Víkurfréttir - 06.02.2014, Blaðsíða 6
fimmtudagurinn 6. febrúar 2014 • VÍKURFRÉTTIR6
Vörubíll í ljósum logum
á Sandgerðisvegi
Vörubifreið stóð í ljósum logum á Sandgerðisvegi
þegar lögregluna á Suðurnesjum
bar þar að í síðustu viku. Hafði
ökumaður ekið bifreiðinni suður
Sandgerðisveg þegar hann varð
var við eld í húsi hennar og
stöðvaði hann hana þá þegar.
Brunavarnir Suðurnesja sáu um
að slökkva eldinn og var bif-
reiðin fjarlægð að því loknu. Þá
var haft samband við vegagerðina
og óskað eftir því að menn frá
henni yrðu sendir til að þrífa upp
óhreinindi á veginum eftir brun-
ann, sem gætu ella skapað hættu
fyrir aðra ökumenn.
-ritstjórnarbréf
vf.is
Samstaða í kjaramálum
og norðurljósum
Það er ekki hægt annað en að vera
á jákvæðu nótunum hér í þessum
pistli þegar þróunin er á þann veg í
atvinnulífinu hér á Suðurnesjum. Í
blaðinu í dag er sagt frá kjarakönnun
hjá Flóabandalaginu en Verka-
lýðs- og sjómannafélag Keflavíkur
er í því. Þar má margt jákvætt sjá.
Það sem vekur fyrst athygli er að nú eru fleiri í starfi en
hafa verið síðan í ágúst 2007 og til að mynda voru 100 fleiri
með atvinnu í desember 2013 miðað við sama mánuð árið
á undan. Þá hafa samkvæmt könnuninni laun hækkað
nokkuð en í niðurstöðu hennar kemur einnig fram að
mikilvægt sé að hraða uppbyggingu efnahagslífsins með
því að efla atvinnulífið og skapa þannig gott svigrúm til
almennrar kaupmáttaraukningar. Losun hafta sé for-
gangsmál og forsenda stöðugleika. Þetta kom líka fram í
máli forráðamanns lífeyrissjóða í Kastljósi í vikunni. Og
Kristján Gunnarsson, framkvæmdastjóri Verkalýðs- og sjó-
mannafélags Keflavíkur og nágrennis, er bjartsýnn þó svo
að kjarasamningar hafi fengið slæmar móttökur hjá fólki.
„Þrátt fyrir að kjarasamningar væru felldir erum við í upp-
sveiflu. Þegar þeir hafa náðst verður þetta allt upp á við,“
segir Kristján við Víkurfréttir. Háværar raddir um frekari
kjarabætur m.a. hjá framhaldsskólakennurum og fleirum
eru vissulega ákveðið áhyggjuefni því margir spá því að sú
barátta muni enda með verkfalli. Það er því von allra að
landsmenn, hvar í stétt þeir eru, taki höndum saman og nái
samningum um kaup og kjör. Verkföll eru ekki það sem
atvinnulífið og samfélagið á Íslandi þarf á að halda núna.
Frábær hugmynd listamannsins Guðmundar R. Lúð-
víkssonar um að reisa norðurljósaturna hefur fengið
góðar móttökur en hann hvetur fólk, fyrirtæki og stofn-
anir til að taka þátt í verkefninu. Á forsíðu blaðsins
í dag er sagt frá stöðu mála en nú reynir á samstöðu
þarna eins og víðar. Það er deginum ljósara að norður-
ljósaturnar munu vekja heimsathygli hér á Suður-
nesjum og draga hingað þúsundir ferðamanna.
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Páll Ketilsson skrifar
SÍMI 421 0000
Texti: Olga Björt Þórðardóttir // olgabjort@vf.is
Aðalfundur
Aðalfundur skátafélagsins Heiðabúa fer fram
mánudaginn 24. febrúar 2014
að Hringbraut 101 í Reykjanesbæ.
Venjuleg aðalfundarstörf.
Stjórn skátafélagsins Heiðabúa
n Bauð erlendum ferðamönnum gistingu í náttúruparadís:
BESTA ÚTISTURTA Í
HEIMI Á REYKJANESI
„Þegar ég segi fólki að ég eigi bústað á Reykjanesi
spyr fólk stundum: Hvers vegna í ósköpunum þar?
Ég svara því gjarnan til að hvergi sé Ísland fegurra en
einmitt þar og mannlíf best í heimi hér. Það gengur
ekki alltaf vel að útskýra að annað sé til en Gullfoss
og Geysir,“ segir Gylfi Jón Gylfason, fræðslustjóri
Reykjanesbæjar. Hann á sumarhús á landi Hafur-
bjarnarstaða, en það er gömul landnámsjörð í Sand-
gerði.
Engin tölva og
ekkert sjónvarp
Húsið notar hann sjálfur 10 daga í
mánuði og segir strangar reglur gilda
þar, svo sem að ekki má vera með tölvu
og aðeins má nota síma til þess að
hringja. Þar er ekkert sjónvarp en það
má stilla á Bylgjuna. „Ég nota rekavið
til að kynda upp. Brimið þarna og fuglalífið hafa ein-
stök áhrif á Suðurnesjastrákinn í mér,“ segir Gylfi Jón.
Tjölduðu í skrúðgarðinum
Rocky Vachon og Paula Fatia frá Kanada voru gestir
Gylfa Jóns í fyrrasumar og hann segir þau hafa fallið
flöt fyrir mannlífi og náttúrufegurð á Suðurnesjum.
Hann sá út um gluggann á skrifstofunni sinni á bæjar-
skrifstofunni að þau höfðu tjaldað í skrúðgarðinum
innan um framkvæmdir. Hann gekk út til þeirra,
kynnti sig og komst að því að þau voru strand vegna
þess að þau biðu eftir að fá mótorhjólið sitt afgreitt
úr tollinum í Kanada. „Ég bauð þeim þá í mat og svo
gistingu í sumarhúsinu mínu næstu tvær vikur. Þau
höfðu ákveðið að selja allt sitt, kaupa mótorhjól og
ferðast svo um heiminn. Síðan urðu
þau par,“ segir Gylfi Jón.
Bestu sturtuferðirnar
í vetrarhríð
„Rocky er snillingur með myndavélina
og sannar að glöggt er gests augað.
Næst þegar ég verð spurður: Af hverju
í ósköpunum áttu bústað á Reykjanesi,
ætla ég að sýna þeim myndirnar hans
Rocky. Paula segir að útisturtan í bústaðnum sé besta
útisturta í heimi,“ segir Gylfi Jón og bætir við að bestu
sturtuferðirnar séu þegar hríð er úti. „Þá finnur maður
fyrir heitri sturtunni en fær jafnframt hríðina og vind-
inn í andlitið. Manni verður heitt og kalt á sama tíma
og það er mjög hressandi,“ segir Gylfi Jón að lokum.
Ég bauð
þeim í mat og
svo gistingu
Útsýnið frá sturtunni er ægifagurt.
Gylfi Jón sýnir
gestunum
náttúrufegurð
á Reykjanesi.
Rocky og
Paula.
Paula ánægð í sturtunni.