Víkurfréttir - 06.02.2014, Blaðsíða 11
VÍKURFRÉTTIR • fimmtudagurinn 6. febrúar 2014 11
Í áramótaræðu minni á gamlárs-dag 2012 ræddi ég um kosti per-
sónukjörs í smærri sveitafélögum.
Ég sé persónukjör fyrir mér með
þeim hætti að kjósendur velji sjö
nöfn úr hópi þeirra kandídata sem
í kjöri eru. Þeir sjö efstu skipa
þannig sveitastjórn og sjö næstu
verða varamenn í þeirri röð sem
atkvæðamagn þeirra segir til um.
Þessi hópur myndar þannig stjórn
sveitafélagsins. Þessir einstaklingar
geta haft ólíka sýn á hin ýmsu mál,
þeir hafa rétt á að vinna hugsjónum
sínum fylgi, hafa eflaust kynnt
helstu stefnumál sín og svo fram-
vegis. Þessir sjö gætu þess vegna
haft einhvern nærhóp á bak við sig
sem einstaklingar eða fleiri saman.
Hóp sem þeir virkja til að spegla
hugmyndir sínar.
Helstu kostir þessa fyrirkomulags eru
í mínum huga eftirfarandi:
Mál geta farið í gegnum sveitastjórn
á ólíkum meirihluta hverju sinni.
Samstarf er ekki sett í uppnám þó
um hitamál sé að ræða. Menn taka
upplýsta ákvörðun, komast að niður-
stöðu og halda áfram.
Hver sveitastjórnarmaður er bund-
inn sinni sannfæringu og þarf að vera
trúr henni. Treysti hann sér ekki til
að vinna áfram tekur fyrsti vara-
maður sæti hans.
Minni líkur eru á að góðar hug-
myndir fari forgörðum af því að þær
komu ekki úr „réttri átt“ ef svo má að
orði komast.
Opnir íbúafundir gætu verið upp-
lýsandi og leiðbeinandi fyrir sveita-
stjórnarmenn um vilja íbúa í ein-
stökum málum.
Meiri líkur eru á farsælu samstarfi
allra fulltrúa þar sem allir eru í raun
í sama liðinu.
Ég leyfi mér að skora á hin smærri
sveitafélög hér á Suðurnesjum, þ.e.
Voga, Grindavík, Garð og Sand-
gerði að hafa persónukjör í komandi
sveitastjórnarkosningum og bera
síðan saman bækur sínar reglulega
á kjörtímabilinu til að meta árangur
þessa fyrirkomulags. Vilji allra er
sá sami, að bæta samfélagið í sinni
heimabyggð.
Sigurður Grétar Sigurðsson,
sóknarprestur Útskálaprestakalli
-aðsent pósturu vf@vf.is
Vönduð kærleiksrík umönnun og þjálfun fyrir börn á fyrstu
árunum í lífi þeirra er áhrifaríkast
til að þau nái að vaxa
sem heilbrigðir, ham-
ingjusamir og sjálf-
stæðir einstaklingar.
Þetta er þjónusta sem
leikskólarnir okkar
veita öllum börnum
í góðu samstarfi við
foreldra.
Það eru ekki öll samfélög sem bjóða
vandaða dagforeldraþjónustu fyrir þá
sem á þurfa að halda og síðan leik-
skóla fyrir öll börn tveggja til sex ára.
Hér í Reykjanesbæ höfum við sér-
staklega notið þess í nærsamfélaginu
að hafa getað sinnt þörfum sérhvers
einstaklings, líka þeirra sem standa
höllum fæti eða hafa veikt bakland.
Alúð og fagmennska leikskólastarfs-
fólks er aðdáunarverð.
Hér gefst einstakt tækifæri fyrir
okkur að sameina krafta foreldra og
fagfólks til að tryggja að öll börn eigi
færi á að njóta hins besta á þessum
mikilvægu uppvaxtarárum.
Byggt á niðurstöðum vandaðra
rannsókna
Niðurstöður erlendra rannsókna,
með áherslu á að veita börnum með
veikt bakland sérstaka athygli og
örvun, hafa fært okkur heim sann-
inn um gildi örvunar og góðs atlætis
barna fyrstu æviárin þegar barnið
er móttækilegast fyrir að ná góðum
málþroska, hreyfi- og tilfinninga-
þroska.
Rannsóknir, þar sem fylgst var með
sömu einstaklingum í allt að fjöru-
tíu ár, hafa sýnt greinilegan mun á
börnunum sem á fyrstu æviárum
fengu sérstaka örvun og þjálfun á
móti samanburðarhópi sem fékk ekki
sömu þjálfun. Þetta eru einstaklingar
sem nú eru orðnir fertugir en voru
á leikskólaaldri þegar þjálfun hófst,
sem þó stóð yfir í aðeins nokkur ár.
Hér liggja m.a. að baki niðurstöður
tveggja langtímarannsókna. Þær eru
kenndar við Abecedarian Project og
Perry Preschool Project
Þær sýna að börnin sem fá vandaða
umönnun og skipulega þjálfun á
fyrstu æviárunum, þurfa minni sér-
kennslu, ljúka frekar grunnskóla og
framhaldsnámi en samanburðarhóp-
arnir, eru félagslega sterkari, þurfa
síður á bótakerfum að halda, lenda
síður í afbrotum og hafa að meðaltali
hærri laun á vinnumarkaði.
Áhugi hagfræðinga
Það er þess vegna sem virtir hag-
fræðingar hafa fengið áhuga á mál-
inu, tekið niðurstöðurnar og reiknað
þjóðfélagslegan sparnað af því að
leggja meira í stuðning við þessi
fyrstu æviár.
Nóbelsverðlaunahafinn í hagfræði,
James Heckman, hefur sýnt fram á
að fyrir hverja eina krónu sem fjárfest
er í vandaðri umönnun og fræðslu
á fyrstu árunum í lífi hvers barns,
sparist þannig 7 krónur í félagslegum
kostnaði skattgreiðenda síðar. Rann-
sóknir sýna að því eldri sem börnin
eru þegar byrjað er að örva þau,
verður erfiðara að ná sama árangri.
Vinna Heckmans byggir á að þróa
vísindalegan grunn fyrir efnahags-
stefnu sem styður öflugri menntun
og örvun barna á leikskólaaldri.
Hann hefur skoðað atvinnuleysi,
launaþróun og færni á vinnumarkaði
í samhengi og sýnt fram á hvernig
aukin framleiðni einstaklingsins
getur verið byggð á því að fjárfesta
sérstaklega í þjálfun hans á þessum
fyrstu æviárum. Það eru því ekki
bara rök fyrir félagslega sterkari
og sjálfstæðari einstaklingum sem
hvetja til fjárfestingar í leikskóla-
starfinu, heldur einnig rök fyrir bæði
lægri samfélagskostnaði og aukinni
framleiðni.
Leiðin er skýr
Það er þess vegna sem leikskólarnir
okkar, í góðu samstarfi við foreldra,
geta verið eins og Masterlykill að
heilbrigði, hamingju og sjálfstæði
barnanna, auk minni útgjalda úr
opinberum bótakerfum.
Í dag er „dagur leikskólans“. En
það er alltaf við hæfi að draga fram
mikilvægi leikskólastarfsins. Allir
þeir tíu leikskólar sem reknir eru
hér í Reykjanesbæ, vinna af miklum
metnaði. Þeir eru að takast á við
þetta stóra verkefni að búa börnin
okkar undir framtíðina. Þar er faglegt
starf haft í heiðri. Þar er öflugt fag-
fólk og nánast undantekningalaust
stöðugleiki í starfsmannahaldi. Leik-
skólarnir bjóða umönnun og nám
af bestu gerð með sérstaka áherslu
á læsi og stærðfræði. Öll nálgun er
lausnarmiðuð. Þar ríkir opinn hugur
og kjarkur fyrir nýjum leiðum og
áskorunum. Allir leikskólar Reykja-
nesbæjar gefa úr nýja skólanámskrá á
þessu ári sem tekur mið af nýrri aðal-
námskrá leikskóla. Skólarnir okkar
eru fyrirmynd um gott samstarf for-
eldra og fagmanna sem ná fram lang-
tímaárangri. Yngstu börnin okkar
eru þegar að sýna óvenju góðan ár-
angur á fyrstu árum grunnskólans.
Það verður áhugavert að fylgjast með
þeim áfram næstu 40 árin og sjá þau
vaxa sem hamingjusama, heilbrigða
og sjálfstæða einstaklinga.
Árni Sigfússon, bæjarstjóri
n Árni Sigfússon bæjarstjóri:
Masterlykillinn!
Ávaxtakarfan
í Frumleikhúsinu
Leikfélag Kef lavíkur æfir nú uppsetningu á Ávaxta-
körfunni eftir Kristlaugu Maríu
Sigurðardóttur, en um þessar
mundir eru 15 ár síðan Ávaxta-
karfan var fyrst sett á svið. Æf-
ingar hófust fyrir 2 vikum undir
stjórn leikstjórans Gunnars
Helgasonar.
Gunnar er þaulreyndur leikari og
leikstjóri og hefur einnig getið sér
gott orð sem barnabókahöfundur.
Hann skrifaði fótboltabækurnar
Víti í Vestmannaeyjum, Auka-
spyrna á Akureyri og Rangstæður
í Reykjavík. Bæði ungir og reyndir
leikarar sem fara með hlutverk í
sýningunni en haldnar voru leik-
og söngprufur þar sem fjölmargir,
hæfileikaríkir einstaklingar komu
og reyndu sig.
Leikfélag Keflavíkur er eitt það
öflugasta á landinu og er þetta 3.
sýningin sem sett er á svið í Frum-
leikhúsinu þetta leikárið. Sviðs-
myndin er hönnuð af Davíð Erni
Óskarssyni, en eins og nafn verks-
ins gefur til kynna þá gerist leik-
ritið í ávaxtakörfu þar sem ávextir
og grænmeti af öllum stærðum og
gerðum koma fram. Stefnt er að
frumsýningu föstudaginn 7. mars.
Nánar verður fjallað um uppsetn-
inguna í næstu tölublöðum Víkurf-
rétta.
n Sigurður G. Sigurðsson sóknarprestur:
Persónukjör - áhuga-
verður kostur
LESTUR
VINSÆLASTI
FRÉTTAMIÐILL Á
SUÐURNESJUM
www.vf.is+
83%