Víkurfréttir - 16.01.2014, Blaðsíða 6
fimmtudagurinn 16. janúar 2014 • VÍKURFRÉTTIR6
Garðmærin Bergrún Ásbjörnsdóttir sópaði að sér verðlaunum við síðustu brautskráningu
Fjölbrautaskóla Suðurnesja sem fór fram skömmu
fyrir jól. Bergrún sem verður tvítug í febrúar var
með 9.57 í meðaleinkunn en hún var einungis með
níur (21 stk.) og tíur (36 stk.) á meðan skólaganga
hennar í FS stóð yfir. Bergrún á ekki langt að sækja
námshæfileikana en báðar eldri systur hennar dúx-
uðu í FS þegar þær útskrifuðust.
Enginn metingur milli systra
Eldri systurnar Birna og Björg sneru sér báðar að
læknisnámi, önnur er útskrifuð en hin á öðru ári. „Ég
gæti alveg hugsað mér að verða læknir. Ég tel að það
sé krefjandi og gefandi starf. Þegar við systur hittumst
þá er ósjaldan talað á latínu um hina og þessa vöðva
og sinar. Kannski
verð ég að skella
mér í læknisfræði
til þess að geta
tekið þátt í sam-
ræðunum,“ segir
Bergrún og hlær.
Hún segir al ls
enga pressu hafa
verið á sér frá fjöl-
skyldunni þrátt
f y r i r á r a n g u r
systra sinna. „Við
erum allar mjög
nánar og góðar
systur og það
hefur aldrei verið
neinn metingur
eða samkeppni
okkar á mi l l i .
Èg var samt oft
spurð þegar líða fór að útskrift hvort ég myndi ekki
dúxa eins og þær, þannig fólk var greinilega að pæla í
þessu, en við heima pældum ekkert í þessu,“ segir hún.
FS er frábær skóli
Eldri systurnar létu vel af FS og því varð skólinn fyrir
valinu hjá Bergrúnu. „Mér finnst FS vera frábær skóli.
Ég viðurkenni að í grunnskóla langaði mig mest að
fara í framhaldsskóla í Reykjavík, í MR, Verzló eða
MH, sérstaklega til þess að komast í nýtt umhverfi og
til þess að kynnast nýju fólki. Svo heyrði ég bara góða
hluti um FS og báðar systur mínar voru mjög ánægðar
með skólann. Ég er sátt með val mitt, í FS eru frábærir
kennarar og ég kynntist fullt af nýju yndislegu fólki.“
Bergrún sem er nýkomin til landsins úr útskriftaferð
frá Mexíkó segist ekki hafa hugmynd um hvað taki
við hjá henni á næstunni. Hún sé ekkert að stressa sig
um of. „Ég ætla bara að hugsa mig vel um varðandi
nám sem ég vil fara í. Mér finnst skemmtilegt í líf-
fræði, efnafræði og lífeðlisfræði. Þannig að ég býst við
að fara í eitthvað tengt því, t.d læknisfræði, líffræði
eða lífefna - og sameindafræði.“ Bergrúnu langar að
finna sér starfsvettvang í framtíðinni þar sem hún
getur látið gott af sér leiða. „Frá því að ég var lítil hefur
draumurinn verið sá að finna vinnu þar sem ég get
hjálpað öðrum. Ég held að það sé mjög gefandi að
starfa sem læknir. Einnig tel ég að skemmtilegt sé að
vinna í Íslenskri erfðagreiningu.“
Gunnlaugur stærðfræðikennari
algjör fagmaður
Dúxinn segist hafa verið mjög virk í félagslífi FS. Hún
byrjaði sem busi í markaðsnefnd og síðar íþróttanefnd
NFS. „Ég var mjög dugleg að fara á böllin og aðra
viðburði NFS og fannst það æðislegt, ég kynnist líka
fullt af frábæru fólki.“ Bergrún var í FS í 3 og 1/2 ár.
Henni þótti það hæfilega langur tími. „Ég tók 19 til 22
einingar á önn fyrstu þrjú árin þannig að síðasta önnin
var mjög róleg
og skemmtileg,“
segir B ergrún
sem þá var með
unga stelpu í lið-
veislu samhliða
n ám i . Marg i r
góðir kennarar
eru í FS að sögn
Bergrúnar. Þrátt
fyr ir að erf itt
sé að gera upp
á mi l l i þeirra
þá verður hún
að viðurkenna
að Gunnlaugur
s t æ r ð f r æ ð i -
k e n n a r i k o m
mikið við sögu á
hennar skólaferli.
„Það eru margir
frábærir kennarar í FS en ég held að Gunnlaugur
stærðfræðikennari sé í uppáhaldi, kannski af því hann
kenndi mér flestu áfangana,“ segir Bergrún en stærð-
fræði var í miklu uppáhaldi hjá henni í FS. „Gunn-
laugur er líka algjör fagmaður, mikill snillingur sem
gerir námið mjög skemmtilegt.“
„Frá því að ég var lítil hefur draumurinn verið
sá að finna vinnu þar sem ég
get hjálpað öðrum“
Bergrún uppgvötaði ung að hún vildi alltaf gera sitt
besta í öllu því sem hún tæki sér fyrir hendur. „Það
fannst mér gott mottó, ef maður gerir sitt besta þá
uppsker maður vel,“ segir hún enda gekk henni strax
vel í grunnskóla. Bergrún á sér ýmis áhugamál en hún
hefur mjög gaman að íþróttum og stundaði hún m.a.
fótbolta í mörg ár. Hún lærði á píanó um nokkurra ára
skeið og hefur mikinn áhuga á tísku. „Ég eyði miklum
tíma í að skoða tískublogg á netinu og tískublöð. Ég fór
einmitt í fatahönnunaráfanga á seinustu önninni í FS
og fannst það virkilega gaman.“
-ritstjórnarbréf
vf.is
Klemenz í hóp góðs fólks
Klemenz Sæmundsson bætist í hóp
margra góðra einstaklinga sem Víkur-
fréttir hafa útnefnt sem „Mann ársins á
Suðurnesjum“. Klemenz ákvað að fara
ótroðnar slóðir í afmælishaldi ef svo
má segja og slá tvær flugur í einu risa-
stóru höggi þegar hann ákvað að hjóla
hringinn í kringum Ísland og hlaupa
svo „Klemmann“ í lokin, en kappinn
varð fimmtugur á árinu. Nota svo verk-
efnið til að safna peningum til styrktar
blóðlækningadeild Landspítalans.
Það var greinilegt að uppátækið vakti athygli því söfn-
unin gekk vel og afhenti Klemenz og fjölskylda um
milljón króna til blóðlækningadeildarinnar. Víkur-
fréttir telja að með óvanalegu einstaklingsfram-
taki hafi Klemenz gert samfélagið okkar betra og
verið í leiðinni öðrum hvatning og fyrirmynd.
Klemenz kemur víða við í viðtali við VF í tilefni af út-
nefningunni. Hann hvetur fólk sem hefur áhuga á
áskorun sem þessari á að láta drauminn rætast. Vissu-
lega þurfi að reyna á sig en það gefi mikið til baka. „Það
er um að gera að fara af stað, setja sér raunhæf markmið
samt með áskorun. Í leiðinni er gott að styrkja gott mál-
efni. Það er gott að gefa,“ segir Klemenz að lokum.
Þetta er í tuttugasta og fjórða skipti sem Víkurfréttir standa
fyrir vali á „Manni ársins á Suðurnesjum“. Í fyrra var tón-
listarfólkið okkar í „Of Monsters and Men“, þau Nanna
Bryndís og Brynjar Leifsson, valin og árið þar á undan
júdóþjálfarinn Guðmundur Gunnarsson úr Njarðvík. Við
höfum kosið fólk sem hefur skarað fram úr í viðskipta-
lífinu í allmörg skipti, m.a. Kaffitárs-konuna Aðalheiði
Héðinsdóttur en einnig prestinn Hjört Magna Jóhanns-
son og útgerðar- og fjárbóndann Dagbjart Einarsson, en
hann var fyrsti Suðurnesjamaðurinn sem var kjörinn árið
1990. Fleiri dæmi mætti nefna og erfitt að gera upp á milli
þeirra sem hafa hlotið útnefningu okkar á Víkurfréttum
en þessi upptalning er ekki gerð með það í huga heldur
einungis til að rifja nokkur nöfn upp úr fjölbreyttum hópi.
Útnefning á manni ársins á Suðurnesjum er fyrst og
fremst hugsuð sem hvatning til okkar allra en einnig
viðurkenning fyrir frumkvæði og frábæra frammistöðu
á ýmsum sviðum. Allir sem hafa hlotið þennan heiður
eiga það sameiginlegt að hafa skarað framúr, sýnt frum-
kvæði og eldmóð í hinum ýmsu þáttum samfélagsins.
Nú sem aldrei fyrr þurfum við hér á Suður-
nesjum svona fólk sem þorir og gerir á ýmsum
sviðum. Stöndum saman um að styðja það til
góðra verka, svæðinu til framfara og heilla.
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Páll Ketilsson skrifar
SÍMI 421 0000
Dúx! Bergrún var með 9,57 í meðaleinkunn en hún var bara með níur og tíur yfir ferilinn í FS, alls 36 tíur og 21 níur. Mynd: Páll Ketilsson // pket@vf.is
Þriðja systirin sem dúxar í FS
-samræður á heimilinu á latínu
Íslandspóstur Keflavík óskar eftir gjaldkera.
Starfið felst m.a. í afgreiðslu o.fl.
Vinnutími er frá kl. 8:45-17:00 alla virka daga.
Umsækjandi þarf að búa yfir ríkri þjónustulund,
samviskusemi og nákvæmni í vinnubrögðum.
Umsækjandi þarf að geta hafið störf sem fyrst.
Umsóknarfrestur er til 23. janúar 2014
Starfsumsóknar eyðublað er á www.postur.is
ATVINNA
Bergrún með systrum sínum Björgu og Birnu og foreldrunum,
Ásbirni og Auði á útskriftardaginn.