Víkurfréttir - 10.04.2014, Blaðsíða 14
fimmtudagurinn 10. apríl 2014 • VÍKURFRÉTTIR14
Tónlistarmenn ánægðir með rokksafnið
- segir Tómas Young, framkvæmdastjóri Hljómahallar
„Ég á alveg von á því að það verði smá umgangur
hér í sumar af ferðamönnum. Hingað hafa komið
bæði leikskóla- og grunnskólakennarar og það vilja
allir koma hingað með hópana sína og sýna þeim
Hljómahöllina,“ segir Tómas Young, framkvæmda-
stjóri Hljómahallar.
Tómas segir að í Hljómahöll sé besti búnaður sem
völ er á til ráðstefnuhalds og mikil áhersla verði
lögð á að draga slíka viðburði til bæjarins. Hægt sé
að varpa mynd og hljóði á milli allra sala í húsinu. T.a.m. sé hægt að hafa
beina útsendingu úr Stapa yfir í tónleikasalinn Berg og á fjóra myndvarpa í
Rokksafninu og í bíósal í húsinu. „Í tónlistarskólanum eru einnig fjölmörg
fundarherbergi og skólastofur sem má nýta til ráðstefnuhalda, þannig að
við getum tekið á móti frekar stórum ráðstefnum,“ segir Tómas.
Nýjasta tækni er einnig notuð á Rokksafni Íslands. Þar er öll framsetning
myndræn. Textar og myndir eru á veggjum, þar eru níu skjáir sem miðla
efni og þá fá sýningargestir spjaldtölvur með hljóð- og myndleiðsögn og
þar með er Rokksafn Íslands fyrsta safnið á Íslandi til að taka það skref.
Tómas segir að svokallað „SoundLab“ sé mjög vinsælt. Þar getur fólk sest
við hljóðfæri, sett á sig heyrnartól og leikið af fingrum fram án þess að
nokkur annar heyri. Þá þykir Tómasi vænt um að Brynjar í Of Monsters
And Men hafi afhent safninu gítarinn sem fór í heimsreisu OMAM. Ljósa-
búningur frá Páli Óskari er á sýningunni og þá er trommusett Gunnars
Jökuls á sýningunni. „Gunnar notaði trommusettið á plötunni Lifun, sem
er ein besta plata Íslandssögunnar,“ segir Tómas.
Aðspurður um viðbrögð tónlistarmanna við sýningu Rokksafns Íslands,
þá segir Tómas þau vera góð. „Þeir sem hafa komið hingað eru alveg
gríðarlega ánægðir með hvernig sagan er sögð og hvaða tækni er verið að
nota“.
„Við ákváðum að byrja á tímalínu
og byrja nokkuð aftarlega í tíma
eða 1835 þegar Jónas Hallgrímsson
yrkir „Hvað er svo glatt sem góðra
vina fundur“, sem er fyrsta íslenska
poppið, lag sem allir lærðu og flaug
um landið. Við tökum þetta svo
í stökkum til ársins 1930 en þá
verður alvöru útgáfa á Íslandi. Þá
eru teknar upp fyrstu plöturnar hér
á landi, einar 70-80 plötur. Síðan
fylgjum við sögunni ár frá ári og
allt til ársins í ár. Síðustu atburðir
á sýningunni eru frá því núna í
mars og svo þurfum við að halda
áfram, því sagan heldur áfram,“
segir poppsérfræðingurinn Jón-
atan Garðarsson, þegar hann er
spurður út í það hvernig sýning
Rokksafns Íslands er byggð upp.
Jónatan er höfundur sýningarinnar
og hefur varið ómældum tíma í
heimildaöflun. Hann segir mikið
grúsk og nördapælingu liggja að
baki sýningunni. „Þetta var nett
Kleppsvinna“.
Hann segir að þegar öllu hafi verið
safnað saman, þá hafi þurft að skera
niður og það hafi verið langerfiðast.
Mikið af efni sé til sem á eftir að
vinna úr. Það fari m.a. á þá níu skjái
sem séu í sýningarkerfinu og jafn-
framt verður mikið af efni tiltækt
á spjaldtölvum sem sýningargestir
fá þegar þeir
skoða rokk-
sýninguna.
Jónatan segir
nóg pláss í hús-
inu til að bæta
við söguna. Þar
se nóg pláss
á gólfum og
veggjum til að bæta við munum
og þegar plássið þrjóti í Rokksafni
Íslands, þá verði veggir tónlistar-
skólans einnig teknir undir sýning-
una. „Það er fullt af veggjum þar,“
segir Jónatan Garðarsson popp-
fræðingur.
„Besta tilfinningin í þessu húsi er að þetta er svona startkapall. Þetta er
upphaf að einhverju sem á bara eftir að stækka og verða íburðarmeira og
flottara,“ segir Páll Óskar Hjálmtýsson tónlistarmaður um Hljómahöll og
Rokksafn Íslands.
Páll Óskar hefur afhent Rokksafni Íslands alla sérsaumaða búninga sína,
auk gullplatna og ýmissa aðra muna. Hugmyndin er að gera sérsýningu
úr munum Páls Óskars, þó svo hún hafi ekki verið tímasett. Viðtal við Pál
Óskar er í Sjónvarpi Víkurfrétta, sem sýnt verður á ÍNN og er jafnframt
aðgengilegt á vf.is.
Hljómarnir fóru aldrei
í tónlistarskóla
- segir Gunnar Þórðarson
Hljómahöllin pósturu vf@vf.is
Mikið grúsk og nördapæling liggja að baki sýningunni
n Jónatan Garðarsson poppfræðingur er höfundur sýningar Rokksafns Íslands
Hljómahöll er startkapall
- segir tónlistarmaðurinn Páll Óskar
Tónlistarmennirnir Magnús Þór Sigmundsson og Jóhann Helgason voru
við opnun Rokksafns Íslands í Hljómahöll um liðna helgi. Sjónvarp
Víkurfrétta ræddi við þá félaga og verður viðtalið aðgengilegt á vef Víkurf-
rétta. Þeir voru meðal annars spurðir hvort þeir hefðu getað ímyndað sér
að svona safn myndi rísa á Íslandi.
„Nei, ekki í þessum skala en þetta safn á hvergi annars staðar heima en hér
því það er svo mikill auður af hæfileikaríku fólki sem hefur komið héðan.
Þetta er mjög gott minnismerki um það,“ segir Magnús Þór Sigmundsson.
Þetta safn á hvergi annars
staðar heima
- segja Magnús og Jóhann
Tónlistarfeðgar fyrstir
Tónlistarfeðgarnir Helgi Pétursson
úr Ríó Tríói og Snorri Helgason
tónlistarmaður voru fyrstu gestir
Rokksafns Íslands á mánudag,
fyrsta opnunardegi safnsins. Í til-
efni af því fengu þeir rósir, bókina
hans Arnars Eggerts „Tónlist...er
tónlist“ og diskinn hans Rúnars
Júlíussonar „Söngvar um lífið“.
Snorri var á leið í flug en hann er að
leggja í tónleikaferðalag með Ás-
geiri Trausta og feðgarnir ákváðu
að kíkja við á safninu fyrst og urðu
þar fyrstu borgandi gestirnir á
Rokksafni Íslands.
Jóhann Helga, Leifur og Brynjar Leifsson.
Elísa Newman tók lagið á opnuninni.
Bryndís Guðmundsdóttir og Sambíó-
hjónin, Guðný og Árni.
Ragnheiður ráðherra og Árni Ragnars.
Valdimar og Björgvin komu fram.
Ásdís, Jónína og Kjartan Már.
Guðmundur, Ragnheiður, Árni og Erlingur .
Inga Birna, María Baldurs og Guðrún Á .
Magnús Garðarsson og Fríða Rögnvalds .
ÞAU VORU Á OPNUNARHÁTÍÐNINI OG MARGIR AÐRIR. SJÁIÐ FLEIRI MYNDIR Á VF.IS
Gunnar Þórðarson tónlistar-
maður sagði það sérstaka tilfinn-
ingu að koma í Hljómahöllina.
„Við byrjuðum 15 ára strákar og
enduðum eins og aðrir, gamlir
menn. Mér finnst þetta alveg frá-
bært framtak hérna. Þetta er svo
glæsilegt,“ segir Gunnar í samtali
við Víkurfréttir.
„Maður er kominn á þann aldur að
allt svona til baka er skemmtilegt.
Tónlistarskólinn er líka svo flottur
og loksins kominn í gott húsnæði.
Við Hljómarnir fórum aldrei í tón-
listarskóla, en það er framtíðin,“
sagði Gunnar Þórðarson glaður í
bragði.
Magnús Kjartansson og hljómsveit ásamt
Sönghópi Suðurnesja sem hann stýrir.