Víkurfréttir - 16.04.2014, Page 8

miðvikudagurinn 16. apríl 2014 • VÍKURFRÉTTIR8
-fréttir pósturu vf@vf.is
Hið nýja húsnæði Tónlistarskóla Reykjanesbæjar í Hljómahöll er afar vel búið hljóðfærum og öðrum búnaði. Nýja skólahúsið er rúmgott, en skólinn fór úr 12 nemendarýmum gömlu húsanna, í alls 30
nemendarými. Þar af eru 25 kennslustofur fyrir hljóðfæra- og söngkennslu, tónfræðagreinakennslu, smærri
samleiks- og samsöngshópa og tölvutónlistarkennslu, eða tónver.
Þar fyrir utan eru tvö rými sem til-
heyra upptökuveri Tónlistarskólans
sem Hljómahöll mun einnig nýta.
Auk þess er í skólanum stór og
einstaklega vel búinn hljómsveita-
salur, sem er m.a. settur upp og allt-
af tilbúinn fyrir a.m.k. 50 manna
hljómsveit. Tónlistarskólinn er svo
búinn tveimur stofum sem eru ein-
göngu ætlaðar nemendum til að
æfa sig í, en það er alltaf eitthvað
um að nemendur hafi ekki góðar
aðstæður heima fyrir til að æfa
sig. Þeir hafa þá aðstæður til þess í
sjálfum Tónlistarskólanum.
Tónlistarskóli Reykjanesbæjar
hefur greiðan aðgang að báðum
tónleikasölum Hljómahallar. Ann-
ars vegar er það Stapi sem tekur um
400 tónleikagesti í sal og á svölum
og hins vegar Berg sem tekur um
100 tónleikagesti í sæti á stöllum,
þannig að yfirsýn tónleikagesta til
flytjenda er mjög góð. Stapi og Berg
eru báðir mjög fallegir tónleika-
salir og hljómburður afar góður.
Í þessum tveimur tónleikasölum
eru afbragðs góðir flyglar sem
voru valdir sérstaklega af tveimur
virtustu píanóleikurum landsins. Í
Stapa er Bösendorfer flygill Grand-
konsert stærð, eða 270 cm langur. Í
Bergi er Steinway & Sons flygill af C
stærð, eða 227 cm langur. Hvor um
sig hæfa sölunum einstaklega vel. Í
Hljómahöll er einnig lítill og ein-
staklega fallegur kvikmyndasalur,
Félagsbíó, með nauðsynlegum
búnaði til að sækja myndbönd af
netinu sem og til að spila mynd-
diska og annað efni. Skólinn hefur
aðgang að Félagsbíói fyrir nem-
endur og kennara. Það er því ljóst
að Tónlistarskóli Reykjanesbæjar í
samvinnu við Hljómahöll, býr við
allra ákjósanlegusu aðstæður til
kennslu og tónleikahalds.
Tónlistarskóli Reykjanes-
bæjar skapar störf
Tónlistarskóli Reykjanesbæjar er sá
vettvangur eða sú stofnun Reykja-
nesbæjar sem veitir flest atvinnu-
tækifærin í tónlist. Tónlistarskólinn
er jafnframt sá hvati sem nemendur
skólans, sem standa á krossgötum
eftir menntaskóla eða í tónlistar-
námi sínu þurfa, til að sjá að tón-
list, hvaða nafni sem hún nefnist,
er afar áhugaverður og raunhæfur
kostur til að leggja fyrir sig sem
atvinnugrein. Hið nýja húsnæði
Tónlistarskóla Reykjanesbæjar í
Hljómahöll gefur nemendum skól-
ans alveg nýja mynd af aðstöðu til
tónlistarnáms og -iðkunar og setur
nýjan „standard“ á þá aðstöðu sem
er samboðin tónlistarnemendum
og kennurum þeirra. Sú hring-
iða tónlistarmannlífs sem sam-
legðaráhrifin innan Hljómahallar
mynda, mun styðja þetta unga fólk
í ákvörðun sinni að gera tónlist að
atvinnu. Vonandi í fyllingu tímans,
mun svo unga fólkið okkar koma
til baka til Reykjanesbæjar og Tón-
listarskólans sem atvinnumenn í
tónlist og tónlistarkennslu.
■■ Tónlistarskóli Reykjanesbæjar sómir sér vel í nýrri Hljómahöll:
Aðstaða til tónlistarnáms hvergi betri
Rekstrarafkoma jákvæð
í Garðinum
– Skuldaviðmið sveitafélagsins aðeins 3,4%
■uSamkvæmt nýjum ársreikningi Sveitafélagsins Garðs var rekstur ársins
2013 í góðu samræmi við fjárhagsáætlun og er rekstrarafkoma mun betri
en árið á undan. Sveitarfélagið býr við þá stöðu að skuldaviðmið er aðeins
3,4%, en samkvæmt fjármálareglum sveitarstjórnarlaga má þetta viðmið
ekki fara umfram 150% af tekjum. Sveitarfélagið uppfyllir hins vegar ekki
svonefnda „jafnvægisreglu“ sveitarstjórnarlaga, um hallalausa rekstrar-
niðurstöðu á þriggja ára tímabili.
Samkvæmt ársreikningnum
sem var til fyrri umræðu á fundi
bæjarstjórnar, þann 9. apríl 2014,
námu rekstrartekjur í saman-
dregnum rekstrarreikningi A- og
B-hluta alls kr. 946 milljónum. Í
fjárhagsáætlun var gert ráð fyrir
rekstrartekjum að fjárhæð kr. 922
milljónum. Rekstrartekjur A-hluta
námu kr. 916 milljónum, en í
fjárhagsáætlun var gert ráð fyrir
rekstrartekjum kr. 893 milljónum.
Rekstrarafkoma bæjarsjóðs í A-
hluta, fyrir afskriftir og fjármagnsliði
(Framlegð / EBITDA) er jákvæð að
fjárhæð kr. 40 milljónir, í fjárhagsá-
ætlun var gert ráð fyrir að afkoman
væri jákvæð kr. 39,6 milljónir.
Rekstrarafkoman í ársreikningi árs-
ins 2012 var jákvæð kr. 6,2 milljónir.
Rekstrarafkoma í samanteknum
rekstrarreikningi A- og B-hluta, fyrir
afskriftir og fjármagnsliði var jákvæð
kr. 73 milljónir, en fjárhagsáætlun
gerði ráð fyrir jákvæðri afkomu kr.
71 milljón. Rekstrarafkoman í árs-
reikningi ársins 2012 var jákvæð kr.
37,2 milljónir.
Rekstrarniðurstaða ársins, eftir af-
skriftir og fjármagnsliði í saman-
teknum rekstrarreikningi A- og
B-hluta er rekstrarhalli kr. 9,8
milljónir, en í fjárhagsáætlun var
gert ráð fyrir halla kr. 6,7 millj-
ónir. Rekstrarniðurstaða ársins
2012 var neikvæð kr. 50,1 millj-
ón. Rekstrarniðurstaða A-hluta er
halli að fjárhæð kr. 6,8 milljónir,
í fjárhagsáætlun var gert ráð fyrir
halla að fjárhæð kr. 1,7 milljónum.
Rekstrarniðurstaða A-hluta árið
2012 var neikvæð kr. 45,5 millj-
ónir.
Í yfirliti um sjóðstreymi kemur
fram að veltufé frá rekstri í saman-
teknum reikningsskilum A- og
B-hluta var kr. 99 milljónir og
handbært fé frá rekstri var kr. 70,5
milljónir. Í fjárhagsáætlun var gert
ráð fyrir að veltufé frá rekstri væri
kr. 98,4 milljónir og handbært fé
frá rekstri kr. 94,9 milljónir.
Heildareignir bæjarsjóðs í A-
hluta námu kr. 2.852 milljónum
og heildareignir í samanteknum
reikningi A- og B-hluta kr. 3.170
milljónum. Heildarskuldir og
skuldbindingar bæjarsjóðs í A-
hluta voru kr. 403 milljónir og í
samanteknum reikningi A- og B-
hluta kr. 676 milljónir.
Eiginfjárhlutfall í samandregnum
reikningi A- og B-hluta var 78,66%
í árslok 2013, eða það sama og var
í árslok 2012. Eiginfjárhlutfall
bæjarsjóðs í A-hluta var í árslok
2013 85,86%, en var 85,75% í árlok
2012.
Úr Tónlistarskóla Reykjanesbæjar.
OPIÐ FRÁ 10:00-22:00
ALLA PÁSKANA!
HRINGBRAUT