Víkurfréttir - 16.04.2014, Blaðsíða 2
miðvikudagurinn 16. apríl 2014 • VÍKURFRÉTTIR2
-fréttir pósturu vf@vf.is
„Við höfum unnið lengi með góðum hópi og höfum góð sambönd
bæði við tæknifólk og viðskiptavini sem treysta að um sé að ræða
góða vöru,“ segir Eyþór Arnalds, stjórnarmaður í Thorsil, í viðtali við
Víkurfréttir. Einnig hafi verið gerðir langtímasamningar sem ekki séu
háðir sveiflum á markaði. Aukin eftirspurn sé eftir kísilmálmi og sam-
dráttur er hjá stórum framleiðendum. „Það fer saman að þetta er býsna
þroskað verkefni og markaðsaðstæður eru jákvæðar. Þegar er búið að
setja einn milljarð í verkefnið. Það er ekkert sem bendir til annars en að
þetta muni ganga upp,“ segir Eyþór.
Thorsil ehf. og Reykjaneshöfn
undirrituðu fyrir helgi samning
um 160 þúsund fermetra iðnaðar-
lóð í Helguvík í Reykjanesbæ, þar
sem Thorsil áformar að reisa kísil-
málmverksmiðju. Verksmiðjan
mun framleiða um 54.000 tonn
af kísilmálmi á ári og nota til þess
87 MW af raforku á klukkustund
eða um 730 GWh á ári. Um 130
starfsmenn munu starfa hjá verk-
smiðjunni sem áætlað er að hefji
framleiðslu í lok árs 2016.
„Lóðin í Helguvík, sem Thor-
sil hefur samið um leigu á, hefur
marga kosti fyrir rekstur kísil-
málmverksmiðju. Á lóðinni er
hentugt byggingarland og hún er í
aðeins um 450 metra fjarlægð frá
hafnarbakka í Helguvíkurhöfn.
Fyrir hendi er góð höfn sem er
fyrirtækinu mikilvæg vegna flutn-
inga á hráefnum og afurðum til
og frá verksmiðjunni. Með þessari
staðsetningu mun verksmiðjan enn
fremur njóta þess að vera nærri
stórum vinnumarkaði með nægu
hæfu starfsfólki fyrir okkar starf-
semi,“ sagði Hákon Björnsson
framkvæmdastjóri Thorsils í tilefni
af undrirritun samningsins.
Fyrir hönd samningsaðila undir-
rituðu lóðarsamninginn Hákon
Björnsson, framkvæmdastjóri
Thorsils, og Pétur Jóhannsson
hafnarstjóri Reykjaneshafnar.
Vottar voru Árni Sigfússon, bæjar-
stjóri Reykjanesbæjar, og Eyþór
Arnalds, stjórnarmaður í Thorsil.
„Allt bendir til
þess að þetta
gangi upp“
– Thorsil áformar að reisa
kísilmálmverksmiðju í Helguvík
Nýtt kísilver á að taka til
starfa 2016 í Helguvík
– Verkefni upp á 12 milljarða króna
Ragnheiður Elín Árnadóttir iðnaðar- og viðskiptaráðherra undir-ritaði fjárfestingarsamning við United Silicon hf. í síðustu viku
vegna fyrirhugaðs kísilvers félagsins í Helguvík á Reykjanesi. Um er að
ræða nýfjárfestingarverkefni sem hljóðar upp á 74 milljónir evra, eða
tæplega 12 milljarða íslenskra króna.
Áætluð ársframleiðsla kísilversins
er 21.000 tonn af kísli og 7.500
tonn af kísilryki. Gert er ráð fyrir
að 60 starfsmenn komi til með að
vinna við verksmiðjuna og starfs-
menn við byggingu hennar verði
allt að 200. Miðað er við að fram-
leiðsla hefjist á árinu 2016 og að
fullum afköstum verði náð 2017.
Fjárfestingarsamningurinn er
gerður með fyrirvara um heimild
Alþingis, sem aflað verður með
sérlögum, og samþykkis Eftirlits-
stofnunar EFTA (ESA). Samkvæmt
samningnum eru veittar nauðsyn-
legar ívilnanir til verkefnisins sem
felast fyrst og fremst í 15% tekju-
skatti og 50% afslætti af almennu
tryggingargjaldi í 10 ár frá því að
gjaldskylda myndast en að hámarki
í 13 ár frá því samningurinn tekur
gildi. Að auki veitir sveitarfélagið
Reykjanesbær verkefninu ákveðn-
ar ívilnanir til jafn langs tíma.
Við undirritun lóðarsamningsins: Hákon Björnsson (t.h.) og Pétur Jóhanns-
son hafnarstjóri undirrituðu samninginn. Að baki þeim standa f.v. Eyþór
Arnalds, Árni Sigfússon bæjarstjóri og Einar Magnússon, formaður stjórnar
Reykjaneshafnar.
Hákon Björnsson og Pétur Jóhannsson á lóð Thorsils
í~Helguvík, þar sem Thorsil mun reisa verksmiðju sína.
Jákvæð rekstrarniðurstaða en tap vegna fjármagnsliða
XuRekstrarniðurstaða samstæðu Reykjanesbæjar var jákvæð um 2,6
milljarða króna fyrir afskriftir og fjármagnsliði fyrir árið 2013. Hreint
veltufé frá rekstri jókst milli ára, að því er segir í tilkynningu frá bænum.
Handbært fé frá rekstri jókst milli
ára og skuldaviðmið stendur nánast
í stað. Reiknað tap samstæðu nemur
973 milljónum króna að teknu tilliti
til afskrifta og fjármagnsliða.
Taprekstur af Reykjaneshöfn nam
650 milljónum króna en þrátt fyrir
mjög erfiðan rekstur hafnarinnar
undanfarin ár eru vonir bundnar
við nýja samninga sem undirrit-
aðir hafa verið síðustu daga, svo
sem fjárfestingarsamningur við
United Silicon og lóðarsamningur
við Thorsil, ásamt samningi við
Brúarfoss um framkvæmdir vegna
vatnsútflutnings, að því er segir í til-
kynningunni.
Eignir hækkuðu um tæpan 1,8
milljarð króna í bæjarsjóði og 2,6
milljarða króna í samstæðu.
„Rekstrarniðurstaðan ber þó merki
þess að enn urðu tafir á atvinnu-
verkefnum í Helguvík, hærri verð-
bólga varð en Þjóðhagsspá gerði ráð
fyrir og mun hærri kostnaðarliðir
urðu vegna fjárhagsaðstoðar við at-
vinnulausa íbúa en kostnaður fé-
lagsþjónustu er 152 milljónir króna
umfram áætlun.
Þá var mikil fjölgun leikskólabarna
vegna flutnings fjölskyldufólks í bæ-
inn en heildarkostnaður jókst um
97 milljónir króna umfram áætlun.
Í fimmta lagi fluttust tekjur eigna-
sjóðs frá árinu 2013 yfir á þetta ár
og eru því ekki í ársreikningi 2013,“
segir í tilkynningunni.
HEIÐARSKÓLI
ATVINNA
Í Heiðarskóla er öflugur starfsmannahópur og þar er
lögð áhersla á metnaðarfullt skólastarf. Unnið er eir
hugmyndafræði Uppbyggingarstefnunnar.
Áhugasamir kennarar óskast til starfa á næsta
skólaári.
Starfssvið:
• Íslenskukennsla á unglingastigi
• Stærðfræðikennsla á mið- og unglingastigi
Menntunar og hæfniskröfur:
• Kennaramenntun og réindi til kennslu í grunnskóla
• Góð hæfni í mannlegum samskiptum
• Góðir samstarfshæfileikar
• Metnaður til að ná góðum árangri í skólastarfi
• Áhugi á þróun skólastarfs
Umsókn fylgi afrit af leyfisbréfi og ferilskrá ásamt
upplýsingum um meðmælendur.
Sækja skal um starfið á vef Reykjanesbæjar undir laus
störf: www.reykjanesbaer.is/stjornkerfi/laus-storf.
Umsóknarfrestur er til og með 29. apríl 2014.
Nánari upplýsingar um starfið veitir
Sóley Halla Þórhallsdóir skólastjóri
í síma 894 4501 eða 420 4500.
FASTEIGNIR REYKJANESBÆJAR
AÐALFUNDUR
Aðalfundur Fasteigna Reykjanesbæjar ehf. verður
haldinn miðvikudaginn 7. maí 2014 að Tjarnargötu 12
kl. 17:00.
Venjuleg aðalfundarstörf
Stjórnin.
HEIÐARSKÓLI
NÁMSRÁÐGJAFI
Námsráðgjafi óskast til starfa við Heiðarskóla í
Reykjanesbæ frá og með 1. ágúst 2014.
Menntunar- og hæfniskröfur:
• Menntun í náms- og starfsráðgjöf
• Kennslureynsla á grunnskólastigi
• Hæfni í mannlegum samskiptum
• Sjálfstæð vinnubrögð
• Skipulagshæfni, frumkvæði,
áhugi og metnaður í starfi
Helstu verkefni og ábyrgðarsvið:
• Hlutverk námsráðgjafa er að standa
vörð um velferð allra nemenda
• Námsráðgjafi vinnur með nemendum,
forráðamönnum, kennurum, skólastjórnendum og
öðrum starfsmönnum skólans að störfum sem snúa
að námi, líðan og framtíðaráformum nemenda
• Námsráðgjafi er trúnaðarmaður
og talsmaður nemenda
Laun samkvæmt kjarasamningi Sambands íslenskra
sveitarfélaga og KÍ.
Karlar jafnt sem konur eru hvair til að sækja um.
Nánari upplýsingar um starfið veitir Sóley Halla
Þórhallsdóir skólastjóri í síma 420 4500
eða 894 4501
Umsóknarfrestur er til og með 29. apríl 2014.
Sækja skal um starfið rafrænt á vef Reykjanesbæjar.
www.reykjanesbaer.is/stjórnkerfi/laus-storf