Víkurfréttir - 30.01.2014, Blaðsíða 6
fimmtudagurinn 30. janúar 2014 • VÍKURFRÉTTIR6
-ritstjórnarbréf
vf.is
Menntunarstig á flugi á
Suðurnesjum
Það er aldeilis frábært hvernig menntunarstig
Suðurnesjamanna stígur upp þessi dægrin. Fleiri
sækja nú háskólanám eða annað framhaldsnám og
fleiri fá tækifæri til þess. Fólk sem í raun eru brott-
fallsnemendur en fengu annað tækifæri í lífinu
eru hluti þess góða hóps. Fólk sem hefur náð sér í
stúdentshúfu hjá Keili á Ásbrú. Þúsundasta húfan
fór á höfuð nemanda í síðustu viku. Fjarnámsnem-
endur skipa þann hóp fyrst og fremst, en fólk af öllu
landinu getur nýtt sér frábæra fjarnámstækni (með
speglaðri kennslu). Háskólabrú Keilis á Ásbrú gerir
fólki kleift að opna sér braut inn í háskólanám eða
annað framhaldsnám, eða bara til að klára stúdentinn. Yfirgnæfandi meiri-
hluti þeirra sem lýkur námi á Háskólabrú heldur þó áfram námi í háskóla.
Auk Háskólabrúarinnar hafa rúmlega sjö hundruð aðrir lokið öðru
námi frá Keili frá því hann hóf starfsemi árið 2007. Það er oft sagt að
þegar einar dyr lokist opnist aðrar og það á við í tilfelli Keilis því hann
varð að veruleika þegar Varnarliðið fór með manni og mús. Varnar-
liðið og sjávarútvegur voru stærstu atvinnurekendur á Suðurnesjum
frá alda öðli eða þar til fór að molna undir fisknum með tilkomu kvóta-
kerfis og herstöðinni var lokað á Keflavíkurflugvelli fyrir nokkrum árum
síðan. Í hálfa öld var atvinna í boði hjá Varnarliðinu þar sem boðið var
hærra kaup en annars staðar auk þess sem lítillar eða engrar mennt-
unar var krafist. Suðurnesjakarlar fóru á sjóinn og konur í frystihúsin.
Langflest fóru ekki í framhalds- eða háskóla. Þetta eru tvær stærstu
ástæður fyrir því að lægra menntunarstig hefur verið á Suðurnesjum.
Tilkoma Fjölbrautaskóla Suðurnesja hafði auðvitað gríðarmikið að segja
í skóla- og menntunarmálum Suðurnesjamanna og hefur enn. Upp-
bygging háskólasamfélags á Ásbrú hefur einnig mikil og jákvæð áhrif á
svæðið. Við höfum sagt frá því að fjölmargir starfsmenn og nemendur
frá Flugakademíu Keilis hafi fengið góð störf í fluggeiranum. Mikil sókn
er í flugnám hjá Keili og flugvélaflotinn að stækka. Sama er uppi á ten-
ingnum í öðrum námsgreinum hjá Keili. Mikil ásókn og góður gangur.
Það er því hægt að taka undir orð í auglýsingu frá Ásbrú að svæðið
sé sannkallaður suðupottur tækifæra. Ekki aðeins í skólamálum
heldur og í nýsköpun og í blaðinu er t.d. sagt frá einu slíku fyrir-
tæki, þörungaverksmiðjunni Algalíf. Það nýtir eina af mörgum bygg-
ingum sem Varnarliðið skildi eftir þegar það fór af landi brott.
Í dag er stærsti atvinnurekandinn á Suðurnesjum ferðaþjónustan og
flugstöð Leifs Eiríkssonar. Þangað sogast fólk í alls kyns störf, m.a. þar
sem háskólamenntunar er krafist en einnig eru í boði störf fyrir minna
menntað fólk. Nýjum fyrirtækjum í kringum flugstöðina fjölgar stöðugt.
Þetta er okkar stóriðja sem komið hefur okkur til bjargar eftir brotthvarf
Varnarliðsins og bankahrun. Stóriðju sem spáð er áframhaldandi stækkun
á næstu árum með tilheyrandi tækifærum fyrir Suðurnesjamenn.
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Páll Ketilsson skrifar
SÍMI 421 0000
„Það hefur ekki verið hægt að róa neitt að ráði í
langan tíma fyrr en síðustu 10 daga. Óvenjulega
erfið tíð hefur verið síðan í haust. Það komu aldrei
þessar hauststillur þar sem róið er kannski í þrjá til
fjóra daga í einu og svo bræla,“ segir Grétar Sigur-
björnsson, verkefnastjóri Sandgerðishafnar, í sam-
tali við Víkurfréttir. Hann segir ekki gott hljóð hafa
verið í trillusjómönnunum, sérstaklega frá því í
haust. „Við tökum ekki fram fyrir
hendurnar á máttarvöldunum. Línu-
bátarnir voru að skjótast út á milli
lægða og róa bara grunnt og í land
aftur.“
Lönduðu í Keflavík í staðinn
Grétar segir að með tilkomu kvótans
taki menn ekki ákvarðanir með að róa
í vitlausum veðrum, það hafi breyst.
En auðvitað geti menn alltaf freistast
til þess, þetta sé atvinna þeirra. „Hérna
í Sandgerði var mikið minni afli en
haustin áður. Þetta hefur mikil áhrif
hér því togararnir koma þá ekkert inn hér þegar það er
brælutíð. Þeir fóru inn í Keflavík í hörðustu vestanátt-
unum í stað þess að landa hér.“ Mikil smábátaútgerð
sé í Sandgerði og trúlega með þeim stærstu á landinu
er varðar smábáta, sem komast ekki á sjó í svona tíð.
Stærri skip í Grindavík
Einnig segir Grétar þetta hafa gríðarleg áhrif fyrir
hafnirnar sem slíkar. „Það koma engar tekjur inn á
hafnirnar þegar svona er. „Í höfninni hjá okkur eru
oftast í nóvember og desember verið stórir mánuðir og
mikið af bátum en tíðin var bara þannig að það var svo
ríkjandi vestanáttin sem er versta áttin hér og í Grinda-
vík. Munurinn á Sandgerði og Grindavík er svo sá að
útgerðirnar og skipin eru miklu stærri í Grindavík og
ólík útgerðarmynstur. Stórir línubátar landa þar einu
sinni í viku og róa í öllum veðrum og stórir frystitog-
arar sem eiga sinn dag einu sinni í mánuði. Höfnin hér
byggir alla afkomu sína á minni bátum.“
Bátar ílengdust fyrir norðan
Þá segir Grétar segir mynstrið orðið breytt hjá þessum
minni bátum. Þeir séu kannski sex mánuði burtu
úr heimahöfn. „Menn eru farnir að elta fiskinn út
um allt land. Bátar hafa verið að róa fyrir norðan
yfir sumartímann og komið hingað til
mín í nóvember. Þeir ílengdust bæði
fyrir norðan og austan. Núna voru
þeir meira og minna fluttir yfir Holta-
vörðuheiðina til Akraness á vörubílum
því þeir komust ekki fyrir Vestfirðina.
Mikill kostnaður felst í flutningi og
svo þarf stóra krana til að hífa þá upp á
bílana,“ segir Grétar.
Skrautlegt hjá Nesfiski
Grétar hefur verið hafnarvörður í
Sandgerði í fimm ár og man ekki eftir
öðru eins. Stór hluti tekna hjá höfn-
inni séu aðkomubátar sem landi þar því kvóti sé ekki
stór hjá Sandgerðisbátum. „Nesfiskur er stór þáttur
í rekstri Sandgerðishafnar sem er með stóra flota en
þeir eru með litla báta líka og síðasti báturinn kom 10.
janúar og var fluttur á bíl. Búið að vera skrautlegt hjá
þeim.“
Bjartsýnir í eðli sínu
Grétar tekur þó fram að góð veiði og tíð séu búin að
vera síðan 10. janúar. „Það hefur verið að lyftast brúnin
á mönnum og þeir gleyma leiðindunum um sinn. Svo
er besti tíminn eftir á línu. Um leið og loðnan kemur
hér sópast hingað færabátar víða af á landinu.“ Svæðið
úti fyrir Sandgerði sé mjög gjöfult og stutt og róa á mið.
„Við verðum að líta björtum augum á bjartari tíma og
vera bjartsýnir. Það er í eðli okkar, “ segir Grétar og
lokum.
n Mikil bræla frá því í haust erfið fyrir Sandgerðishöfn:
Höfnin byggir alla af-
komu sína á minni bátum
Um leið og
loðnan kemur
hér sópast
hingað færa-
bátar víða af á
landinu
Mynd: Hilmar Bragi Bárðarson // hilmar@vf.is // Texti: Olga Björt Þórðardóttir // olgabjort@vf.is
Krabbameinsfélag Suðurnesja stendur fyrir dagskrá í vetur
fyrir einstaklinga sem greinst hafa
með krabbamein og aðstandendur
þeirra. Skrifstofa félagsins er að
Smiðjuvöllum 8 í Reykjanesbæ (í
húsi Rauða krossins) og er opin á
þriðjudögum og fimmtudögum
frá kl 12 – 16. Síminn er 421-
6363 og vefslóðin www.krabb.is/
sudurnes, en einnig má finna þau
á Facebook. Svarað er í símann á
öðrum tímum ef erindið er brýnt.
Á skrifstofunni er veitt ráðgjöf
og hægt er að nálgast bæklinga
og annað fræðsluefni sem tengist
krabbameinum. Sigrún Ólafsdóttir
hjúkrunarfræðingur starfar hjá fé-
laginu og hægt er að fá viðtalstíma
hjá henni eftir þörfum. Á opnunar-
tíma er alltaf heitt kaffi á könnunni.
Minningarkort eru til sölu á skrif-
stofunni og einnig í Lyfju í Kross-
móa, Lyfjum og heilsu á Suðurgötu,
í Pósthúsinu í Reykjansebæ og í
Pósthúsinu í Garðinum.
Í vetur og fram á vor verður opið
hús fyrsta þriðjudag hvers mánaðar
kl 19:30 – 21:00. Þetta er fyrst og
fremst hugsað fyrir þá sem greinst
hafa með krabbamein og aðstand-
endur þeirra til að hittast og eiga
góða stund saman en við munum
einnig fá til okkar góða fyrirlesara.
Dagskráin til vors:
Þriðjudaginn 4. febrúar
kl 19:30 – 21:00.
Fyrirlesari er Anna Lóa Ólafsdóttir,
náms- og starfsráðgjafi og stofnandi
Hamingjuhornsins. Erindi hennar
er um hamingjuna og lífið.
Þriðudaginn 4. mars
kl 19:30 – 21:00.
Kaffi, spjall og huggulegheit. Upp-
lagt að koma með handavinnu.
Þriðjudaginn 11. mars
kl 19:30 – 21:00.
Fyrirlesari er Ásdís Ragna Einars-
dóttir, grasalæknir BSC.
Erindi hennar er um nátturúlegar
leiðir til heilsusamlegrar uppbygg-
ingar.
Þriðjudaginn 1. apríl
kl 19:30 – 22:00.
Fyrirlesari er Helga Birgisdóttir.
Gegga/Helga Birgisdóttir er hress
listakona, skapari og brosari! Hún
hefur sótt fjölda námskeiða í and-
legum (spiritual) fræðum.
Erindi Geggu heitir Smiler getur
öllu breytt.
Stofnaður hefur verið gönguhópur.
Gengið er frá Sundmiðstöðinni á
þriðjudögum og fimmtudögum kl
17:00. Markmið hópsins er að auka
þrek og þol og geta tekið þátt í hinu
árlega kvennahlaupi í júní nk.
Krabbameinsfélagið með dag-
skrá á þriðjudögum í vetur
Grétar Sigurbjörnsson hefur verið hafnarvörður í Sandgerði í fimm ár og man
ekki eftir öðru eins. Stór hluti tekna hjá höfninni séu aðkomubátar sem landi
þar því kvóti sé ekki stór hjá Sandgerðisbátum.