Víkurfréttir - 06.02.2014, Blaðsíða 8
fimmtudagurinn 6. febrúar 2014 • VÍKURFRÉTTIR8
-viðtal pósturu olga@vf.is
Stefna tekin á
heimsklassa stað
Þráinn Freyr Vigfússon er fyrir-
liði kokkalandsliðsins. Hann er
meðal fremstu matreiðslumeistara
Evrópu og hefur náð einstökum
árangri í alþjóðlegum matreiðslu-
keppnum.
„Við erum með fullt af fólki sem vill
skara framúr á sínu sviði og það er
gaman að vinna með öllum þeim
sem koma að starfsemi Bláa Lóns-
ins á degi hverjum og taka þátt í
uppbyggingu þess. Veitingaþáttur-
inn er mikilvægur hluti af heildar-
upplifun Bláa Lónsins. Þetta er
bara teymisvinna, ekkert annað,“
segir Þráinn Freyr Vigfússon, einn
af yfirmatreiðslumeisturum Bláa
Lónsins og kom til starfa í septem-
ber.
Með gott starfsfólk
„Umhverfið er einstakt og spenn-
andi að starfa innan ferðaþjónust-
unnar, þar sem matarupplifunin
skiptir miklu máli. Staðsetningin,
nálægðin við náttúruna, fiskurinn
úr sjónum við Grindavík og upp-
byggingin sem er á döfinni eru allt
þættir sem gera starfið enn áhuga-
verðara. Þá er gaman að taka þátt
í því sem matreiðslumeistararnir
Ingi og Viktor eru búnir að byggja
upp hér í Bláa Lóninu, ásamt
Magnúsi Héðinssyni sem stýrir
sviðinu,“ segir Þráinn og bætir við
að hugmyndir séu um enn frekari
stækkun og þróun. „Við erum með
gott starfsfólk hjá okkur og erum
að undirbúa okkur fyrir framtíð-
ina. Við mætum miklum skilningi
hjá þeim sem reka Bláa Lónið. Það
skiptir svo miklu máli.“ Stefnan sé
tekin á heimsklassa stað sem á að
laða að erlenda og innlenda gesti.
Heildarupplifun sem felst í mat,
spa og gistingu.
Erum við öllu búin
„Við erum með efnilega mat-
reiðslumenn og erum að byggja
upp það teymi sem þarf í framtíð-
arþróun. Við finnum líka að vegna
þess að við erum búin að byggja
upp ákveðinn gæðastaðal þá hefur
það þau áhrif að fólk sækir í að
starfa hérna. Þetta er langhlaup
og gerist ekki á einni nóttu,“ segir
Þráinn. Hann starfaði á Mic-
helin-stjörnu veitingastaðnum,
Domaine de Clairfontane í Lyon
í Frakklandi, auk þess sem hann
hefur starfað sem aðstoðaryfirmat-
reiðslumeistari á Grillinu og yfir-
matreiðslumeistari á Kolabraut-
inni hér heima. Hann segir starfið
vera fjölbreytt en jafnframt mikla
áskorun. „Hingað koma margir og
það skiptir máli að halda í þann
hóp. Kannski eru 2000 manns í
Lóninu og það þarf ekki nema brot
af því til að fylla salinn. Því verðum
við að vera við öllu búin, hafa nægt
starfsfólk og viðhalda góðri þjón-
ustu,“ segir Þráinn að lokum.
Styrkleikar
hvers og eins
fá að njóta sín
- segir Viktor Örn Andrésson,
Matreiðslumeistari ársins 2013
Viktor Örn Andrésson, er einn
þriggja yfirkokka Bláa Lónsins og
er að hefja sitt fjórða starfsár. Hann
sigraði í keppninni um matreiðslu-
mann ársins í fyrra og er með Þráni
í kokkalandsliðinu. „Við erum þrír
yfirmatreiðslumeistarar hér, erum
ólíkir og styrkleikar hvers og eins
fá að njóta sín.“ Viktor segir að
þeir félagarnir séu á miðri leið og
starfið hafi gengið vel. Þeir hafi þó
að sjálfsögðu metnað í að gera enn
betur. Viktor segir að það hafi verið
gaman að taka þátt í uppbyggingu
Lava veitingastaðar Bláa Lónsins.
„Við þurfum að vera tilbúin til að
taka á móti bæði hópum sem hafa
bókað fyrirfram og einnig gestum
Bláa Lónsins sem panta þá af seðli.
Góð liðsheild og andi á meðal
starfsfólks skiptir lykilmáli til að
allt gangi vel hjá okkur.“
Umhverfið skiptir miklu máli
Erlendir gestir eru í meirihluta
þeirra sem sækja veitingastaðinn
og mest er að gera í hádeginu. Þar
er íslenska lambið vinsælast ásamt
fisknum. „Umhverfið skiptir miklu
máli og fólk kann vel að meta um-
hverfi Bláa Lónsins þar sem fólk
slakar vel á og nýtur matarins um
leið. Ég hvet þá sem eiga eftir að
heimsækja okkur til að koma, sjá
og upplifa,“ segir Viktor sem ekur
40 mínútna leið til vinnu frá höfuð-
borginni.
Kemur pollrólegur heim
„Ég gekk alltaf fimm mínútna leið
til og frá vinnu áður og var því allt-
af með vinnuna í kollinum þegar
ég kom heim. Núna nýti ég tímann
á leiðinni í að slaka á og fá tíma út
af fyrir mig og hugsa. Það er fínt að
keyra brautina og koma pollrólegur
heim.“ Hann segist þó fara alltof
sjaldan í Lónið en reyni þó að fara
einu sinni í viku. Starf matreiðslu-
manns er krefjandi og ekki fyrir
alla,“ segir Viktor en hann er jafn-
framt ánægður með hversu margir
sýni því áhuga á að koma og læra
hjá þeim.
Með 14 nema í vinnu
Um er að ræða nemendur sem
búnir eru með grunnnám og einn-
ig ungt fólk sem er harðákveðið í
að fara út í þetta og á eftir að fara
í nám. „Við erum með 14 nema
hjá okkur núna og við reynum að
hvetja þá til að taka þátt í keppnum
og fara til útlanda til að heim-
sækja erlenda veitingastaði, dvelja
um tíma og fá að taka þátt í starfi
þeirra. Hann er nýkominn frá
Chicago þar sem hann heimsótti
veitingastaðinn Alinea og kynnt-
ist því helsta sem er einkennandi
fyrir einn framsæknasta veitinga-
stað heims. Veitingahúsaumhverfi
getur verið mjög krefjandi en einn
af kostunum við að vera kokkur
er að það er hægt að vinna hvar
sem er í heiminum,“ segir Viktor
og brosir.
„Hér er besta aðstaðan og
kennslan, með landsliðsstjóra
og fyrirliða kokkalandsliðsins,
ásamt matreiðslumanni ársins.
Ég gæti ekki fengið betri kenn-
ara,“ segir Rúnar Pierre Her-
iveanx, sem byrjaði fyrir ári
sem matreiðslunemi í Lava.
Hann segist áður hafa haft smá-
vegis starfsreynslu
í eldhúsi en gerði
sér svo lítið fyrir
og sigraði nema-
keppni Matreiðslu-
manns árs ins í
september í fyrra.
„Fyrir keppnina
k u n n i é g e k k i
mikið en svo tóku
Viktor og Ingi mig
í gegn í svona viku-
tíma og veittu mér
frábæra leiðsögn og þjálfun. Bláa
Lónið hjálpaði mér einnig mikið
með hráefni og aðstöðu. Viktor
og Ingi hvöttu mig til að taka þátt
og til að byrja með var ég ekkert
rosalega spenntur. En þeir héldu
áfram að hvetja mig og segja að
ég yrði Íslandsmeistari.“ Og það
gekk eftir.
Rúnar segir undirbúningsvikuna
hafa verið rosalega. Hann hafi
fengið að gista í Lækningalind-
inni því hann undirbjó sig fram
á nótt og varð að byrja æfingar
snemma næsta dag. „Ég var
mjög stressaður. Viktor er frekar
strangur þjálfari og þjálfaði mig
í þeim fjölmörgu atriðum sem
snerta keppnina alla vikuna.
Við tókum þetta í raun skrefinu
lengra en í nema-
keppninni sjálfri og
ég fékk einkunnina
10, en hefði í raun
ekkert átt að fá
hana því það gera
allir einhver mistök
í svona keppni,“
segir Rúnar hæv-
erskur og hann
hafi verið hissa á
að hafa unnið. „Ég
brosti ekki einu
sinni og varð hálf vandræðalegur
þegar ég var spurður að því hvort
ég væri ekki ánægður. En ég var
feginn þegar keppnin var búin,“
segir hann og bætir aðspurður
við að hann ætlar að taka þátt í
keppninni um Matreiðslumann
ársins eftir að hann útskrifast. „Já
þeir hafa líka verið að þrýsta á
mig með það,“ segir þessi ungi
metnaðarfulli matreiðslunemi.
Keflvíkingurinn Stefán Geirs-
son hefur verið nemi hjá Vikt-
ori, Inga og Þráni í bráðum
þrjá mánuði. „Mér líkar mjög
vel, reyndar alveg frábærlega,
starfið kom skemmtilega á
óvart.“ Stefán segir að veitinga-
teymi Bláa Lónsins hafi verið að
leita að nemum og hann ákveðið
að slá til.
„Ég fékk áhuga á náminu þegar ég
komst að því að ég kynni ekki að
elda. Þá vatt ég mér bara út í það
að læra og kom hingað á besta
staðinn, hjá þremur meisturum.“
Stefán segir það besta við að vera
hjá Bláa Lóninu sé hversu mikið
nýtt hann læri á hverjum degi.
Starfið verður í raun lífsstíll og
það kemur fyrir að ekki mikið
annað rúmist innan dagsins, sér-
staklega þegar mikið er að gera.“
Stefáni finnst starfið eiga vel við
hann og er spenntur fyrir því að
læra til meistarans.
Rúnar Pierre, Matreiðslunemi ársins 2013 er ánægður
í eldhúsinu í Bláa lóninu:
Gæti ekki fengið betri kennara
Stefán Geirsson, matreiðslunemi kann vel við sig innan um
meistarakokka Lava:
Kunni ekki að elda
Viktor og Þráinn
fyrir utan Lava,
veitingahús Bláa
lónsins.
n Bláa Lónið laðar að sér starfskrafta
og er með landsliðsmenn í eldhúsinu:
Lært af þeim
bestu í Lóninu
Nokkrir af bestu matreiðslumeisturum Íslands starfa hjá Bláa Lóninu þar sem
þeir Ingi Þórarinn Friðriksson og landsliðskokkarnir Þráinn Freyr
Vigfússon og Viktor Örn Andrésson starfa. Matreiðslumeistarar fram-
tíðarinnar starfa einnig hjá Bláa Lóninu en þar eru nú 14 matreiðslunemar sem
læra af þeim bestu eins og þeir segja sjálfir. Olga Björt leit í heimsókn í Bláa Lónið
og spjallaði við matreiðslumeistara og nema.