Víkurfréttir - 20.02.2014, Blaðsíða 6

fimmtudagurinn 20. febrúar 2014 • VÍKURFRÉTTIR6
-ritstjórnarbréf
vf.is
Unga fólkið og samfélagsleg ábyrgð
Krakkarnir í leiklistardeild Nemendafélags
Fjölbrautaskóla Suðurnesja hafa lagt á sig
mikla vinnu og frumsýna nú hinn þekkta
söngleik Dirty Dancing í hinum glæsilega
bíósal á Ásbrú, Andrews Theatre. Í viðtali
við formann leikfélags skólans kemur fram
að verkefnið hafi fengið mjög góðar við-
tökur innan skólans en erfitt hafi verið að
sækja styrki á svæðinu. Verulega kostnaðar-
samt sé að setja upp svo flotta sýningu.
Í spjalli við formann og leikstjóra verksins
kom einnig fram að framhaldsskólar, sem
hafi sterkt félagslíf og standi fyrir stórum
verkefnum á borð við leiksýningu, dragi að sér nemendur. Þá
veki svona veglega sýningar verulega athygli út fyrir skólann og
sé þannig góð auglýsing fyrir hann og samfélagið sem hann er í.
Ekki hefur tekist að sinna leiklistarlífinu í Fjölbrautaskólanum
á hverju ári og því hefur ekki skapast sú mikla hefð sem stórir
skólar á borð við Verslunarskólann hafa í leik og söng. Þar sem
hefðin er sterk berjast fyrirtækin um að komast að til að styrkja
svona verkefni. Slíku er ekki að fagna hér og því er mikilvægt
að vel takist til að fylgja eftir góðu starfi við söngleikinn núna
og setja upp á hverju ári í framtíðinni. Þá er líklegt að fyrir-
tækin sæki í að styrkja þetta skemmtilega og mikilvæga félags-
starf í FS. Formaður leikfélagsins sagði mikla hæfileika búa í
unga fólkinu í skólanum, í leiklist og dansi og ekki síst í tónlist,
í sjálfum bítlabænum. Mikla athygli vekur að 2. sýning verður
styrktarsýning fyrir Heilbrigðisstofnun Suðurnesja þar sem
allur aðgangseyrir mun renna til kaupa á tækjum fyrir starfsemi
þessarar mikilvægu stofnunar okkar. Það er ekki annað að segja
en að þetta sé óvanalegt en frábært framtak hjá unga fólkinu
okkar. Þau sýna svo sannarlega samfélagslega ábyrgð! Við segjum
bara: Gangi ykkur vel! Og hvetjum Suðurnesjamenn í leiðinni
að mæta í Andrews Theatre, en fimm sýningar eru áætlaðar.
Suðurnesjamenn í sjónvarpi VF
Sjónvarp Víkurfrétta hóf göngu sína í síðustu viku og stefnt
er að því að vera með vikulega þætti fram á vor. Þessi tilraun
tókst vel í fyrra og hlaut mjög góðar viðtökur. Markmiðið er
fyrst og fremst að vekja athygli á fjölbreyttu og skemmtilegu
mannlífi á Suðurnesjum. Í öðrum þætti er m.a. fjallað um söng-
leik Fjölbrautaskólans en einnig næsta verk Leikfélags Kefla-
víkur sem setur nú upp hina þekktu Ávaxtakörfu og verður
frumsýnd á næstu vikum. Menningin í hávegum höfð!
Við hvetjum lesendur okkar á Suðurnesjum að láta okkur vita
af skemmtilegum atburðum og forvitnilegu fólki. Hluti af
samfélagslegri ábyrgð og hlutverki fjölmiðils eins og Víkurf-
rétta, í blaði, á vef og í sjónvarpi, er að vekja athygli á jákvæðu
og fjölbreyttu mannlífi svæðisins í sinni víðustu mynd. Með
ykkar hjálp gengur það betur. Þannig getum við tekið höndum
saman um að vekja athygli á sterku samfélagi á Suðurnesjum.
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Páll Ketilsson skrifar
SÍMI 421 0000
-instagram #vikurfrettir
#garðskagaviti #iceland #icelandsecret
Mynd: mariasigurborg
Texti/myndir: Hilmar Bragi Bárðarson // hilmar@vf.is
n Vox Arena og NFS frumsýna söngleik í kvöld:
SÖNGLEIKURINN DIRTY
DANCING Í ANDREWS
- styrktarsýning fyrir Heilbrigðisstofnun Suðurnesja á morgun
Vox Arena, sem er leikfélag Fjölbrautaskóla Suðurnesja, og NFS, Nemendafélag Fjölbrauta-
skóla Suðurnesja, eru þessa dagana að setja upp
söngleikinn Dirty Dancing. Frumsýning verður í
kvöld, fimmtudagskvöld, í Andrews menningarhús-
inu á Ásbrú í Reykjanesbæ.
Söngleikurinn er byggður á samnefndri kvikmynd sem
flestir þekkja. Myndin sló í gegn árið 1987 en sagan
gerist sumarið 1963. Í söngleiknum
fáum við að kynnast Houseman fjöl-
dskyldunni sem ver sumarfíinu sínu
á Hótel Kellerman. Leikritið fjallar
að mestu um Lillu, yngri systirina og
danskennara hótelsins, og hinn heita
og kvennsama Johnny. Milli þeirra
kviknar funi sem erfitt er að slökkva
og þurfa þau að takast á við fordóma,
stéttarskiptingu, vina- og fjölskyldu-
vandamál sem og erfiðar ákvaðanir, líkt og flest ungt
fólk þekkti 1963 og enn í dag árið 2014.
„Okkur fannst vanta smá krydd í félagslífið hjá okkur
og langt síðan við settum stórt verk á svið síðast og því
var ákveðið að ráðast í þetta verkefni,“ segir Ásta María
Jónsdóttir, formaður Vox Arena.
Söngleikurinn Dirty Dancing er frumraun leikstjórans
Gunnellu Hólmarsdóttur. Gunnella er fyrrum nem-
andi úr Fjölbrautaskóla Suðurnesja. Að loknu námi
hér heima fór hún til Danmerkur að nema leiklist og
leikstjórn. Hún segir í samtali við Víkurfréttir að söng-
leikurinn sé mikil áskorun fyrir alla sem að honum
koma.
Gunnella lagði til við leikfélag skólans að ráðast í að
setja upp Dirty Dancing. Aðspurð hvers vegna segir
Gunnella að hún elski þessa mynd „og ég held að
flestir tengist henni á einhvern hátt. Nemendafélagið
kom til mín og vildi ráðast í verkefni sem yrði árlegt
og það myndi skapast mikil stemmning í kringum
verkið og þá fór ég að hugsa að taka verkefni sem allir
þekkja og jafnframt eitthvað spennandi. Ég vissi að það
væri mikið af hæfileikaríku fólki í dansi og söng hér á
Suðurnesjum og því fannst mér Dirty Dancing tilvalið
verkefni fyrir okkur að setja á svið,“ segir Gunnella
sem hefur íslenskað heiti sýningarinnar í „Sóðasveifla
á Suðurnesjum“.
Ásta María segir verkefnið hafa fengið góðar við-
tökur innan skólans og það séu allir spenntir fyrir
sýningunni en síðustu daga hefur verið unnið langt
fram eftir kvöldi við æfingar og sviðssetningu, en
notast er við Andrews menningarhúsið á Ásbrú. Þar
verður skapaður andi ársins 1963 og m.a. verða bílar
frá þessum tíma á stæðinu framan við menningarhúsið
og tíðarandi ársins 1963 verður jafnframt innandyra.
Dirty Dancing verður frumsýnt í kvöld en annað
kvöld, föstudagskvöld, verður sérstök styrktarsýn-
ing fyrir Heilbrigðisstofnun Suðurnesja, þar sem allt
andvirði miðasölu rennur óskipt til tækjakaupa fyrir
stofnunina. Ásta María segist hafa
heyrt af því að það vantaði að kaupa
ýmis tæki og því hafi verið ákveðið
að halda styrktarsýningu. Með því að
fylla húsið safnist ein milljón króna
í góðan málsstað og eru Suðurnesja-
menn hvattir til að mæta á góða
skemmtun og leggja góðum málsstað
lið á sama tíma.
Áætlaðar eru fimm sýningar á Dirty
Dancing. Frumsýning í kvöld kl. 20, önnur sýning á
föstudagskvöld kl. 20, tvær sýningar á laugardag kl. 16
og 20 og lokasýning á sunnudag kl. 20. Miðaverð er
2000 krónur og miðasala fer fram á midi.is.
Okkur
fannst
vanta smá krydd
í félagslífið
hjá okkur
Samsettir fjáröflunarpakkar eða sérsniðnir eftir óskum hópsins
Öflug fjáröflun
fyrir hópinn
www.rekstrarland.isRekstrarland | Skeifunni 11 | 108 Reykjavík | Sími 515 1100
Hafið samband við sölumenn Rekstrarlands eða næsta útibú Olís og leitið tilboða.
Rekstrarland er byggt á fyrrum rekstrarvörudeild Olís og er dótturfyrirtæki Olíuverzlunar Íslands hf.
Reykjanesbær 420 1000 Grindavík 426 7500
PI
PA
R\
TB
W
A
•
S
ÍA
•
1
3
2
87
4