekstrarhagnaður fyrir fjármagnsliði
jókst um 421 milljón króna og nam
2.818 milljónum króna. Þessi afkoma
er í takt við áætlanir félagins. Fjár-
magnsliðir voru jákvæðir um 1.200
milljónir en styrking krónunnar á
árinu skilað umtalsverðum gengis-
hagnaði vegna lána í erlendri mynt.

Leiðandi í ferðaþjónustu
Isavia er í hópi leiðandi fyrirtækja
í ferðaþjónustu og hefur hvatakerfi
félagsins á Keflavíkurflugvelli með
beinum hætti aukið flug til og frá
landinu. Sautján flugfélög héldu uppi
áætlunarflugi til landsins á síðasta
sumri og sex í vetur og farþegafjöldi
jókst um 15,6% milli áranna 2012
og 2013.
Félagið undirbýr nú aukin umsvif á
Keflavíkurflugvelli vegna farþega-
aukningar svo tryggja megi áfram
framúrskarandi þjónustu við flug-
rekendur og flugfarþega. Gert er ráð
fyrir um 9 milljarða króna fjárfestingu
næstu tvö ár til aukningar á afköstum
á Keflavíkurflugvelli, sem meðal ann-
ars felst í því að reisa viðbyggingu
við vesturálmu suðurbyggingar flug-
stöðvarinnar með brottfararhliðum
sem þjóna munu svonefndum fjar-
stæðum í grennd við flugstöðina sem
farþegum verður ekið að flugvélum í
sérbyggðum rútubifreiðum.
Þá er hafin stækkun farangurskerfis
flugstöðvarinnar og fyrir dyrum
standa gagngerar endurbætur á versl-
unar og veitingasvæðinu. Ef horft er
til fjárfestingaætlunar samstæðunnar
í heild næstu tvö árin, bæði nýfram-
kvæmdir og viðhaldsframkvæmdir
þá nemur sú fjárhæð ríflega 15 millj-
örðum króna.

Framsækin dótturfélög
Dótturfélög Isavia eru Fríhöfnin og
hugbúnaðarfyrirtækið Tern Sys-
tems. Miklar breytingar og umbætur
urðu hjá Fríhöfninni á síðastliðnu
ári með opnun glæsilegra verslana,
nýrri heimasíðu og nýju útliti á ásýnd
félagsins. Fríhöfnin hlaut margar
viðurkenningar á árinu 2013 og
var m.a valin besta fríhöfn Evrópu.
Einnig fékk fyrirtækið starfsmennta-
verðlaun SAF, viðurkenningu sem
fjölskylduvænt fyrirtæki og sem
framúrskarandi fyrirtæki samkvæmt
könnun Creditinfo. Um 180 manns
starfa hjá félaginu. Framkvæmda-
stjóri er Ásta Dís Óladóttir.
Tern Systems hefur í yfir 25 ár
hannað og framleitt hugbúnað til
flugumferðarstjórnar og þjálfunar
flugumferðarstjóra og er með kerfi
uppsett og í notkun hér á landi og
víða í Evrópu, Asíu og Afríku. Hjá
fyrirtækinu starfa 35 manns auk þess
sem mikið af þekkingu og reynslu er
sótt til móðurfélagsins eftir þörfum
og verkefnum. Framkvæmdastjóri er
Tómas Davíð Þorsteinsson.

Gott rekstrarútlit
Áætlað er að samanlögð velta Isavia
samstæðunnar verði um 21,2 millj-
arður króna á árinu 2014, og að um
þriðjungur verði í erlendri mynt.
Gert er ráð fyrir að rekstrarafkoma
ársins 2014 verði álíka og rekstraraf-
koma ársins 2013. Gert er ráð fyrir
nýjum lántökur á árinu vegna fyrir-
hugaðra fjárfestinga, m.a. í endur-
bótum á flugstöðinni og flugvallar-
mannvirkjum á Keflavíkurflugvelli.

Stjórn félagsins
Í stjórn voru kosin Heiða Kristín
Helgadóttir, Ingimundur Sigurpáls-
son, Matthías Páll Imsland, Sigrún
Traustadóttir og Ragnar Óskars-
son. Í varastjórn voru kosin Frið-
björg Matthíasdóttir, Jens Garðar
Helgason, Jón Norðfjörð, Sigurbjörn
Trausti Vilhjálmsson og Tryggvi
Haraldsson.
-fréttir pósturu vf@vf.is
Tekjur Isavia jukust
um 1400 milljónir
Framundan er stærsta ferða-sumar sögunnar hér á landi og
hefur Isavia þurft að bregðast við
síauknum ferðamannafjölda með
miklum breytingum og stækkun á
Flugstöð Leifs Eiríkssonar. Kostn-
aður við þær nemur í heild nærri
tug milljörðum króna.
Flugstöðin iðar af lífi en þar fer stærsti
vinnustaður á Suðurnesjum. Starf-
semin er af ýmsum toga og mikið um
að vera í síbreytilegu landslagi ferða-
iðnaðarins.
Í samtali við Víkurfréttir sagði Guð-
mundur Daði Rúnarsson aðstoðar-
framkvæmdastjóri FLE að vel hefði
tekist til að mæta þessari fjölgun
f e r ð a m a n n a .
Ým s u m a ð -
gerðum hefur
verið hrundið
af stað og tals-
verðum f jár-
munum varið
í u p p b y g g -
ingu í F lug-
stöðinni. „Við
höfum verið að
leggja töluverða
áherslu á netinnritun og sjálfsaf-
greiðslu. Þannig að þegar kúnninn
kemur til okkar þá er hann eins vel
undirbúinn og mögulegt er fyrir
brottför sína,“ segir Guðmundur.
„Þannig geta farþegar eytt meiri tíma
í að njóta þess að vera á brottfarar-
svæðinu í stað þess að staldra lengi
við í innritun,“ bætir hann við en þar
eru einmitt fyrirhugaðar töluverðar
breytingar.
Að mati alþjóðasamtaka flugvalla
hefur vel til tekist en Flugstöðin
hefur á undanförnum árum fengið
margvísleg verðlaun fyrir það góða
starf sem þar er unnið. Guðmundur
fagnar því. „Við erum stolt af því og
það sýnir að við erum á réttri leið
hvað varðar farþegaupplifun,“ en
Flugstöðin hefur þar með skipað sér
á stall með nokkrum af bestu flug-
völlum í Evrópu. Guðmundur segir
að FLE taki alvarlega skoðanir far-
þega en fyrir nokkrum árum kom
hraði á innritun og internet aðgengi
illa út hjá Flug-
stöðinni. „Við
höfum notað
mælikvarða til
þess að bregð-
ast við og fara í
fjárfestingar og
samstarf með
þ j ó n u s t u a ð -
ilum á svæðinu
til þess að bæta
þá þætti.“
Dýrar en skynsamar fjárfestingar
Hafnar eru framkvæmdir við upp-
færslu farangurskerfisins í Flugstöð-
inni fyrir fleiri hundruð milljónir en
það mun tvöfalda afgreiðslu farang-
urs. Maren Lind Másdóttir verkefnis-
stjóri farangurskerfa segir að vegna
breytinga verði að bregðast öðruvísi
við hvað varðar innritun. Stækkun
farangurskerfisins í þrjár línur er
mikil framkvæmd en nauðsynlegt
þótti að ráðast í þessa vinnu fyrir
sumarið þrátt fyrir að það muni lík-
lega bitna örlítið á páskaumferðinni.
Niðurstaðan verður betri aðstaða
bæði fyrir starfsfólk og farþega í FLE.
Stækkun á suðurbyggingu stöðvar-
innar er í plönunum en þannig verða
hliðin 16 í stað 10 sem hefur í för
með sér að afgreiða má mun fleiri
vélar. Þeim framkvæmdum á að ljúka
sumarið 2016. „Við erum byrjuð á
dýrum en skynsömum fjárfestingum
til þess að mæta þessari aukningu
farþega,“ en Guðmundur telur það
ferli að mæta kröfum þessa fjölda far-
þega vera stöðugt. „Þetta er í stöðugri
þróun og það er gaman að takast á
við þessa stækkun. Á hverjum árs-
fjórðungi er verið að takast á við
nýja áskorun,“ segir Guðmundur en
viðurkennir að vissulega geti þetta
verið strembið. Erfitt er að spá fyrir
um frekari farþegaaukningu á næstu
árum en gert er ráð fyrir 10% aukn-
ingu á næsta ári. Guðmundur telur
að sníða verði stakk eftir vexti og
sjá hversu vel flugfélögin geti annað
aukningu ferðamanna en þar spila
fleiri þættir ferðaþjónustu á Íslandi
einnig stóra rullu. „Það er erfitt að spá
lengur en næstu þrjú ár en við erum
bjartsýn á framtíðina,“ sagði Guð-
mundur en von er á stærsta ferða-
mannasumri Íslandssögunnar núna.
Átján flugfélög munu fljúga með far-
þega til og frá Keflavík sumarið 2014.
Nýverið bættust nýir áfangastaðir við
sem og ný flugfélög.
Flugstöðin er komin á kortið
Isavia hélt kynningarfund á forvali
vegna aðstöðu til verslunar- og veit-
ingareksturs í Flugstöð Leifs Eiríks-
sonar í Hörpu nýlega.
Samningstími rekstraraðila í brott-
fararsal flugstöðvarinnar rennur út
í árslok. Samhliða vali á rekstrarað-
ilum verður ráðist í breytingar á
brottfararsal flugstöðvarinnar og
þjónustan endurskipulögð og er
áætlað að henni ljúki vorið 2015. Það
kemur til vegna mikilla breytinga
á markaði og gríðarlegri aukningu
farþega um Flugstöðina, þá sérstak-
lega erlendra farþega. Gunnhildur
Vilbergsdóttir viðskiptastjóri FLE
segir að með auknu flæði erlendra
farþega verði að mæta þeirra kröfum
hvað varðar þjónustu. Síðast þegar
endurbætur voru gerðar á brottfarar-
svæði árið 2007 var jafnvægi erlendra
ferðamanna og íslenskra nánast jafnt,
en búist er við því að 70% farþega
Flugstöðvarinnar verði erlendis frá á
næstu árum. Því er ætlunin að bæta
úrval veitinga og verslana.
Gunnhildur segir að líklega geti orðið
breytingar á þeim fyrirtækjum sem
sjá munu um þessa þjónustu. „Það
eru allar líkur á því. Allt er uppi á
borðinu og hér þurfa allir að bjóða í
þjónustuna aftur fyrir utan Fríhöfn-
ina.“
Gunnhildur segir að það sé ekkert
launungarmál að þær verslanir sem
höfði helst til útlendinga séu að ná
hvað bestum árangri hvað varðar
sölu á varningi og nefnir hún sem
dæmi íslenskar ullarvörur sem séu
nú í tísku hjá mörgum. Þá sé ætl-
unin að ná að tengja Ísland sterkum
böndum við flugstöðina og þannig
gera upplifun erlendra gesta af landi
og þjóð sem sterkasta.
Forvalið vakti mikla athygli innan-
lands og erlendis, og sóttu um 200
manns kynninguna frá um 120
rekstraraðilum. Það má með sanni
segja að slegist sé um að komast að
í Flugstöðinni. „Það er verið að taka
okkur alvarlega í þessum heimi, það
mætti segja að við séum komin á
kortið,“ segir Gunnhildur að lokum.
Björn Óli Hauksson, forstjóri Isavia
í ræðustól á aðalfiundinum.
Ný stjórn Isavia, Ragnar Óskarsson, Heiða Kristín Helgadóttir, Sigrún
Traustadóttir, Ingimundur Sigurpálsson og Matthías Páll Imsland.
Guðmundur fyrir framan nýjasta
barinn í stöðinni en hann hefur
notið mikilla vinsælda eftir
opnun í suðurbyggingunni.
n Farþegum fjölgar og verslunarpláss í forval:
Milljarða framkvæmdir til að
mæta milljónum ferðamanna
Gunnhildur Vilbergs-
dóttir, viðskiptastjóri
hjá Flugstöð Leifs
Eiríkssonar.