Víkurfréttir


Víkurfréttir - 23.01.2014, Qupperneq 22

Víkurfréttir - 23.01.2014, Qupperneq 22
fimmtudagurinn 23. janúar 2014 • VÍKURFRÉTTIR22 Töluverðar væntingar voru gerðar til þess að Grind- víkingar myndu blanda sér í toppbaráttuna í Domino’s deild kvenna í körfubolta þetta tímabil. Liðið styrktist mikið með komu leikmanna eins og Ingibjargar Jakobsdóttur, Pálínu Gunnlaugs- dóttur og Maríu Ben Erlings- dóttur. Hinn sigursæli þjálfari Jón Halldór Eðvaldsson var feng- inn til þess að stýra liðinu sem sigraði 1. deildina í fyrra. Meiðsli og vandræði með erlenda leik- menn hafa hins vegar sett stórt strik í reikninginn. „Þetta er búið að vera erfitt tíma- bil. Það er mikið álag á nokkrum einstaklingum þar sem leikið er þétt. Það þarf að passa upp á að halda öllum ferskum. Það hefur ekki gengið eins vel og maður hafði vonað,“ sagði Jón Halldór þjálfari Grindvíkinga í samtali við blaða- mann Víkurfrétta. Leikmenn sem áttu að bera liðið uppi Tveir sterkustu leikmenn liðsins, Pálína Gunnlaugsdóttir og Petr- únella Skúladóttir hafa verið frá að mestu þetta tímabil. Petrúnella er barnshafandi og hefur ekkert leikið og Pálína hefur verið meidd síðan í lok nóvember. Síðan hún meiddist hafa Grindvíkingar fallið úr fjórða sæti deildarinnar í það sjöunda og næstsíðasta. Af þeim átta leikjum í deildinni sem Pálína hefur misst af hafa sjö tapast, auk eins leiks í bikarnum. „Þetta er bara eins og þú myndir taka tvo bestu leikmennina úr hvaða liði sem er á landinu, landsliðsmenn sem eru í byrjunarliði. Þetta er erfitt þegar þú missir tvo leikmenn sem áttu í raun að bera þetta lið uppi,“ segir þjálfarinn. Erfitt að skipta um erlanda leikmenn Það er óhætt að segja að Grindvík- ingar hafi ekki verið heppnir með erlenda leikmenn þessa leiktíðina, en um áramót var Lauren Oosdyke látin fara frá liðinu og Bianca Lutley mætti til leiks. Sú síðarnefnda hefur ekki alveg staðið undir væntingum og samkvæmt heimildum Víkurf- rétta þykir líklegt að hún verði látin fara innan skamms. „Það versta sem getur gerst, fyrir utan að missa þína bestu leikmenn í meiðsli, er að skipta um erlendan leikmann. Það fer mikill tími í að kenna þeim inn á leik liðsins og fá þá til þess að treysta þjálfaranum og liðsfélögum sínum.“ Jón segist hins vegar hafa verið sáttur við Oosdyke en eftir að Pálína meiddist þurfti hann öðruvísi leikmann. Hópurinn er þunnskipaður hjá þeim gulklæddu um þessar mundir og hefur Jón aðeins getað nýtt níu leikmenn að undanförnu, þar með er talda hina 13 ára Hrund Skúladóttur. „Það eru ungar stelpur þarna sem eru óvanar að leika margar mínútur í efstu deild og það tekur tíma að öðlast reynslu.“ Ekki vanar að axla ábyrgð Pálína hefur verið að æfa með liðinu að undanförnu en engu að síður í endurhæfingu vegna hné- meiðsla. Hún var í búningi gegn KR í bikarnum á dögunum en Jón ákvað að nota hana ekki í leiknum. Ef litið er á tölfræðina, og þá stað- reynd að aðeins hafi komið tvö stig í hús hjá Grindvíkingum frá því að Pálína meiðist, þá er ekki óeðlilegt að tengja slæma gengið við fjarveru hennar. „Hún er auðvitað besti leikmaðurinn á Íslandi, hefur verið kjörin það undanfarin tvö ár. Þegar þú ert með þunnan hóp og missir besta leikmanninn þinn út þá getur það vegið ansi þungt. Það er hins vegar þannig að eins manns dauði er annars brauð. Ég hef alltaf sagt það að þegar einhver dettur út þá verða aðrir leikmenn að stíga upp. Vandamálið sem við höfum verið að glíma við er að þessar stelpur eru ekki vanar að taka á sig ábyrgð. Allt frá yngri flokkum hefur það verið þannig. Ef þú tekur yngri flokkana í Keflavík sem dæmi, þá er búið að kenna þessum krökkum frá 7-8 ára aldri að vera sigurvegarar. Þær í Grindavík hafa alla burði til þess að axla ábyrgð en það tekur tíma að kenna þetta.“ Á undirbúningstímabilinu áttu Grindvíkingar hreinlega í erfið- leikum með að smala í lið á æfingar. Fjölmargir leikmenn sem höfðu verið með í fyrra ákváðu að halda ekki áfram af ýmsum ástæðum. „Þetta var nýtt fyrir mér að vera með lið þar sem það eru vandræði með að fá mannskap á æfingar. Ég vinn því bara úr því sem ég er með, það þýðir ekkert að vera að velta sér upp úr þessu.“ Jón segir að sjálfsögðu sér stefnt á fjórða sætið aftur og þar með í úrslitakeppni. „Það er líf og fjör í þessu. Við leggj- umst ekkert í jörðina og förum að gráta, við höldum bara áfram. Ef allt gengur upp þá náum við fjórða sætinu, þá byrjar líka nýtt mót,“ segir þjálfarinn að lokum. Þetta er erfitt þegar þú missir tvo leikmenn sem áttu í raun að bera þetta lið uppi -íþróttir pósturu eythor@vf.is Frjálst fall Grindvíkinga eftir brotthvarf Pálínu - Jón Halldór Eðvaldsson segir tímabilið hafa verið erfitt í Grindavík ÁLAGNINGARSEÐLAR FYRIR ÁRIÐ 2014 Tilkynning til eigenda fasteigna um álagningu ársins 2014 Álagningarseðlar fyrir árið 2014 verða eingöngu birtir rafrænt og ekki sendir út í bréfapósti. Nú geta fasteignaeigendur nálgast álagningarseðilinn á mittreykjanes.is og á upplýsinga- og þjónustuveitunni www.island.is. Reykjanesbær mun þó áfram senda einstaklingum 67 ára og eldri álagningarseðil í pósti. Þeir sem óska eftir að fá álagningarseðilinn sendan í pósti er bent á að senda tölvupóst á netfangið thjonustuver@reykjanesbaer.is Gjalddagar og greiðsla fasteignagjalda Gjalddagar fasteignagjalda eru tíu. Fyrsti gjalddagi er 25. janúar 2014 til og með 25. október 2014. Eindagi fasteignagjalda er þrjátíu dögum eftir gjalddaga og falla öll gjöld ársins í gjalddaga ef vanskil verða. Reynist heildarálögð gjöld 20.000 krónur eða lægri er gjalddagi heildargjaldanna 25. janúar 2014. Athygli er vakin á því að greiðsluseðlar vegna fasteignagjalda eru sendir út rafrænt og birtast í heimabönkum. Þeir sem vilja fá senda greiðsluseðla er bent á að senda tölvupóst á thjonustuver@reykjanesbaer.is Mynd: www.karfan.is

x

Víkurfréttir

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Víkurfréttir
https://timarit.is/publication/1102

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.