Víkurfréttir - 23.01.2014, Blaðsíða 21
VÍKURFRÉTTIR • fimmtudagurinn 23. janúar 2014 21
Makademíuhnetur
á til með að deila með ykkur nýjasta æðinu hjá mér þessa
dagana en það eru makademíuhnetur, ég er nýbúin að
uppgötva þessar dásamlegu hnetur sem auðvitað eru
sneisafullar af hollustuefnum. Makademíuhnetur
innihalda mikilvæg steinefni, vítamín og góðar
einómettaðar fitusýrur sem eru æskilegar fyrir
heilsu hjarta- og æðakerfis. Einómettaðar fitur
geta haft áhrif á að
lækka slæma kól-
es te ró l ið (LDL) .
Þessar hnetur eru
einnig ríkar af járni,
magnesíumi, sínki,
selen, A, B og E víta-
mínum. Þær inni-
halda mikið magn af
flavóníðum sem eru
virk plöntuefni sem
vernda okkur gegn ýmsum sjúkdómum. Maka-
demíuhnetur eru einu hneturnar sem innihalda fitursýruna
‘palmitoleic acid’ sem er talin auka efnaskiptin og þ.a.l.
góðar þegar kemur að þyngdarstjórnun. Einnig eru þessar
ljúffengu hnetur taldar hafa jákvæð áhrif á lifrina. Maka-
demíuhnetur hafa sætt smjörkennt bragð og alveg upplagt
að eiga þær við höndina sem millibita, í eftirrétti eða
hristinga og njóta heilsusamlegra áhrifa þeirra. Læt fylgja
með syndsamlega góða uppskrift að hnetusmjöri. Umm...
Makademíu súkkulaðihnetusmjör:
1 ½ bolli makademíuhnetur frá Now (ca 225 gr)
3-5 dr vanillustevía t.d. French vanilla frá Now
2 tsk hreint kakóduft t.d. frá Rapunzel
* Setjið hneturnar í matvinnsluvél og látið ganga í 3-5 mín
eða lengur þar til orðið að hnetusmjöri. Bætið þar næst
kakó og stevíu og blandið saman við. Setjið í krukku eða
loftþétt box, geymist í 2 vikur í ísskáp.
Heilsukveðja, Ásdís grasalæknir.
www.facebook.com/grasalaeknir.is
www.pinterest.com/grasalaeknir
HEILSUHORNIÐ
ÁSDÍS
GRASALÆKNIR
SKRIFAR
Dagana 15. og 16. janúar síð-astliðinn heimsóttu skóla-
stjórnendur fisktækniskóla frá
Noregi, Danmörku, Færeyjum
og Grænlandi Fisktækniskóla Ís-
lands í Grindavík. Tilgangur með
heimsókninni var að taka þátt í
stofnun formlegs samstarfsnets
norrænna fisktækniskóla.
„Þó svo að umgjörð skólanna sé
um margt ólík milli þjóðanna er
ótrúlega margt sem skólarnir eiga
sameiginlegt,“ sagði Ólafur Jón
Arnbjörnsson, skólastjóri, að-
spurður um markmið með verk-
efninu. „Við eigum það allir sam-
eiginlegt að skólarnir eru frekar
litlir og sérhæfðir, en þjóna mjög
mikilvægri framleiðslugrein á
hverjum stað“.
Samvinna skóla þvert á
landamæri
Nútímaveiðar og vinnsla sjávar-
fangs hefur síðustu áratugina verið
að taka á sig alþjóðlegan blæ, en
hvergi þó jafn mikið og einmitt
hér á norður Atlandshafinu. „Við
eigum það einnig sameiginlegt að
vera oftast eini skólinn hver í sínu
landi (að Noregi undanskildum
þar sem skólarnir eru 13) og lá því
beinast við að þessir skólar ynnu
saman þvert á landamæri,“ segir
Ólafur Jón jafnframt.
Verkefninu er stýrt frá Fisktækni-
skólanum í Grindavík sem fékk á
síðasta ári veglegan styrk til þriggja
ára frá Norrænu Ráðherranefnd-
inni, til að byggja upp samstarfið.
Auk þess að skiptast á upplýs-
ingum og deila gögnum (náms- og
kennsluefni) verður megináherslan
næstu árin á sameiginlega þætti,
svo sem gæðamál og að styrkja fag-
legan grunn sérgreinakennara. Á
fundinum var einnig rætt um nem-
endaskipti og möguleika á því að
nýta styrkleika hvers skóla.
Styrkleikar skólanna mis-
jafnir
„Það er ljóst að skólarnir eru mis-
sterkir á einstökum sviðum. Við
höfum til dæmis töluverða yfir-
burði þegar kemur að veiðitækni
(netagerð) og vinnslu, á sama tíma
og Norðmenn eru sérlega sterkir í
grunnmenntun í fiskeldi og Danir
t.d. í markaðsetningu og þjálfun
milliliða eins og fisksala. Það er
óneitanlega hagræðing í því fyrir
skólana að geta sent nemendur,
sem vilja sérhæfa sig á ákveðnu
sviði og ekki er grundvöllur fyrir í
heimalandinu vegna smæðar hópa,
til samstarfsskóla sem starfa á svip-
uðum grunni.
Sem dæmi má nefna að rætt hefur
verið um möguleika á því að Danir
og Færeyingar sendi nemendur í
netagerð til okkar. Þetta eru 2-3
nemar hjá þeim á hverju ári meðan
meðaltalið hjá okkur er um 6-8.
Það er því tilvalið að sameinast um
faglega þætti þó svo að almenni
hlutinn og starfsþjálfun fari fram í
heimalandinu“.
Auk þess að heimsækja fyrirtæki
og skóla fór hópurinn í heim-
sókn í Hús Sjávarklasans og Mar-
el í Garðabæ, fékk kynningu á
Codland verkefninu auk þess að
eiga fund með Illuga Gunnars-
syni, menntamálaráðherra. Næsti
fundur hópsins verður í Fisker-
iskolen í Thyborön í Danmörku
og verður meginþema fundarins
gæðakerfi.
Samstarfsnet norrænna fisk-
tækniskóla stofnað í Grindavík
Arna Björk Hjörleifsdóttir var fædd í Keflavík 8.
september 1965. Hún lést 31. desember 2013. Út-
för Örnu Bjarkar fór fram frá Keflavíkurkirkju 13.
janúar 2014
Þegar ég var lítill var hún Arna systir sú sem ég leit
hvað mest upp til. Utan þess hvað hún var alltaf góð
við mig var hún svo klár. Henni gekk mjög vel í skóla
og var fljót að læra hlutina. En þrátt fyrir það hætti hún
snemma námi og fór að vinna, var flutt að heiman að
verða 17 ára. Hún Arna var bráðþroska líkamlega og
var, að því að mér er sagt, strítt töluvert vegna þess.
Þegar við bræðurnir vorum litlir passaði hún okkur
stundum eins og vera ber, en ég upplifði það eins og við
systkinin værum heima að leika. Ég man ekki eftir því
að hún væri að aga okkur með því að brýna röddina
eða skipa fyrir. En það hlýtur samt að hafa þurft að
skamma annan hvorn okkar einu sinni eða tvisvar. En
þar sem hún fullorðnaðist fljótt og fór á vinnumarkað-
inn minnkuðu samskiptin þar til ég varð eldri og við
fórum að geta aðstoðað hvort annað meira.
Arna systir var ekki skaplaus, hún var áræðin og vildi
gera sig gildandi í þeim félagsskap sem hún starfaði í.
Hún gat verið snögg upp og látið heyra í sér, að lesa
yfir einhverjum eða segja til syndanna gat alveg dúkkað
upp. Stundum var hún sögð frek og það gat hún verið,
en sem karlmaður hefði hún verið sögð ákveðin oftar
en ekki.
Á sinni stuttu ævi gekk hún í gegnum mikil veikindi og
erfiðleika en lífið var líka gott. Hún eignaðist tvo drengi
og með Högna, fyrrum eiginmanni sínum, átti hún
góð ár. Langvarandi veikindi geta gert fólk brúnaþungt
og leitt, að halda
sig innan dyra
v e rð u r s k j ó l
gagnvart lífinu.
Síðastliðið haust
var hún greind
með Alzheimer
en hana hefur
grunað það því
hún var alltaf í örvandi minnisleikjum í tölvunni að
reyna að halda í sjálfa sig. Eftir að hún skildi og flutti
í nýja íbúð var svo gaman að sjá hana blómstra, taka
meiri þátt í lífinu og njóta augnabliksins, verða aftur
smá skotin og spennt. Í leikhúsferð á annan í jólum
sat lítil hnáta fyrir framan hana, þær skiptust á orðum
í hléi og ég gat ekki séð hvor þeirra ljómaði meira að
lokinni sýningu.
Ég elska Örnu systur, sakna hennar og sé eftir að hafa
ekki tekið utan um hana og sagt "ég er stoltur af þér".
sorgin býr ekki
í dauðanum
sorgin býr í lífinu
sem er lifað
án kærleika
í neikvæðni
Rut Gunnarsdóttir
Þinn bróðir,
Ingvi Þór.
Arna Björk Hjörleifsdóttir
- minning
Frá fundi með mennta-
málaráðherra Illuga
Gunnarssyni í mennta-
og menningarmála-
ráðuneytinu og frá
heimsókn í Marel.
Ungmennaráð Reykjanesbæjar mætti á fund bæjar-stjórnar Reykjanesbæjar þann 6. janúar sl. og
ávarpaði fulltrúa bæjarstjórnar ásamt því að taka þátt í
óformlegu spjalli eftir framsöguræður.
Þetta er í annað sinn sem Ungmennaráð mætir á fund
bæjarstjórnar til að leggja áherslu á þau mál sem þeim eru
hugleikin.
Í framsöguræðunum og umræðu kom fram ánægja með
samstarfið við bæjarstjórn og að það sem þau lögðu
áherslu á síðast hefði verið framkvæmt.
Þau nefndu m.a. hvatagreiðslur, bætt strætókerfi og Ung-
mennagarðinn sem nú er verið að gera við 88 húsið. Þar
komu Fjörheima- og Ungmennaráðið fram með hug-
myndir ungmenna og tóku þátt í hönnun garðsins.
Formaður Ungmennaráðs, Sóley Þrastardóttir, lagði til að
haldinn yrði sérstakur íþróttadagur fyrir alla nemendur í
9. og 10. bekk.
Azra Crnac bað bæjaryfirvöld að beita sér fyrir því að
fræðsla yrði aukin fyrir afburðarnemendur og að þeir
ættu kost á að taka fleiri áfanga í FS innan grunnskólans
og geta þar með flýtt náminu.
Í framsögu Thelmu Rúnar kom fram áhersla á að fræðsla
yrði aukin um vímuvarnir og að kynfræðsla yrði efld
innan grunnskólanna. Þau undruðust hve notkun endur-
skinsmerkja væri léleg nú í skammdeginu og hvöttu
bæjarstjórn til að láta útbúa endurskinsmerki sem bæði
börn og ungmenni væru til í að nota.
Fjölga má ruslafötum og hafa þær litríkari. Lýsingar má
bæta á nokkrum stöðum í bænum, sérstaklega á göngu-
stígum sem liggja á milli hverfa. Fleiri tillögur komu fram
sem Ungmennaráð bað bæjarstjórn að skoða með sér og
kom fram hjá bæjarfulltrúum að best væri að hittast aftur
á vordögum og fara yfir verkefnalistann sem hópurinn
lagði fram á fundinum.
Böðvar Jónsson, forseti bæjarstjórnar, þakkaði góð fram-
söguerindi og fróðlegt spjall á fundinum og hvatti ung-
mennin til að fylgja tillögunum eftir. Böðvar gat þess að
það væri fagnaðarefni að einn framsögumanna Ung-
mennaráðsins, Viðar Páll, væri karlkyns og um leið fyrsti
karlmaðurinn sem talaði fyrir hönd ráðsins frá því að
Ungmennaráðið var stofnað.
Ungmennaráð hefur fundað fjórum sinnum frá því í
september og hefur mæting verið mjög góð á alla fundina.
Framundan er eftirfylgni verkefna og lokaferð ráðsins á
vordögum.
Ungmennaráð fundaði
með bæjarstjórn