Víkurfréttir - 16.04.2014, Blaðsíða 6
miðvikudagurinn 16. apríl 2014 • VÍKURFRÉTTIR6
Nú er ljóst að sex framboð verða í boði
fyrir bæjarstjórnarkosningarnar í Reykja-
nesbæ. Nokkur hreyfing virðist vera í
þessum málum því fyrir síðustu kosningar
voru framboðin fjögur. Nú eru sjö vikur
til kosninga og má því ætla að fjör fari að færast í leikinn. Þó er
staðan misjöfn hjá framboðunum. Sum eru þegar komin á fullt
með málefnavinnu á meðan önnur hafa ekki lokið gerð fram-
boðslista en hafa rétt klárað það. Spennandi verður að sjá hvað
verður helst í umræðunni; hvað verður í forgangi hjá flokkunum.
Samfylkingin hefur t.d. rætt um breyttar áherslur í rekstri bæjar-
félagins og vill leggja meiri áherslu á að fjárfesta í fólki frekar en
steypu. Gunnar Þórarinsson, fyrrverandi liðsmaður Sjálfstæðis-
flokksins þar sem hann var bæði forseti bæjarstjórnar og formaður
bæjarráðs á þessu kjörtímabili, leiðir „Frjálst afl“ og segir í viðtali
í Víkurfréttum að nýja framboðið muni standa fyrir meiri aga í
fjármálum bæjarins. Lítið hefur heyrst frá Framsóknarfólki en
þar er fyrir nokkru kominn fléttulisti sem Framarar binda vonir
við. Stóri flokkurinn, Sjálfstæðisflokkurinn, sem hefur verið með
hreinan meirihluta í þrjú kjörtímabil er eitthvað laskaður eftir
uppákomuna með Gunnar Þórarinsson sem fór út en segist ekki
vera í fýlu. Hvað Sjálfstæðismenn munu leggja áherslu á er erfitt
að ímynda sér en þeir hafa verið duglegir að undanförnu í stórum
málum, með nýrri Hljómahöll, nýju hjúkrunarheimili og framgangi
í skólamálum, svo eitthvað sé nefnt. Þá hefur fréttum um ný fyrir-
tæki í Helguvík fjölgað að undanförnu. Umræðan hefur á köflum
verið þeim erfið, aðallega vegna fjárhagsstöðu Reykjanesbæjar
sem aðrir hafa gagnrýnt en Sjallar hafa reynt að að verjast henni.
Það vekur nokkra athygli að þrír flokkar eru áfram með sömu
oddvita og nýtt framboð, „Bein leið“, skartar fyrrverandi bæjar-
fulltrúanum Guðbrandi Einarssyni. Allir flokkar vilja hafa konur
en það gengur misvel að ná þeim í bæjarpólitíkina. Þær eru þó á
listunum en hvergi er kona í efsta sæti. Kolbrún Pétursdóttir, þriðja
á lista framboðsins, skrifar skemmtilegan pistil í Víkurfréttir ný-
lega, um hvernig það sé að vera farin í pólitík. „Það sem mig langar
hins vegar að gera öðru fremur er að vera heiðarleg, vinna vel, sýna
auðmýkt og geta viðurkennt að ég kann ekki allt og á örugglega
eftir að gera mistök. En það hljómar bara leiðinlega,“ segir hún.
Það er nefnilega málið. Að skella sér í pólitík er meira en að
segja það. Það fylgir því nokkur ábyrgð og mannfólkið sem er í
kring er duglegt að gagnrýna þá sem gefa sig í þetta. Það eru ekki
allir sem þola það, eðlilega, því allir eru jú að reyna sitt besta.
Höfum það í huga, nú þegar bæjarpólitíkin er að fara á fullt.
Fjör að færast í
bæjarpólitíkina
-ritstjórnarbréf
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Páll Ketilsson skrifar
SÍMI 421 0000
Mynd/Texti: Olga Björt Þórðardóttir // olgabjort@vf.is
■■ Fólk á öllum aldri kaupir í matinn í Ship-O-Hoj:
„Plokkfiskurinn langvinsælastur“
„Grilltíminn er að hefjast og fólk er farið að spá. Um leið og sólin skín fer það í gírinn og vill fá ferska og
góða vöru á grillið. Það verður hvílíka borðið hérna í sumar, fullt af gómsætum réttum,“ segir Margrét Ör-
lygsdóttir, eigandi Ship-O-Hoj í Reykjanesbæ. Við spurðum hana hvort eitthvað sérstakt verði í boði vegna
komu páskanna. „Páskalærið verður úrbeinað með beikon- og villisveppafyllingu. Það verður alveg grand.“
Reyndar verður lokað hjá þeim á laugardeginum um páskahelgina svo að Margrét hvetur fólk til að gera
matarinnkaupin fyrir páskana í dag.
Tilbúnir réttir gratineraðir á staðnum
Margrét segir að fólk á öllum aldri komi og kaupi
í matinn hjá henni. Tilbúnir réttir sem settir eru í
álbakka og ostur yfir séu mjög vinsælir. „Við spörum
fólki uppvaskið því þetta fer bara beint inn í ofn og svo
er hægt að borða beint úr bakkanum.“ Þá sé humar-
súpan mjög vinsæl og nauta rib-eye steikurnar, lamba-
fillet og t-bonesteikur, tilbúið á grillið. Þau séu með
úrval svínakjöts, lambakjöts og nautakjöts og auk þess
alls kyns kartöflurétti og sósur og slíkt. Þá segir Mar-
grét lönguna einnig vera mjög vinsæla, sem og stein-
bítinn. Þegar líður að sumri muni þau einnig vera með
spjót af ýmsu tagi til að setja á grillið. Svona heilt yfir sé
þó fiskurinn mjög vinsæll í byrjun viku og kjötið þegar
líði á vikuna og um helgar. „Svo er ég með plokkfisk
sem ég geri sjálf. Hann er vinsælastur og það fréttist
víða. Mér finnst hann líka mjög góður þó ég segi sjálf
frá,“ segir Margrét hlæjandi.
Á besta stað
Staðsetning Ship-O-Hoj berst í tal og Margrét segir
hana ekki geta verið betri. Svæðið frá Borgarvegi og
til og með Krossmóa sé nokkurs konar 101 Reykja-
nesbær. Reksturinn hafi gengið glimrandi vel síðan
hún tók við fyrirtækinu af bróður sínum, Gunnari
Örlygssyni, í febrúar. „Svo erum við komin á 21. öldina
og það verður að vera hægt að bjóða upp á almennilegt
kjöt- og fiskborð á Suðurnesjum,“ segir Margrét með
áherslu.
Það verður að
vera hægt að bjóða
upp á almennilegt
kjöt- og fiskborð á
Suðurnesjum
Staðsetningin
er 101 Reykjanesbær
KONUKVÖLD
SUMAROPNUNARTEITI GS KVENNA 23. APRÍL 2014
HÚSIÐ OPNAR KL. 19.00 – FORDRYKKUR Í BOÐI
MATUR FRÁ GUNNA PALLA
TÍSKUSÝNING FRÁ GOLFBÚÐINNI Í HAFNARFIRÐI
RÆÐUMAÐUR KVÖLDSINS GUÐFINNA S. BJARNADÓTTIR
HAPPDRÆTTI
JÓNSI Í SVÖRTUM FÖTUM SKEMMTIR
MIÐASLA Í GOLFSKÁLANUM OG
Á TANNLÆKNASTOFU KRISTÍNAR HAFNARGÖTU 45.
ALLAR NÁNARI UPPLÝSINGAR Á GS.IS
MIÐAVERÐ KR. 2.500
KVENNANEFND GS