Víkurfréttir - 06.02.2014, Blaðsíða 7
VÍKURFRÉTTIR • fimmtudagurinn 6. febrúar 2014 7
Söngleikurinn Dirty Dancing verður frumsýndur í Andrews Theatre fimmtudaginn 20. febrúar
á vegum Nemendafélags Fjölbrautaskóla Suður-
nesja (NFS). Leikstjóri sýningarinnar er Gunnella
Hólmarsdóttir og danshöfundur er Ásta Bærings.
Sýningin er byggð á vinsælli kvikmynd frá níunda
áratugnum sem sló eftirminnilega í gegn á sínum
tíma. Tónlist, dans og drama spila stórt hlutverk í
metnaðarfullri sýningu sem NFS stendur nú fyrir.
Við tókum Aþenu Eir, unga aðalleikkonu Dirty
Dancing tali. Hún er afar spennt fyrir sýningunni
og segir að áhorfendur megi eiga von á frábærum
tilþrifum.
Hin 16 ára Aþena Eir Jónsdóttir fer með hlutverk Fran-
ces „Baby“ Houseman, sem á íslensku kallast einfald-
lega Lilla. Aþena sem er fædd og uppalin í Garðinum
segist hafa horft á hina vinsælu bandarísku kvikmynd
ótal sinnum í æsku. „Guð já, þetta er búin að vera
uppáhalds myndin mín síðan ég var lítil,“ segir hún.
Þannig að hún ætti líklega að vera með hlutverkið á
hreinu? „Það mætti nú segja það,“ segir Aþena og hlær.
Mikið er um dansatriði í sýningunni en sjálf hefur
Aþena æft dans frá 10 ára aldri. Hún hefur m.a.
stundað freestyle-dans, jazzballet og nútímadans. Um
þessar mundir æfir hún hjá Danskompaníi og þar líður
henni ákaflega vel. Aþena komst fyrst að í sýningu NFS
sem dansari en var síðar beðin um að koma í leikprufu.
„Eitt kvöldið var ég beðin um að koma í leikprufur
og fékk þar af leiðandi þetta dúndur verkefni,“ segir
hún spennt. Aþena er ekki alveg óvön því að leika
á sviði en í grunnskóla lék hún iðulega í leikritum á
árshátíðum auk þess sem hún hefur
oft komið fram sem dansari. Þetta
verkefni er ívið stærra en Aþena
er vön, en hún segist vera spennt
fyrir frumsýningu. „Já það er nátt-
úrulega mjög lítill tilfinningalegur
munur á milli spennu og stress, þegar
að þessu kemur mun ég ekki vita hvort ég
sé spennt eða stressuð, en í augnablikinu
er ég ótrúlega spennt.“
Stór hópur kemur að sýningunni sem
frumsýnd verður í Andrews Theatre þann
20. febrúar. „Hópurinn er alveg hreint frábær,
við erum öll að verða nánari með hverjum deg-
inum,“ segir Aþena en hún segir að áhorfendur megi
eiga von á sjúklega flottum dansatriðum í sýningunni.
„Verið bara tilbúin!“ segir hún. Tónlist skipar veiga-
mikinn sess í sýningunni og verður Aþena að þenja
raddböndin örlítið, en því er hún ekki vön. En gæti
dansarinn úr Garðinum hugsað sér að leggja leiklistina
fyrir sig? „Kannski svona „on the side,“ þetta heillar
mig þó mikið og er ótrúlega skemmtilegt,“ segir Aþena
sem stundar nám á viðskipta- og hagfræðibraut hrað-
ferðalínu og stefnir á að útskrifast á þremur árum frá
FS. Dansinn er ekki eina áhugamál Aþenu en hún er
einnig mikil hestamanneskja og að eigin sögn algjör
sveitastelpa.
Sýningin 20. febrúar er ætluð nemendum FS eingöngu
en síðar verða þrjár almennar sýningar helgina 21. - 23.
febrúar. Miðasala fer einungis fram í gegnum netið á
NFS.is.
Dansandi sveita-
stelpa úr Garðinum
- Dirty Dancing uppáhalds myndin. NFS frumsýnir söngleik 20. feb.
-viðtal pósturu olga@vf.is
Hagstæðustu
gleraugnakaupin
umgjarðir frá kr. 8.900
kaupauki
Með öllum margskiptum glerjum*
fylgir annað par frÍtt með
í sama styrkleika. Tilvalið sem
sólgleraugu eða varagleraugu.
* Margskipt gler á við Varilux, Multifocal, Progressive og tvískipt gler
Módel: Kristín Jóna Hilmarsdóttir
Umgjörð: Lindberg Spirit
Fagmennska fyrst og fremst
Persónuleg og góð þjónusta